|
|
 |
| (GMT+08:00)
2005-07-25 16:20:08
|
 |
|
ສະເຫນຂອງທະເລ(ສຽງ)
cri
Author: huachunmei
"ເປັນຫຍັງເຈົ້າຈຶ່ງໃຈດຳແທ້, ປ່ອຍໃຫ້ນ້ຳຕາຂອງຂ້ອຍໄຫຼລົງສູ່ທະເລ, ຄວາມຮັກທີ່ຂ້ອຍໃຫ້ໄປບໍ່ມີວັນຊອກຄືນໄດ້ອີກ. ເປັນຫຍັງເຈົ້າຈຶ່ງໃຈດຳແທ້, ປ່ອຍໃຫ້ຄວາມຮັກຂອງຂ້ອຍໄຫຼລົງສູ່ທະເລ, ເລື່ອງທີ່ເປນໜ້າເສຍໃຈໃນຄາວກ່ອນໄຫຼຫຼັ່ງຖ້ວມຫົວຂ້ອຍແລ້ວ." ບໍ່ຮູ້ວ່າເພງ ເລີ້ຍຫ້າຍ ທະເລນ້ຳຕາ ທີ່ຂັບຮ້ອງໂດຍນາງສີຢູຢຸນທີ່ທ່ານຮັບຟັງມານີ້ສາມາດລະບາຍນ້ຳໃຈຂອງນາງປານ້ອຍໄດ້ຫຼືບໍ່? ແຕ່ຂ້າພະເຈົ້າຄິດວ່າ, ໃນຂະນະທີ່ນາງຄຶດເສຍໃຈຢູ່ນັ້ນ, ນາງກໍຄົງຮູ້ສຶກປື້ມໃຈທີ່ຍັງເຄີຍຢູ່ຮ່ວມກັນກັບຄົນທີ່ຕົນຮັກ, ເພາະວ່າ, ຄວາມຮັກບໍ່ພຽງແຕ່ແມ່ນສ່ວນທີ່ໄດ້ຮັບທໍ່ນັ້ນ, ຍິ່ງຫຼາຍກວ່ານັ້ນແມ່ນສ່ວນທີ່ສະຫຼະໄປ. ແຕ່ເຈົ້າຊາຍເດ່? ໃນເວລາມອງເບິ່ງທະເລອີກນັ້ນ, ກໍຄຶດຮອດຄຶດເຫັນນາງປານ້ອຍທີ່ໃຈດີໃຈງາມຫຼືບໍ່?
"ຂຽນຈົດໝາຍມາໃຫ້ຂ້ອຍແດ່, ບອກຂ້ອຍວ່ານ້ຳທະເລມື້ນີ້ສິຫຍັງ, ອາລົມຂອງເຈົ້າເປັນແນວໃດ. ຂຽນຈົດໝາຍມາໃຫ້ຂ້ອຍແດ່, ບອກຂ້ອຍວ່າຄືນມື້ນີ້ເຈົ້າຢາກຝັນເຫັນຫຍັງ, ໃນຫຼືນອກຄວາມຝັນ, ຂ້ອຍກໍເຮັດໃຫ້ເຈົ້າຄຶດຍາກທີ່ບໍ່ຮູ້ເລືອກເອົາໃຜບໍ່? ຂ້ອຍເປັນຫວ່ງຈົນນອນບໍ່ຫຼັບໝົດຄືນ, ເຈົ້າກໍຮັກຢູ່, ແຕ່ເປັນຫຍັງບໍ່ມາເຂົ້າໃກ້. ຍິນສຽງໄຫ້ຂອງທະເລ, ໃຜນໍຖືກບາດໃຈອີກຜູ່ໜຶ່ງ, ທະເລນີ້ສັງມາຫຼາຍໃຈແທ້ ໄຫ້ຈົນຮອດຟ້າແຈ້ງ. ຂຽນຈົດໝາຍມາໃຫ້ຂ້ອຍແດ່, ໃຫ້ຖືເປັນການນັດກັນຄັ້ງສຸດທ້າຍ, ບອກຂ້ອຍວ່າ, ໃນຍາມເຈົ້າຈາກຂ້ອຍໄປນັ້ນຄຶດແນວໃດ?"
ຄົນຈີນມັກເວົ້າວ່າ, "ຖອຍຫຼັງກ້າວໜຶ່ງຈະຫຼຽວເຫັນຟ້າກວ້າງໃຫຍ່ໄພສານ." ໝາຍຄວາມວ່າ, ຄົນເຮົາຢູ່ນຳກັນ, ໃນເວລາເກີດການຜິດຕ້ອງຖຽງກັນນັ້ນ, ຄັນຜ່ອນຜັນສັ້ນຍາວແກ່ກັນ, ຈິດໃຈກໍຈະສະຫງົບລົງໄດ້ແລ້ວຖືກຕ້ອງປອງດອງກັນ. ດຽວນີ້, ໃນໃຈຂອງຄົນທັງຫຼາຍ, ທະເລທີ່ກວ້າງໃຫຍ່ໄດ້ກາຍເປັນຄຳແທນນາມທີ່ໝາຍເຖິງຄວາມໃຈກວ້າງໃຈໃຫຍ່.
