ບັນດານັກແພດສາດແລະຜູ່ຊ່ຽວຊານກ່ຽວກັບທາດບຳລຸງສະເໜີວ່າ:ອາຫານທີ່ກິນນັ້ນຕ້ອງໃຫ້ມີຫຼາຍສິ່ງຫຼາຍຢ່າງ,ຈິ່ງຈະມີຜົນປະໂຫຍດຕໍ່ຮ່າງກາຍ.
ມີຫຼາຍຄົນມັກຮິຂອງກິນ,ຍາມໃດກໍກິນແຕ່ຂອງແນວດຽວ,ແນວທີ່ບໍ່ມັກນັ້ນແມ່ນບໍ່ກິນເລີຍ.ເວົ້າສຳລັບຮ່າງກາຍຂອງຄົນເຮົາແລ້ວ,ການຮິຂອງກິນແບບນີ້,ແມ່ນບໍ່ວິທະຍາສາດ,ເພາະວ່າຂອງກິນທີ່ພວກເຮົາ ກິນຢູ່ຊູ່ມື້ນັ້ນ,ບາງຢ່າງອາດຈະມີວັດຖຸສິ່ງໃດສິ່ງໜຶ່ງທີ່ຈະພາໃຫ້ເປັນມະເຮັງ,ບາງຢ່າງພັດອາດຈະມີວັດຖຸທີ່ລະງັບຍັບຍັ້ງການຈໍ່ຕົວຂອງຈຸລັງມະເຮັງ.ຄວາມຊິນເຄີຍອັນບໍ່ປ່ຽນແປງຈັກເທື່ອທາງດ້ານອາຫານການກິນນັ້ນ,ຈະພາໃຫ້ເກີດຈຸລັງມະເຮັງໄດ້ງ່າຍ,ແຕ່ວ່າ,ການຈໍ່ຕົວເປັນຈຸລັງມະເຮັງນັ້ນແມ່ນຕ້ອງການເວລາຂ້ອນຂ້າງຍາວນານ,ແລະຕ່າວປິ້ນໄດ້.ໃນຂະບວນວິວັດແຫ່ງການຈໍ່ຕົວເປັນຈຸລັງມະເຮັງນັ້ນ,ຂໍແຕ່ໃຫ້ມີໄລຍະໜຶ່ງຂາດສະບັ້ນໄປຫຼືມີການປ່ຽນແປງໄປແນວໃໝ່,ຊຶ່ງໝາຍຄວາມວ່າ,ໃນໄລຍະນີ້ຖ້າເຮົາກິນຂອງຢ່າງໃດຢ່າງໜຶ່ງທີ່ເປັນວັດຖຸສາມາດລະງັບຫຼືທຳລາຍຈຸລັງມະເຮັງໄດ້.ຂະບວນວິວັດກັບກາຍເປັນຈຸລັງມະເຮັງດັ່ງກ່າວກໍຈະຖືກທຳລາຍ.ຖ້າມີປັດໄຈທີ່ພາໃຫ້ເປັນພະຍາດມະເຮັງ,ມັນກໍຈະຕ້ອງຕັ້ງຕົ້ນຄືນໃໝ່ອີກ.
ດັ່ງນັ້ນ,ບັນດານັກແພດສາດນອກຈາກສະເໜີໃຫ້ຄົນທັງຫຼາຍກິນອາຫານທາດແປ້ງ,ເຂົ້າປະເພດຕ່າງໆສັບກັນ,ກິນຊີ້ນກັບຜັກໄປພ້ອມບໍ່ຮິຫຼືຄະລຳຂອງກິນຫຼືຈຳເປັນຕ້ອງຄະລຳກໍພະຍາຍາມໃຫ້ຄະລຳໜ້ອຍທີ່ສຸດ.ເລືອກກິນອາຫານແນວປອດໄພທີ່ບໍ່ມີສິ່ງເຊື່ອມພິດ.
ເວົ້າທົ່ວໄປແລ້ວ,ຂໍແຕ່ບໍ່ຮິຂອງກິນ,ໃຫ້ເອົາໃຈໃສ່ກິນຊີ້ນກັບຜັກໄປພ້ອມ,ກໍຈະສາມາດຮັກສາຄວາມດຸນດຽງແລະສະມັດຖະພາບຂັບຖ່າຍວັດຖຸໃນຮ່າງກາຍເປັນປົກກະຕິ.
1 2
|
