|
|
 |
| (GMT+08:00)
2005-07-12 16:47:54
|
 |
|
ເພງພື້ນເມືອງຂອງຊົນເຜົ່າສ່ວນໜ້ອຍທີ່ຂັບຮ້ອງໂດຍຄະນະຮ້ອງຮ່ວມໝູ່ເດັກນ້ອຍຈີນ(ສຽງ)
cri
Author: huachunmei
ທ່ານຜູ່ຟັງທີ່ໂຄລົບ, ແມ່ນ້ຳອູຊູຫຼີຈຽງແມ່ນສາຂາໃຫຍ່ສາຍໜຶ່ງຂອງແມ່ນ້ຳເຮີຍຫຼົງຈຽງ ພາກຕາເວັນອອກສຽງເໜືອຂອງຈີນ. ຢູ່ແຫ່ງນັ້ນ, ມີປູປາອຸດົມສົມບູນ, ທິວທັດສວຍງາມ, ຊາວເຜົ່າເຮີເຈີ ຊົນເຜົ່າສ່ວນໜ້ອຍຂອງຈີນໄດ້ດຳລົງຊີວິດຢູ່ທີ່ນີ້ມາຫຼາຍເຊັ່ນຄົນ. ເພງ ອູຊູຫຼີຈ່ຽງສວນເກີ່ ເພງເຮືອແມ່ນ້ຳອູຊູຫຼີທີ່ທ່ານພວມຟັງຢູ່ນີ້ກໍແມ່ນເພງພື້ນເມືອງຊົນເຜົ່າເຮີເຈີທີ່ນິຍົມກັນຢູ່ຈີນ. ເພງນີ້ໄດ້ສະແດງໃຫ້ເຫັນຊາວຫາປາຊົນເຜົ່າເຮີເຈີຜຸ່ດຸໝັ່ນແລະຊື່ສັດສັນລະເສີນຊີວິດອັນຈົບງາມແລະຄາວາມຮັກຫອມບ້ານເກີດເມືອງນອນ.
ເຜົ່າມູ້ລາວແມ່ນເຜົ່າໜຶ່ງທີ່ມີປະຊາກອນອ່າວໜ້ອຍຢູ່ພາກຕາເວັນຕົກສຽງໃຕ້ຂອງຈີນ. ໃນຊີວິດຂອງຊົນເຜົ່າມູ້ລາວ, ເພງພື້ນເມືອງມີຖານະສຳຄັນທີ່ສຸດ. ຊາວເຜົ່າມູ້ລາວບໍ່ວ່າຜູ່ຍິງຜູ່ຊາຍ, ຫຼືວ່າຜູ່ເຖົ້າຜູ່ໜຸ່ມລ້ວນແຕ່ມັກຮ້ອງເພງ. ຄອບຄົວໃດກໍມີປຶ້ມເພງ, ແຕ່ລະບ້ານກໍ່ມີນັກຮ້ອງຜູ່ເກັ່ງ. ເພງ ຕາຊິ່ວຊ່ຽນ ແປວ່າ ໂອ່ນໂລ່ນຊາ ເຊິ່ງເປັນເພງເດັກນ້ອຍເຜົ່າມູ້ລາວຮ້ອງໃນຍາມຫຼິ້ນທີ່ທ່ານພວມຟັງຢູ່ນີ້ໄດ້ວາດພາບການຫຼິ້ນຂອງເດັກນ້ອຍເຜົ່າມູ້ລາວ. ເນື້ອເພງຮ້ອງວ່າ, "ເອື້ອຍນ້ອງພ້ອມກັນໂຫຍ້ມໂອ່ນໂລ່ນຊາ, ໂອ່ນໄປໂອ່ນມາ, ໂອ່ນຂຶ້ນສູງຫຼາຍ, ກະໂປ່ງຫຼາຍສີຫຼາຍສັນປິວຢູ່ກາງຫາວ, ປານນົກແອ່ນບິນຢູ່ເທິງທ້ອງຟ້າ."
ເພງ ອາໄຫຼປາລາງມູ້ແມ່ນເພງໜຶ່ງຂອງເຜົ່າວີອູເອີເຂດຊີງຈຽງ. ໃນພາສາເຜົ່າວີອູເອີ, ຄຳ "ອາໄຫຼປາລາງມູ້"ມີຄວາມໝາຍວ່າ "ລູກຮັກ". ເພງ "ອາໄຫຼປາລາງມູ້"ແມ່ນເພງກ່ອມນອນທີ່ແມ່ຍິງເຜົ່າວິອູເອີມັກຮ້ອງຕາມເດີມ, ດຽວນີ້, ເພງນີ້ຖືກແຕ່ງໃໝ່ເປັນເພງຮ້ອງຮ່ວມໝູ່ໂດຍສຽງເດັກນ້ອຍແລ້ວ, ຟັງແລ້ວຮູ້ສຶກວ່າ, ມ່ວນພິເສດ. ຕໍ່ໄປ, ເຊີນຟັງເພງອາໄຫຼປາລາງມູ້ທີ່ຂັບຮ້ອງໂດຍຄະນະຮ້ອງຮ່ວມໝູ່ໂດຍສຽງເດັກຊິນເຢ້ປັກກິ່ງ.
ເຜົ່າທູເຈຍຕັ້ງພູມລຳເນົາຢູ່ພາກຕາເວັນຕົກສຽງໃຕ້ຂອງຈີນ, ພວກເຂົາເຈົ້າຮ້ອງເພງເປັນເກືອບທຸກຄົນ, ສະນັ້ນ, ເຂດຊົນເຜົ່າທູເຈຍຈຶ່ງມີຊື່ວ່າ "ມະຫາສະໝຸດເພງ". ຕໍ່ໄປ, ເຊີນຟັງເພງພື້ນເມືອງເຜົ່າທູເຈຍທີ່ຂັບຮ້ອງໂດຍຄະນະຮ້ອງຮ່ວມໝູ່ຈິນຟານປັ່ກກິ່ງ. ເນື້ອເພງຮ້ອງວ່າ, "ສຽງເພງຊາວພູດອຍຕັ້ງຢູ່ບໍ່ຂາດ, ເທິງຟ້າໜ້າດິນດັງໄປດ້ວຍສຽງເພງ, ຊາວເຜົ່າທູເຈຍມີຄວາມມ່ວນຊື່ນຫຼາຍ, ປີໃດກໍເຕັມໄປດ້ວຍເພງມ່ວນໆ, ຜູ່ໜຶ່ງຮ້ອງຂຶ້ນ, ແສນຄົນຮ້ອງຕາມ, ຕາເວັນບໍ່ຕົກດິນ, ສຽງເພງບໍ່ຫ່ອນເຊົາ."
ທ່ານຜູ່ຟັງທີ່ໂຄລົບ, ລາຍການພົບກັນໃນວັນອາທິດພາກນີ້ຂໍຈົບລົງພຽງທໍ່ນີ້, ຂໍຂອບອົກຂອບໃຈທີ່ທ່ານຮັງຟັງ, ສະບາຍດີ!
1 2
|
|
|
