|
|
 |
| (GMT+08:00)
2005-07-11 16:29:03
|
 |
|
[ປະມວນເພງສະໄໝນິຍົມ]"ແມງກະເບື້ອສອງໂຕ" (ສຽງ)
cri
Author: mo
ຄະນະຮ້ອງເພງ"ອີເຢີນຈື້ຈ້າວ"ປະກອບດ້ວຍອ້າຍບ່າວເຜົ່າອີ 3 ຄົນທີ່ມາຈາກພູຕ້າລຽງ ພາກຕາເວັນຕົກສຽງໃຕ້ຂອງຈີນ, ວັດທະນະທຳເຜົ່າອີທີ່ກວ້າງເລິກເຮັດໃຫ້ການຂັບຮ້ອງຂອງພວກເຂົາເຈົ້າມີລັກສະນະຊົນເຜົ່າຢ່າງແຈ່ມແຈ້ງ. ເພງທີ່ທ່ານຈະໄດ້ຟັງຕໍ່ໄປຄືເພງ"ແມ່" ທຳນອງໃໝ່ອ່ຽມ ອາລົມເລິກເຊິ່ງ, ເນື້ອເພງກໍງ່າຍດາຍ, ລະບາຍອາລົມຢ່າງຈັບໃຈ, ເນື້ອເພງມີຢູ່ວ່າ: ແມ່ເອີຍ, ແມ່ທີ່ຮັກ, ລູກເຮັດໃຫ້ແມ່ເປັນຫ່ວງ, ລູກເຮັດໃຫ້ແມ່ເມື່ອຍ. ແມ່ນແມ່ເຊັດນ້ຳຕາຢາດທຳອິດໃຫ້ລູກ, ແມ່ນແມ່ສອນໃຫ້ລູກບິນເປັນ. ແມ່ເອີຍ, ແມ່ແມ່ນທວນໄຟທີ່ບໍ່ມອດຈັກເທື່ອໃນໃຈຂອງລູກ, ເຖິງຈະແມ່ນກາງຄືນ, ລູກກໍບໍ່ຫຼົງທາງ.
ມ້ວນທ້າຍລາຍການມື້ນີ້, ເຊີນຟັງເພງ"ຈືໂຈ"ແປວ່າຄວາມຈົດຈໍ່ ຂັບຮ້ອງໂດຍ ນາງຖຽນເຈິ້ນ. ນາງຖຽນເຈິ້ນແມ່ນນັກຮ້ອງທີ່ນິຍົມກັນຫລາຍບົນເວທີເພງຈີນ, ສຽງນາງເປັນສຽງທຸ້ມ ມີສະເໜ. ແຕ່ຊຸມປີ 80 ສະຕະວັດທີ່ແລ້ວ ມາຮອດປັດຈຸບັນ, ນາງຖຽນເຈິ້ນໄດ້ຍຶດໝັ້ນເອກະລັກພິເສດຂອງຕົນທີ່ມີທຳນອງລອກແອນໂລນ ເພງພື້ນເມືອງ, ແລະລັກສະນະຊົນເຜົ່າ, ໄດ້ດູດດຶງແຟນເພງຫລວງຫລາຍ. ເພງຈືໂຈທີ່ນາງຖຽນເຈິ້ນອັດຈຳໜ່າຍໃນປີ 1995 ແມ່ນເພງດີເດັ່ນເພງໜຶ່ງຂອງນາງ, ໄດ້ສະແດງໃຫ້ເຫັນຄວາມຈົດຈໍ່ຕໍ່ຄວາມຮັກຂອງຄົນໃນສັງຄົມສະໄໝນີ້.
ເນື້ອເພງມີຄວາມໝາຍວ່າ: ເມື່ອຮອດຍາມຄ່ຳຄືນ, ຄວາມເປົ່າປ່ຽວມັກຢູ່ຄຽງຂ້າງ. ເມື່ອຮອດຍາມຫົວຄ່ຳ, ຂ້ອຍລໍຄອຍຈົນໃຈຕື່ນເຕັ້ນ, ຍາມນີ້ແມ່ນຍາມລະມ່ອມລະໄມ. ບໍ່ວ່າໂລກຈະປ່ຽນແປງແນວໃດ, ຄວາມຮັກຂອງເຈົ້າກໍປະທັບໃຈຂ້ອຍຊົ່ວກາລະນານ. ເຈົ້າຮູ້ບໍ່? ຂ້ອຍບໍ່ສາມາດລະງັບຄວາມກະຕືລືລົ້ນໃນໃຈ, ແລະຄວາມຈົດຈໍ່ຕໍ່ອະນາຄົດ. ທີ່ທ່ານພວມຟັງຢູ່ນີ້ແມ່ນເພງ"ຈືໂຈ" ຈົດຈໍ່ ຂັບຮ້ອງໂດຍນາງຖຽນເຈິ້ນ.
1 2
|
|
|
