|
|
 |
| (GMT+08:00)
2005-07-06 16:26:03
|
 |
|
ທ່ານສືເຢິນຕຸນຈູ ນັກສິລະປິນເຜົ່າຕິເບດຈີນ
cri
Author: q
ຕັ້ງແຕ່ເລີ່ມຮຽນຢູ່ວິທະຍາຄານວິຊາຟ້ອນຈີນແຕ່ອາຍຸ11ປີມາຮອດອາຍຸ40ປີທ່ານຈິ່ງປ່ຽນມາເປັນຜູ້ກຳກັບການສະແດງ.ໃນປະສົບການເປັນນັກສະແດງເກືອບ30ປີນັ້ນ,ທ່ານໄດ້ສ້າງພື້ນຖານອັນໝັ້ນແກ່ນໃຫ້ແກ່ທ່ານສືເຢິນຕຸນຈູກາຍເປັນຜູ້ກຳກັບການຟ້ອນທີ່ດີເລີດຜູ້ໜຶ່ງ.ເມື່ອປີ1984,ທ່ານສືເຢິນຕຸນຈູໄດ້ເລີ່ມປະດິດຄຶດແຕ່ງບົດຟ້ອນ.ພໍເລີ່ມຕົ້ນ,ທ່ານກໍແຕ່ງແຕ່ບົດຟ້ອນຂະໜາດນ້ອຍຈຳນວນໜຶ່ງເຊັ່ນການຟ້ອນຄູ,ການຟ້ອນສາມຄົນແລະການຟ້ອນໝູ່ເຫຼົ່ານີ້ເປັນຕົ້ນ.ທ່ານຮູ້ສຶກບໍ່ພໍໃຈຕໍ່ວຽກດັ່ງກ່າວ,ເພື່ອຍົກລະດັບປະດິດຄຶດແຕ່ງບົດຟ້ອນຂອງຕົນໃຫ້ສູງຂຶ້ນໄວເທົ່າທີ່ຈະໄວໄດ້,ທ່ານຍັງໄປຮຽນຢູ່ໂຮງຮຽນສິລະປະຊັ້ນສູງຂອງຈີນສອງເທື່ອ,ຜ່ານການຮຽນຕື່ມ,ຄວາມຮັບຮູ້ຂອງທ່ານຕໍ່ສິລະປະປະດິດຄຶດແຕ່ງບົດຟ້ອນກໍຍິ່ງກ້າວກະໂດດຂຶ້ນໄວສົມຄວນ.
ເມື່ອປີ1995,ທ່ານສືເຢິນຕຸນຈູຮຽນຈົບວິຊາຮຽບຮຽງແລະກຳກັບການຟ້ອນຢູ່ມະຫາວິທະຍາໄລຊົນເຜົ່າສູນກາງແລ້ວກັບຄືນເມືອເຂດຕິເບດ,ຄ້ອມພໍດີແມ່ນຍາມປົດປ່ອຍຕິເບດໂດຍສັນຕິຄົບຮອບ40ປີ,ທ່ານໄດ້ແຕ່ງງານລາຕີຟ້ອນຮ້ອງຊົນເຜົ່າຂະໜາດໃຫຍ່ເລື່ອງສັນລະເສີນນົກຫົງ.ງານລາຕີດັ່ງກ່າວກໍໄດ້ຮັບລາງວັນ"ເວິນຮວາ"ຂອງກະຊວງວັດທະນະທຳຈີນເຊິ່ງແມ່ນລາງວັນໃຫຍ່ໃນຂົງເຂດສິລະປະວັດທະນະທຳຈີນໃນປີນັ້ນ.ຕໍ່ມາ,ທ່ານສືເຢິນຕຸນຈູຍັງຮັບຕຳແໜ່ງເປັນຜູ້ກຳກັບການສະແດງລວມຂອງງານລາຕີຫຼາຍໆເທື່ອເຊັ່ນງານລາຕີສະຫຼອງວັນສ້າງຕັ້ງຄະນະສິລະປະກອນເຂດຕິເບດປົກຄອງຕົນເອງຄົບຮອບ40ປີເປັນຕົ້ນ.ທ່ານເວົ້າວ່າ:
"ຜ່ານການຮ່ຳຮຽນແລະພຶດຕິກຳຢ່າງບໍ່ຢຸດຢັ້ງ,ລະດັບປະດິດຄຶດແຕ່ງຂອງຂ້ອຍກໍມີການຍົກສູງຂຶ້ນຫຼາຍ.ການກຳກັບການສະແດງດົນຕີຟ້ອນຕິເບດຂະໜາດໃຫຍ່ຄືເລື່ອງ"ຈູມູລັງມາ"ກໍມີຄວາມໝັ້ນໃຈແລ້ວ.ເວລາຢູ່ໂຮງຮຽນ,ຄູອາຈານໄດ້ສອນວິທີປະດິດຄຶດແຕ່ງໃໝ່ໃຫ້ຫຼາຍຢ່າງ.ພວກເຮົາກໍຮຽນເອົາ,ນີ້ເປັນການຊ່ອຍໃຫ້ຂ້ອຍຍົກລະດັບຄຶດແຕ່ງບົດຟ້ອນຂອງຕົນໃຫ້ສູງຂຶ້ນຫຼາຍ."
