|
ໃນບັນດາປະເທດທີ່ເຂົ້າຮ່ວມສົງຄາມໂລກຄັ້ງທີສອງ,ຍີ່ປຸ່ນແມ່ນປະເທດໜຶ່ງທີ່ເຄີຍໃຊ້ອາວຸດເຊື້ອໂຣກຢູ່ສະໜາມລົບ.ສ່ວນຈີນແມ່ນປະເທດທີ່ຖືກທຳ ຮ້າຍຫຼາຍກວ່າໝູ່ຍ້ອນສົງຄາມເຊື້ອໂຣກ.ຈົນມາຮອດຊູ່ມື້ນີ້,ຢູ່ຫຼາຍໆເຂດຂອງຈີນ,ພໍ່ແມ່ປະຊາຊົນຈຳ ນວນໜຶ່ງທີ່ຖືກທຳ ຮ້າຍຈາກສົງຄາມເຊື້ອໂຣກຂອງກອງທະຫານຍີ່ປຸ່ນໃນຄາວນັ້ນຍັງຄົງທົນຕໍ່ຄວາມທໍລະມານຈາກສົງຄາມເຊື້ອໂຣກ.ສ່ວນລັດຖະບານຍີ່ປຸ່ນພັດບໍ່ໄດ້ຂໍຂະມາໂທດຢ່າງເປີດເຜີຍແລະໃຊ້ແທນຕໍ່ຜູ້ຖືກເຄາະຮ້າຍຂອງຈີນຍ້ອນໂທດກຳ ຂອງກອງທະຫານຍີ່ປຸ່ນຜູ້ຮຸກຮານຈີນໃນຄາວນັ້ນ.ທ່ານນາງວາງສວນ, ຄົນຮຸ່ນຫຼັງຂອງຜູ້ຖືກເຄາະຮ້າຍຈາກສົງຄາມເຊື້ອໂຣກຂອງກອງທະຫານຍີ່ປຸ່ນຜູ້ຮຸກຮານຈີນ, ແມ່ຍິງຈີນທີ່ອາຍຸເກີນ50ປີ,ໃຊ້ເວລາເກືອບ10ປີສຳຫຼວດແລະຊອກຫາຫຼັກຖານພິຍານ,ເຂົ້າອອກສານຍີ່ປຸ່ນຫຼາຍສິບເທື່ອ,ເຜີຍແບເລື່ອງຈິງທີ່ຖືກປົກປິດມາເປັນເວລາ60ປີກ່ຽວກັບກອງທະຫານຍີ່ປຸ່ນຜູ້ຮຸກຮານຈີນກໍ່ສົງຄາມເຊື້ອໂຣກຢູ່ຈີນ.
ທ່ານນາງວາງສວນປີນີ້ອາຍຸ53ປີ,ນາງມີຮູບຮ່າງບໍ່ສູງ,ເປັນຄົນສະຫຼາດຫຼັກແຫຼມແລະມີຄວາມສາມາດ.ນາງບອກນັກຂ່າວວ່າ,ນາງແມ່ນຄົນຮຸ່ນຫຼັງຂອງຜູ້ຖືກເຄາະຮ້າຍຈາກສົງຄາມເຊື້ອໂຣກຂອງກອງທະຫານຍີ່ປຸ່ນ,ໃນຄາວນັ້ນ,ຍາດພີ່ນ້ອງ8ຄົນໃນວົງຕະກຸນຂອງນາງໄດ້ປະສົບເຄາະຮ້າຍ.ນາງພົບໂອກາດບັງເອີນຈຶ່ງໄດ້ເຂົ້າສູ່ເສັ້ນທາງທີ່ທວງເອົາຄວາມຍຸດຕິທຳເພື່ອຜູ້ຖືກເຄາະຮ້າຍຂອງຈີນຍ້ອນສົງຄາມເຊື້ອໂຣກຂອງກອງທະຫານຍີ່ປຸ່ນຜູ້ຮຸກຮານຈີນ.10ປີກ່ອນ,ນາງວາງສວນເຮັດວຽກໃນບໍລິສັດແຫ່ງໜຶ່ງຂອງຍີ່ປຸ່ນ.ມື້ໜຶ່ງ,ນາງໄດ້ອ່ານຂ່າວໜຶ່ງໃນໜັງສືພິມພາສາອັງກິດສະບັບໜຶ່ງຂອງຍີ່ປຸ່ນວ່າ:ຢູ່ແຂວງເຮີຍລົງຈ່ຽງ ທາງພາກຕາເວັນອອກສຽງເໜືອຈີນໄດ້ຈັດງານສຳມະນາຄັ້ງປະຖົມມະເລີກກ່ຽວກັບສົງຄາມເຊື້ອໂຣກ,ໃນງານສຳມະນາ,ຊາວຍີ່ປຸນສອງຄົນໄດ້ລາຍງານວ່າພວກເຂົາເຈົ້າຈະໄປສຳຫຼວດສະພາບແຜ່ລະບາດກາລະໂຣກທີ່ເກີດຂຶ້ນຍ້ອນສົງຄາມເຊຶ້ອໂຣກຂອງກອງທະຫານຍີ່ປຸ່ນຜູ້ຮຸກຮານຈີນຢູ່ບ້ານສົງຊ່ານເມືອງອີອູ່ແຂວງເຈີຈ່ຽງ ພາກຕາເວັນອອກຂອງຈີນ.