"ຖ້າວ່າທະເລສາມາດຮຽກເອົາຄວາມຮັກຄືນໄດ້, ຂ້ອຍຈະຄອງຄອຍຕະຫຼອດຊີວິດ. ຖ້າວ່າເຈົ້າບໍ່ຫຼຽວແລຄວາມຮັກທີ່ຜ່ານມາ, ກໍໃຫ້ມັນປິວໄປຕາມສາຍລົມສາ. ຖ້າວ່າທະເລນຳເອົາຄວາມໂສກເສົ້າຂອງຂ້ອຍໄປນຳໄດ້ຄືກັນນຳເອົາແມ່ນ້ຳທຸກສາຍ, ບາດແຜທຸກຄັ້ງແລະນ້ຳຕາທີ່ໄຫຼຫຼັ່ງກໍຂໍໃຫ້ນຳເອົາຄວາມຮັກຂອງຂ້ອຍທັງໝົດໄປນຳ." ທີ່ຟັງມານັ້ນແມ່ນເພງ ຕ້າຫ້າຍ ທະເລກວ້າງໃຫຍ່ທີ່ຂັບຮ້ອງໂດຍທ່ານຈັ່ງອີເຊິ່ງ ນັກຮ້ອງໃຕ້ຫວັນທີ່ເສຍໄປແລ້ວ.
ເນື້ອທີ່ທະເລໄດ້ກວມ 3 ສ່ວນ 4 ຂອງຜິວໂລກ. ຢູ່ໃນທະເລໄດ້ບົ່ມເພາະຊີວະຊາດທີ່ນັບບໍ່ຖ້ວນ, ໄດ້ຝາກຝັງຈິດໃຈອາລົມອັນເຫຼືອພັນລະນາຂອງຄົນທັງຫຼາຍ. ເຖິງວ່າລາວເປັນປະເທດທີ່ບໍ່ມີທະເລກໍຕາມ, ແຕ່ສົມບູນຍັງຄິດວ່າ, ຖ້າມີໂອກາດ, ຂໍໃຫ້ເພື່ອນທຸກຄົນໄປຍ່າງຫຼິ້ນຢູ່ແຄມທະເລຈັກເທື່ອແດ່. ເຊື່ອວ່າ, ທ່ານຕ້ອງຮັກທະເລສີຄາມ, ຈະຮັກໂລກໃໝ່ອ່ຽມນີ້ແນ່ນອນ.
"ຄວາມປ່ຽວພອຍຂອງກາບຫອຍຢູ່ຫາດຊາຍເຮັດໃຫ້ຂ້ອຍບໍ່ມ່ວນໃຈ, ເມື່ອຈາກຄວາມສະຫງົບໃນພື້ນທະເລຈຶ່ງຮູ້ຈັກຄວາມຂົມຂື່ນ. ຢ້ານຄວາມອຶກກະທຶກຄຶກໂຄມຂອງຫົວຟອງໃນຕອນບ່າຍ, ບັນຍາກາດໄດ້ຕຶງຄຽດສະດຸ້ງໄວ. ທີ່ຈິງແລ້ວ, ຄວາມຄິດຂອງຂ້ອຍງ່າຍໆ, ຄື, ໄປເບິ່ງທະເລນຳເຈົ້າ. ເມື່ອໄດ້ຈາກເຈົ້າແລ້ວຈຶ່ງຮູ້ວ່າ, ເຈົ້າສຳຄັນພຽງໃດສຳລັບຂ້ອຍ, ແຕ່ບໍ່ໄດ້ຄຶດເລີຍວ່າ, ເຈົ້າພຽງແຕ່ບໍ່ຮູ້ວ່າຕົນເອງຕ້ອງການຫຍັງ, ຂ້ອຍພຽງແຕ່ຢາກໄປຊອກຫາກັບເຈົ້າ. ຂ້ອຍຮູ້ວ່າເຈົ້າບໍ່ແມ່ນບໍ່ຮັກຂ້ອຍ."
ທ່ານຜູ່ຟັງທີ່ໂຄລົບ, ຫຼັງຈາກເພງ ຄ້ານຫ້າຍ ເບິ່ງທະເລ ທີ່ຂັບຮ້ອງໂດຍນາງ ໂຈວຊຸ້ນໄດ້ສິ້ນສຸດລົງ, ລາຍການນັດພົບໃນວັນອາທິດພາກນີ້ກໍຈົບລົງພໍດີ, ສົມບູນແລະກຸຫຼາບ ຜູ່ຮຽບຮຽງຂໍຂອບອົກຂອບໃຈທີ່ທ່ານຮັງຟັງ, ພົບກັນໃໝ່ໃນອາທິດໜ້າ, ສະບາຍດີ!
1 2
|
|
|
