|
[ປະມວນເພງສະໄໝນິຍົມ]"ແມງກະເບື້ອສອງໂຕ" (ສຽງ)
cri
Author: mo
|
ມື້ນີ້, ແສງແກ້ວຂໍຈັດເພງສະໄໝນິຍົມປະມວນໜຶ່ງມາສູ່ຟັງ. ຫວ່າງມໍ່ໆນີ້, ຢູ່ທຸກໆແຫ່ງໃນປະເທດຈີນ, ບ່ອນໃດກໍໄດ້ຍິນສຽງເພງ"ຫຼຽງຈື່ຫູເຕຍ" ແມງກະເບື້ອສອງໂຕ. ເພງນີ້ມີເນື້ອຮ້ອງມ່ວນ, ຮ້ອງງ່າຍ, ທຳນອງກໍມ່ວນອອນຊອນ, ຜູ້ຂັບຮ້ອງຄືທ່ານຜາງລົງຮ້ອງໄດ້ດີຫລາຍ, ຟັງແລ້ວກະຕຸ້ນໃຈທີ່ສຸດ.
ເນື້ອເພງມີຢູ່ວ່າ: "ສຸດທີ່ຮັກ, ເຈົ້າບິນຊ້າໆແດ່, ລະວັງທາງໜ້າມີດອກກຸຫລາບທີ່ມີໜາມ. ສຸດທີ່ຮັກ, ໃຫ້ເຈົ້າບິນຕາມຂ້ອຍເດີ້, ບີນຜ່ານພຸ່ມໄມ້ໄປເບິ່ງນ້ຳຫ້ວຍ. ສຸດທີ່ຮັກ, ເຮົາມາເຕັ້ນລຳນຳກັນ, ລະດູບານໃໝ່ແຫ່ງຄວາມຮັກບໍ່ມີຍາມຟ້າມືດ. ຂ້ອຍກັບເຈົ້າບິນກ້ຽວກັນ, ບິນຜ່ານເມືອງມະນຸດ, ຄຽງຄູ່ກັນໄປຊົ່ວນິລັນ. ເມື່ອຮອດທ້າຍລະດູທີ່ໃບໄມ້ຫຼົ່ນເປັນກອງ, ເຖິງຂ້ອຍຈະຫ່ຽວແຫ້ງນຳເຈົ້າກໍບໍ່ກິນແໜງ.
ທີ່ຟັງມານັ້ນແມ່ນເພງ"ຫຼຽງຈື່ຫູເຕຍ" ແມງກະເບື້ອສອງໂຕ ຂັບຮ້ອງໂດຍທ່ານຜາງລົງ. ທ່ານຜາງລົງແມ່ນນັກຮ້ອງທີ່ມາຈາກພາກຕາເວັນອອກສຽງເໜືອຂອງຈີນ, ເຖິງວ່າແຕ່ກ່ອນ, ທ່ານກໍເຄີຍຮ້ອງເພງສະຫຼັບໃນເລື້ອງໂທລະພາບ, ແຕ່ບໍ່ມີຊື່ສຽງປານໃດ. ປີ 2004, ທ່ານໄດ້ຮ້ອງເພງ"ແມງກະເບື້ອສອງໂຕ" ປະກອບໃສ່ເລື່ອງໂທລະພາບ, ເຖິງວ່າເລື່ອງໂທລະພາບເລື່ອງນີ້ບໍ່ໄດ້ນຳອອກສາຍເທື່ອ, ແຕ່ເພງນີ້ພັດໄດ້ນິຍົມກັນທີ່ສຸດຢູ່ໃນອິນເຕີເນັດ, ເປັນເພງທີ່ມີຄົນກົດຟັງຫລາຍກວ່າໝູ່. ສຽງເພງຂອງທ່ານຜາງລົງເຍືອກເຢັນເສົ້າໝອງແບບຜູ້ຊາຍ, ແຟນເພງຕິດໃຈຫລາຍ. ປີ 2005, ທ່ານຜາງລົງໄດ້ອັດCDແຜ່ນທຳອິດທີ່ໃຫ້ຊື່ວ່າ"ຫຼຽງຈື່ຫູເຕຍ" ແມງກະເບື້ອສອງໂຕ, ເພງ"ເຈ່ຍຈ້າຍຕົ່ງເປ" ບ້ານຢູ່ພາກຕາເວັນອອກສຽງເໜືອ, ໄດ້ໃຊ້ທຳນອງຊົນເຜົ່າຂອງທ້ອງຖິ່ນອັນເຂັ້ມຂຸ້ນ, ມາສະແດງອາລົມເລິກເຊິ່ງຂອງທ່ານຜາງລົງທີ່ມີຕໍ່ບ້ານເກີດ, ຕໍ່ໄປເຊີນຟັງເພງ" "ເຈ່ຍຈ້າຍຕົ່ງເປ" ບ້ານຢູ່ພາກຕາເວັນອອກສຽງເໜືອ.
 ນາງຈ້າວເວີຍແມ່ນດາລາຮູບເງົາແລະໂທລະພາບທີ່ຜູ້ຊົມຈີນມັກຫລາຍ, ຫວ່າງບໍ່ດົນນີ້, ນາງໄດ້ນຳອອກຈຳໜ່າຍCDເພງແຜ່ນທີ 3 ຂອງຕົນທີ່ໃຫ້ຊື່ວ່າ"ພ່ຽວ" ປິວ. ໃນCD"ປີວ"ແຜ່ນນີ້, ສຽງເພງຂອງນາງເສາະໄສ, ຈິງໃຈ. ເພງ"ຈ້ຽນໆ" ໝາຍຄວາມວ່າ ຄ່ອຍໆ ຊຶ່ງແມ່ນເພງເອກໃນCDແຜ່ນນີ້ມີສຽງປະສານທີ່ໄພເລາະ, ທຳນອງອົບອຸ່ນອອນຊອນ, ໜ້າຟັງຫລາຍ.
ເຈົ້າຫັນຫຼັງຍ່າງໄປຫາທາງທີ່ເຈົ້າມາ,  ແສງຕາເວັນເຫຼື້ອມຕາຈົນນ້ຳຍ້າມອອກ. ການຈາກກັນພວມເປັນໄປ, ຈະເອົາຄືນແມ່ນບໍ່ໄດ້ແລ້ວ. ຮອຍຍິ້ມຂອງເຈົ້າຄ່ອຍໆຈາງໄປ, ແມ່ນເຈົ້າພວມສະແດງບໍ່? ຄວາມຮັກຄ່ອຍໆຫາຍໄປ, ເຮັດໃຫ້ຂ້ອຍຢຸດນິ່ງ. ທີ່ທ່ານພວມຟັງຢູ່ນີ້ແມ່ນເພງ"ຈ້ຽນໆ" ຄ່ອຍໆ, ຂັບຮ້ອງໂດຍນາງຈ້າວເວິຍ.
1 2
|
|
