|
ທ່ານສືເຢິນຕຸນຈູ ນັກສິລະປິນເຜົ່າຕິເບດຈີນ
cri
Author: q
ທ່ານສືເຢິນຕຸນຈູ ແມ່ນນັກສິລະປິນເຜົ່າຕິເບດທີ່ມີຊື່ສຽງຜູ້ໜຶ່ງໃນວົງການດົນຕີຈີນ.
ທ່ານສືເຢິນຕຸນຈູແມ່ນໃຜໆກໍຮູ້ເກືອບໝົດທຸກຄົນຢູ່ຕິເບດ,ແລະນິຍົມຊົມຊອບທ່ານທີ່ສຸດ.ປີນີ້ທ່ານອາຍຸ51ປີແລ້ວ,ໃນເວລາຫາກໍ່ເລີ່ມເຮັດວຽກນັ້ນ,ທ່ານແມ່ນນັກຟ້ອນຜູ້ໜຶ່ງ,ທ່ານເວົ້າຕໍ່ນັກຂ່າວວ່າ:
"ຢູ່ຕິເບດມີຄວາມເວົ້າປະໂຫຍກໜຶ່ງວ່າ,ຄົນຍ່າງເປັນຕ້ອງຟ້ອນເປັນ,ຄົນເວົ້າເປັນຕ້ອງຮ້ອງເພງເປັນ.ເລີ່ມແຕ່ເຂົ້າໂຮງຮຽນປະຖົມ,ຂ້ອຍກໍມັກຟ້ອນ,ໃນຄາວນັ້ນ,ການຟ້ອນລຳຊົນເຜົ່າຕິເບດມີຜົນກະທົບແຮງທີ່ສຸດຕໍ່ຂ້ອຍ,ໃນເວລາຂ້ອຍອາຍຸ11ປີ,ຄະນະສິລະປະກອນເຂດຕິເບດປົກຄອງຕົນເອງກໍຮັບເອົາຂ້ອຍ,ຕໍ່ມາກໍໄປຮຽນຢູ່ວິທະຍາຄານວິຊາຟ້ອນຈີນຢູ່ປັກກິ່ງ."
ໃນເວລາເປັນນັກສະແດງຟ້ອນນັ້ນ,ສິ່ງທີ່ປະທັບໃຈອັນເລິກເຊິ່ງກວ່າໝູ່ຂອງທ່ານສືເຢິນຕຸນຈູແມ່ນໄດ້ເຂົ້າຮ່ວມການສະແດງການເສບຟ້ອນໃນມະຫາກາບປະຫວັດສາດຂະໜາດໃຫຍ່ເລື່ອງ"ບົວລະພາແດງ"ໃນການຟ້ອນດັ່ງກ່າວ,ທ່ານແມ່ນສະແດງເປັນສະມາຊິກກອງເຍົາວະຊົນຜູ້ໜຶ່ງ,ໃນເວລາຫວນຄຶດເຖິງສະພາບໃນຄາວນັ້ນ,ທ່ານສືເຢິນຕຸນຈູເວົ້າວ່າ,ເທື່ອນັ້ນແມ່ນທ່ານເຂົ້າຮ່ວມການສະແດງເທິງເວທີເປັນເທື່ອທຳອິດ,ມີເທື່ອໜຶ່ງ,ໃນເວລາຟ້ອນຢູ່ນັ້ນ,ຍ້ອນເຄັ່ງຕຶງໂພດ,ທ່ານຈົນເກືອບຕົກເວທີ.
ໃນຊຸມປີ60,70ຂອງສະຕະວັດທີ່ແລ້ວ,ລະຄອນຟ້ອນເລື່ອງ"ນາງຜົມຂາວ"ທີ່ວາດພາບຊາວກະສິກອນຈີນຕ້ານສັກດິນາກົດຂີ່ນັ້ນກໍຟົດສະໜັ່ນຂຶ້ນຊົ່ວໄລຍະໜຶ່ງ,ທ່ານສືເຢິນຕຸນຈູເຄີຍສະແດງເປັນທ້າວຕ້າຊຸນ ພະເອກຂອງລະຄອນຟ້ອນເລື່ອງນີ້.ນອກນັ້ນ,ທ່ານກໍເຄີຍສະແດງເປັນຜູ້ນຳໜ້າຟ້ອນ,ເປັນນັກຟ້ອນດ່ຽວ,ແລະຟ້ອນຄູ່ໃນການຟ້ອນຫຼາຍໆເລື່ອງ.ທຳມະດາແລ້ວ,ການສະແດງທີ່ທ່ານຊຳນານກວ່າໝູ່ກໍຍັງແມ່ນການຟ້ອນທີ່ມີຮູບລັກສະນະຊົນເຜົ່າຂອງຊົນເຜົ່າຕົນ.ນອກນັ້ນ,ທ່ານຍັງພະຍາຍາມຮຽນແລະຄົ້ນຄວ້າວາດຟ້ອນຂອງຊົນເຜົ່າອື່ນອີກ,ທ່ານເຄີຍຟ້ອນເຜົ່າເກົາຫຼີ,ເຜົ່າມົງໂກແລະເຜົ່າຊິນຈ່ຽງເປັນຕົ້ນ.
1 2
|
|