ສ່ວນບ້ານສົງຊ່ານເມືອງອີອູ່ກໍແມ່ນບ້ານເກີດຂອງນາງວາງສວນ.ນີ້ເຮັດໃຫ້ນາງຮູ້ສຶກວ່າຕົນເອງມີໜ້າທີ່ແລະພັນທະເຂົ້າຮ່ວມການສຳຫຼວດສົງຄາມເຊື້ອໂຣກເພື່ອຊອກຮູ້ເລື່ອງຈິງຂອງປະຫວັດສາດ.ນາງເວົ້າວ່າ:
"ຂ້ອຍໄດ້ອ່ານຂ່າວໃນໜັງສືພິມ,ແລ້ວໂທໄປຫາບຸກຄົນສັນຕິພາບຍີ່ປຸ່ນສອງຄົນທີ່ຈະໄປສຳຫຼວດຢູ່ບ້ານສົງຊ່ານ,ໃນຄາວນັ້ນ,ຂ້ອຍໄດ້ເວົ້າຕໍ່ພວກເຂົາເຈົ້າວ່າ,ຂ້ອຍແມ່ນຊາວບ້ານສົງຊ່ານ,ຂ້ອຍຢາກເຂົ້າຮ່ວມການສຳຫຼວດຂອງພວກທ່ານ,ຂ້ອຍຈະທຳຄວາມພະຍາຍາມຈົນສຸດຂີດເພື່ອຊ່ອຍເຫຼືອພວກທ່ານ.ແລ້ວພວກເຮົາກໍເລີ່ມຕິດຕໍ່ພົວພັນກັນ,ຈົນຮອດປັດຈຸບັນ."
ເລີ່ມແຕ່ປີ1995ເປັນຕົ້ນມາ,ນາງວາງສວນໄດ້ເຂົ້າຮ່ວມຄະນະສຳຫຼວດສົງຄາມເຊື້ອໂຣກຂອງພື້ນເມືອງຍີ່ປຸ່ນຢ່າງເປັນທາງການ.ໃນການສຳຫຼວດ, ນາງໄດ້ຊອກຮູ້ສະພາບຄວາມເປັນຈິງນັບມື້ນັບຫຼາຍກ່ຽວກັບກອງທະຫານຍີ່ປຸ່ນຜູ້ຮຸກຮານຈີນດຳເນີນສົງຄາມເຊື້ອໂຣກຢູ່ບ້ານເກີດຂອງຕົນ.
ໂທດກຳຂອງກອງທະຫານຍີ່ປຸ່ນຜູ້ຮຸກຮານຈີນເຮັດໃຫ້ນາງວາງສວນຕື່ນຕົກໃຈ.ແຕ່ວ່າ,ຫຼັງສົງຄາມໂລກຄັ້ງທີສອງ,ຍ້ອນ ລັດຖະບານຍີ່ປຸ່ນອອກແຮງສຸດຂີດປິດອຳ,ຈິ່ງມີຄົນໜ້ອຍທີ່ສຸດຮູ້ສະພາບຄວາມເປັນຈິງກ່ຽວກັບສົງຄາມເຊື້ອໂຣກຂອງກອງທະຫານຍີ່ປຸ່ນ.ຜູ້ຖືກເຄາະຮ້າຍຈາກສົງຄາມເຊື້ອໂຣກທີ່ຍັງມີຊີວິດຢູ່ແລະຄົນຮຸ່ນຫຼັງຂອງຜູ້ຖືກເຄາະຮ້າຍຈຳນວນໜຶ່ງຢາກທວງເອົາຄວາມຍຸດຕິທຳຈາກລັດຖະບານຍີ່ປຸ່ນ,ແຕ່ບໍ່ຮູ້ຊິເຮັດແນວໃດ.ພາຍໃຕ້ການເລືອກຕັ້ງຂອງພໍ່ແມ່ປະຊາຊົນທັງຫຼາຍ,ນາງວາງສວນທີ່ຊຳນານຄວາມຮູ້ດ້ານກົດໝາຍໄດ້ກາຍເປັນຫົວໜ້າຄະນະຝ່າຍໂຈດ ຂອງຜູ້ຖືກເຄາະຮ້າຍ180ຄົນຍ້ອນສົງຄາມເຊື້ອໂຣກທີ່ມາຈາກແຂວງເຈີ້ຈ່ຽງ,ແຂວງຫູນານແລະແຫ່ງອື່ນໆຂອງຈີນ.
1 2
|