ທ່ານສືເຢິນຕຸນຈູເວົ້າວ່າ,ໃນຫຼາຍປີມານີ້,ເພິ່ນພວມຄົ້ນຄວ້າຮິ່ນຕອງແຕ່ງບົດຟ້ອນທີ່ສາມາດສະແດງໃຫ້ເຫັນປະຫວັດສາດ,ວັດທະນະທຳ,ການຟ້ອນຮ້ອງ,ສາສະໜາແລະຮີດຄອງປະເພນີຂອງຕິເບດຢ່າງແທ້ຈິງທີ່ມີຜົນສະທ້ອນໃນທົ່ວປະເທດຈົນຮອດທົ່ວໂລກໂດຍຕະຫຼອດ.ກ່ຽວກັບເລື່ອງນີ້,ທ່ານສືເຢິນຕຸນຈູໄດ້ລົງໄປຜ່ານຊີວິດຕົວຈິງຢູ່ຊົນນະບົດຫຼາຍເທື່ອ,ໄດ້ລົງເລິກຮອດພໍ່ແມ່ປະຊາຊົນ,ແລະໄປສຳຜັດທຳມະຊາດ,ຜ່ານການລົງເລິກໃນຊີວິດຕົວຈິງແລະຄົ້ນຄວ້າຫາລືກັບຜູ້ປະດິດແຕ່ງຫຼາຍຜູ້ຫຼາຍຄົນຫຼາຍຫຼົບຫຼາຍຕ່າວ,ບົດດົນຕີຟ້ອນຂະໜາດໃຫຍ່ທີ່ເອົານິທານຊື່ງາມນາມມວນເລື່ອງ"ຈູມຸລັງມາ"ມາຂະໜານນາມນັ້ນກໍໄດ້ກຳເນີດເກີດຂຶ້ນ.
ທ່ານສືເຢິນຕຸນຈູເວົ້າວ່າ:ບົດດົນຕີຟ້ອນເລື່ອງ"ຈູມູລັງມາ"ແມ່ນເລົ່າຢູ່ເຜົ່າຕິເບດຢູ່ພູພຽງເຂດຫິມະ,ເຊິ່ງໄດ້ສະແດງເຖິງປະຫວັດສາດ,ວັດທະນະທຳ,ດົນຕີ,ວາດຟ້ອນ,ສາສະໜາແລະຮີດຄອງປະເພນີຂອງເຜົ່າຕິເບດພາຍໃນເວລາ100ນາທີດ້ວຍຄວາມທະນົງອົງອາດປານມະຫາກາບປະຫວັດສາດ,ໄດ້ຜ່ານຮູບການສະແດງທີ່ຕ່າງກັນເຊັ່ນດົນຕີ,ວາດຟ້ອນແລະລິເກຕິເບດມາສະແດງຢ່າງພົ້ນເດັ່ນໃຫ້ເຫັນຈິດໃຈອັນໝັ້ນໜຽວຂອງຊົນເຜົ່າຕິເບດແລະຊີວິດອັນດີງາມຂອງພວກເຂົາເຈົ້າທີ່ໄດ້ມີມາໃນຊູ່ມື້ນີ້.
ທ່ານນາງປາຍຊູຊຽງ ປະທານສະມາຄົມນັກຟ້ອນແຫ່ງປະເທດຈີນເວົ້າວ່າ,ຫຼັງຈາກເບິ່ງດົນຕີຟ້ອນຂະໜາດໃຫຍ່ເລື່ອງ"ຈູມູລັງມາ"ແລ້ວ,ກໍເຮັດໃຫ້ຄົນຮູ້ສຶກເບີກບານທີ່ສຸດ,ດົນຕີຟ້ອນເລື່ອງນີ້ໄດ້ສະແດງໃຫ້ເຫັນຢ່າງເຕັມສ່ວນເຖິງວັດທະນະທຳສາສະໜາແລະຊີວິດຂອງປະຊາຊົນຕິເບດ,ການແຕ່ງບົດແລະວິທີສະແດງຂອງການຟ້ອນຮ້ອງລ້ວນແຕ່ໃໝ່ອ່ຽມທີ່ສຸດ,ນີ້ແມ່ນບົດຟ້ອນບົດໜຶ່ງທີ່ບໍ່ຄ່ອຍມີຂອງເຂດພິເບດໃນຫຼາຍປີມານີ້.
ປັດຈຸບັນ,ຢູ່ພາຍໃນປະເທດຈີນ,ໂດຍສະເພາະແມ່ນຢູ່ເຂດຕິເບດ,ທ່ານສືເຢິນຕຸນຈູໄດ້ກາຍເປັນຜູ້ກຳກັບການຟ້ອນທີ່ມີຊື່ສຽງດົ່ງດັງແລ້ວ.ແຕ່ປານນັ້ນທ່ານກໍບໍ່ເພິ່ງພໍໃຈເທື່ອ,ຕໍ່ຜົນສຳເລັດຂອງຕົນ,ທ່ານໄດ້ເວົ້າແນວນີ້ວ່າ:
"ຂ້ອຍຮູ້ສຶກວ່າເວົ້າສຳລັບຜູ້ປະດິດຄຶດແຕ່ງບົດຟ້ອນແລ້ວ,ເມື່ອບົດຟ້ອນໄດ້ຮັບຄວາມນິຍົມຊົມຊອບຈາກຜູ້ຊົມອັນໄພສານແລ້ວມັນກໍເປັນການປະໂລມໃຈທີ່ສຸດຕໍ່ຂ້ອຍ,ຢູ່ໃນການປະດິດຄຶດແຕ່ງຕໍ່ໄປເມືອໜ້າ,ຂ້ອຍຈະພະຍາຍາມຢູ່ເລື້ອຍໆເພື່ອມອບງານລາຕີຟ້ອນຮ້ອງຂອງຕິເບດໃຫ້ຫຼາຍແລະດີກວ່າເກົ່າແກ່ຜູ້ຊົມອັນໄພສານ."
1 2
|
|
|
