|
ມີຫຼາຍໆຄົນມັກບໍ່ກິນເຂົ້າເຊົ້າ.ຄວາມຊິນເຄີຍແນວນີ້ແມ່ນບໍ່ມີຜົນດີຕໍ່ຮ່າງກາຍ.ຕາມສະຖິຕິຈາກການສຳຫຼວດຂອງນັກແພດສາດທີ່ກ່ຽວຂ້ອງພິສູດໃຫ້ເຫັນວ່າ,ຜູ້ທີ່ບໍ່ກິນເຂົ້າເຊົ້າເລື້ອຍໆນັ້ນມັກເປັນໜິ້ວງ່າຍ.
ໃນເວລາທ້ອງເປົ່າ,ນ້ຳບີຢູ່ໃນຮ່າງກາຍຂອງຄົນຈະມີການປ່ຽນແປງຢ່າງເລິກລັບຊັບຊ້ອນ,ທາດນ້ຳກົດຢູ່ໃນບີຈະໜ້ອຍລົງ,ສ່ວນກໍເລັສເຕລິນນັ້ນຊ້ຳພັດເພີ່ມຫຼາຍຂຶ້ນໂດຍທຽບຖານ.ຖ້າຫາກປະໃຫ້ທ້ອງເປົ່າໝົດຕອນເຊົ້າຢ່າງຍາວນານ,ກໍຈະພາໃຫ້ຮ່າງກາຍມີການປ່ຽນແປງແນວໜຶ່ງເຊິ່ງຈະພາໃຫ້ທາດກໍເລັສເຕລິນໃນນ້ຳບີມີປະກົດການເຕັມອິ່ມ,ແລ້ວນອນຈົ ມຢູ່ໃນຖົງບີ,ດົນຕາມດົນ,ກໍຈະກາຍເປັນກ້ອນໜິ້ວຢູ່ໃນບີ.ນອກນີ້,ຖ້າບໍ່ກິນເຂົ້າເຊົ້າຍັງຈະພາໃຫ້ກະເພາະເປັນແຜແລະເປັນພະຍາດແນວອື່ນ.ເພາະວ່າ,ໃນຍາມກາງຄືນ,ພາຍໃນກະເພາະຈະມີນ້ຳກົດກະເພາະຊຶມອອກ,ຕື່ນເຊົ້າຖ້າຫາກບໍ່ກິນຂອງຫຍັງເຂົ້າໄປປົນ,ນ້ຳກົດກະເພາະກໍຈະກະຕຸ້ນກະເພາະ,ພາໃຫ້ກະເພາະບໍ່ສະບາຍ.ເວົ້າອີກຢ່າງໜຶ່ງ,ຖ້າບໍ່ກິນເຂົ້າເຊົ້າ,ໃນເວລາຮ່ຳຮຽນຫຼືເຮັດວຽກໃນຍາມເຊົ້າກໍຈະຮູ້ສຶກຫິວແລະພາໃຫ້ເມື່ອຍ,ກະເພາະບໍ່ສະບາຍແລະເຈັບຫົວ,ບາງທີກໍອາດຈະພາໃຫ້ທາດນ້ຳຕານໃນເຫຼືອດຕ່ຳລົງ,ແລ້ວເປັນລົມກໍເປັນໄດ້.ຍ້ອນກາໂລລີບໍ່ພໍຈິ່ງຕ້ອງໃຊ້ພະລັງແຮງຂອງຮ່າງກາຍ,ເຮັດໃຫ້ສິ້ນເປືອງທາດນ້ຳຕານແລະທາດໂປຼຕິນໃນຮ່າງກາຍ.ດົນຕາມດົນ,ຍ່ອມຈະພາໃຫ້ກະເພາະເປັນແຜແລະເລືອດຈາງ ຫຼືເປັນພະຍາດອື່ນໆ.ສະນັ້ນ,ເວົ້າລວມແລ້ວຖ້າບໍ່ກິນເຂົ້າເຊົ້າກໍມີແຕ່ຈະເປັນຜົນຮ້າຍຕໍ່ຮ່າງກາຍທໍ່ນັ້ນ,ໝາຍຄວາມວ່າມີແຕ່ໂທດບໍ່ມີຄຸນຈັກຢ່າງ.
ທ່ານກໍມີຄວາມຊິນເຄີຍຫຼັງຈາກຕື່ນນອນແລ້ວມັກກິນນ້ຳໃນຍາມເຊົ້າບໍ່?ກິນນ້ຳໃນເວລາ ທ້ອງເປົ່າຍາມເຊົ້າກໍແມ່ນວິທີໜຶ່ງເພື່ອປ້ອງກັນການເປັນພະຍາດລະບົບໝູນວຽນຕ່າງໆເຊັ່ນເລືອດໃນສາຍເລືອດສະໝອງເປັນກ້ອນ,ກ້າມເນື້ອຫົວໃຈຕັນຫຼືຫົວໃຈວາຍແລະອື່ນໆ.ວິທີນີ້ມີບາງຄົນເອີ້ນວ່າ"ວິທີປົວແບບກິນນ້ຳ",ວິທີກັນພະຍາດແບບຍນີ້ກໍນິຍົມກັນຫຼາຍຢູ່ຫຼາຍແຫ່ງໃນປະເທດຈີນ.ເປັນຫຍັງການໝັ່ນກິນນ້ຳຈິ່ງສາມາດກັນພະຍາດລະບົບໝູນວຽນໄດ້?ທັງນີ້ກໍເພາະວ່າ,ເລືອດທີ່ໄຫຼໃນສາຍເລືອດນັ້ນມີ55%ແມ່ນປະກອບດ້ວຍວັດຖຸທາດແຂ້ນເຊັ່ນເມັດເລືອດແດງເປັນຕົ້ນ,ຖ້ານ້ຳບໍ່ພໍ,ເລືອດກໍຈະຂຸ້ນແລະຈະພາໃຫ້ມັນໄຫຼບໍ່ສະດວກ ຫຼືອາດຈະຕັນເສັ້ນເລືອດ ປະກົດມີທ່ວງທ່າທີ່ເລືອດຈະກ້າມແລ້ວພາໃຫ້ເປັນພະຍາດລະບົບໝູນວຽນຕ່າງໆ,ປະກົດການດັ່ງກ່າວມັກເກີດຂຶ້ນພາຍໃນ3ຊົ່ວໂມງຫຼັງຈາກຕື່ນນອນຍາມເຊົ້າ.ສະນັ້ນ,ໃນແຕ່ລະມື້ຕື່ນເຊົ້າມາຄວນກິນນ້ຳຕົ້ມແລ້ວຫຼືນ້ຳອຸ່ນຈັກຈອກໜຶ່ງແມ່ນດີທີ່ສຸດ.
1 2
|
