|
ພາກທີໜຶ່ງ ພວກເຮົານຳເອົາອຸດົມການມາລາວ
ຄະນະຜູ້ອາສາສະໝັກຊາວໜຸ່ມຊຽງໄຮ້ຈີນທີ່ຮັບໃຊ້ຢູ່ລາວງວດທີສີ່ປະກອບດ້ວຍຊາວໜຸ່ມ 11 ຄົນອາຍຸແຕ່23ປີຫາ36ປີ,ພວກເຂົາເຈົ້າມາຈາກນະຄອນຊຽງໄຮ້ ຕົວເມືອງໃຫຍ່ທີ່ສິວິໄລກວ່າເພິ່ນຂອງຈີນ.ເຖິງວ່າຊາວໜຸ່ມເຫຼົ່ານີ້ເຮັດວຽກຕ່າງກັນ,ອາຍຸບໍ່ທໍ່ກັນ,ນິໄສໃຈຄໍກໍບໍ່ຄືກັນກໍຕາມ,ແຕ່ພັດມີອຸດົມການອັນດຽວກັນ,ຈຶ່ງໄດ້ເຮັດໃຫ້ພວກເຂົາເຈົ້າມາເຕົ້າໂຮມກັນຢູ່ລາວ.
ທ່ານຊ່ຽວຊິ່ງຮັບການສຳພາດຂອງນັກຂ່າວ
ທ່ານຊ່ຽວຊິ່ງ ຫົວໜ້າຄະນະອາສາສະໝັກຮັບໃຊ້ງວດນີ້ແມ່ນຫົວໜ້າຄະນະສິດແລະຜົນປະໂຫຍດຂອງຄະນະຊາວໜຸ່ມກອມມະນູດຈີນນະຄອນຊຽງໄຮ້ແລະເປັນຮອງຫົວໜ້າຫ້ອງການວຽກງານຊາວໜຸ່ມເຍົາວະຊົນຄຸ້ມເຮືອນຢູ່ນະຄອນຊຽງໄຮ້ໄດ້ເຮັດວຽກການສຶກ ສາຊາວໜຸ່ມເຍົາວະຊົນມາຍາວນານ,ມີຄວາມຮັບຮູ້ເລິກເຊິ່ງສົມຄວນຕໍ່ບັນຫາຊາວໜຸ່ມເຍົາວະຊົນ.ທ່ານບອກນັກຂ່າວວ່າ,ເມື່ອຄະນະຊາວໜຸ່ມກອມມູນິດນະຄອນຊຽງໄຮ້ປະ ກາດຄຳຮຽກຮ້ອງຮັບເອົາຜູ້ອາສາສະໝັກໄປຮັບໃຊ້ຢູ່ລາວຕໍ່ຊາວໜຸ່ມທົ່ວສັງຄົມເທື່ອໃດກໍລ້ວນແຕ່ໄດ້ຮັບການຕອບສະໜອງຢ່າງຟົດຟື້ນທີ່ສຸດ,ມີຄົນມາສະໝັກເປັນຈຳນວນຫຼວງຫຼາຍ.ທັງນີ້ບໍ່ພຽງແຕ່ຍ້ອນວ່າສອງປະເທດຈີນລາວໄດ້ມີການພົວພັນມິດຕະພາບອັນມີມູນເຊື້ອມາຫຼາຍປີ,ແລະກໍສະແດງໃຫ້ເຫັນຢ່າງເຕັມສ່ວນວ່າ,ຊາວໜຸ່ມຈີນໃນສະໄໝປະຈຸບັນກໍມີອຸດົມການແລະນ້ຳໃຈອຸທິດອັນສູງສົ່ງຄືກັນກັບຫຼຸ້ນພໍ່ແມ່ຂອງພວກເຂົາເຈົ້າ.
ນາງຝ່າງໝີນແມ່ນນັກຂ່າວສາວ,ຜູ້ງາມແລະເກັ່ງຂອງໜັງສືພິມ《ເຈຍຟ້າງຢື້ປ້າວ》ຂອງຊຽງໄຮ້,ນາງເຂົ້າເຮັດວຽກຍັງບໍ່ທັນຮອດ 3 ປີເທື່ອ,ໝູ່ກໍເອີ້ນນາງເປັນນັກຂ່າວດັງແລ້ວ,ເພາະວ່າ,ບົດປະພັນຂອງນາງໄດ້ຮັບລາງວັນຄຳປະເພດຂ່າວເພດຍິງຊຽງໄຮ້ຫຼາຍເທື່ອແລະລາງວັນທີໜຶ່ງຂອງຂ່າວ 4 ພຶດສະພາຊຽງໄຮ້.ເມື່ອຖາມວ່າເປັນຫຍັງນາງຈຶ່ງຍິນດີເຂົ້າຮ່ວມການເຄື່ອນໄຫວບໍລິການອາສາສະໝັກ,ນາງຕອບວ່າ:"ການອອກແຮງງານຕາມພັນທະຊະນິດນີ້,ໄດ້ຮັບຄວາມຂອບອົກຂອບໃຈຢ່າງຈີງໃຈຈາກຜູ້ອື່ນ,ເຮັດໃຫ້ພວກເຮົາມີຄວາມຮູ້ສຶກພູມໃຈໃນດ້ານຈັນຍາທຳທີ່ພວກເຮົາໄດ້ຮັບນັ້ນ,ມັນມີຄ່າຍິ່ງກວ່າເງິນຄຳຕັ້ງຫຼາຍ."
ທ້າວຈາງອູອາຍຸ23ປີ,ເຮັດວຽກຢູ່ທະນາຄານພັດທະນາແຫ່ງຊາດຈີນສາຂາຊຽງໄຮ້,ແມ່ນສະມາຊິກທີ່ໜຸ່ມນ້ອຍກວ່າໝູ່ໃນຄະນະອາສາສະໝັກ,ອ້າຍບ່າວຜູ້ນີ້ເຈົ້າຊູ້ຫຼາຍ,ພວກນັກ ຮຽນທີ່ນ້ອງສອນຈຶ່ງເອີ້ນນ້ອງເປັນອາຈານເຈົ້າຊູ້."ຂ້າພະເຈົ້າເກີດໃນປີ1982,ເປັນລູກຊາຍດຽວ,ກ່ຽວກັບຄວາມລຳບາກຂອງສະພາບແວດ ລ້ອມ,ນ້ອງມີແຕ່ເຄີຍໄດ້ຍິນຜູ້ອື່ນເວົ້າທໍ່ນັ້ນ.ເມື່ອໄດ້ເຫັນໃບປະກາດຂອງຄະນະຊາວໜຸ່ມ ກອມມູນິດນະຄອນຊຽງໄຮ້ທີ່ຮຽກຮ້ອງໃຫ້ຊາວໜຸ່ມສະໝັກໄປບໍລິການຢູ່ລາວ,ນ້ອງຮູ້ສຶກວ່າ,ມີໂອກາດແບບນີ້ໄປສ້າງປະສົບການກໍດີຄືກັນ."
ທ່ານຫູຕົງເກີ່ນ ດອກເຕີປົວກະດູກຂອງໂຮງໝໍອານທູຄຸ້ມຢາງຜູນະຄອນຊຽງໄຮ້ປີນີ້ອາຍຸ 30ກວ່າແລ້ວ,ເປັນອ້າຍໃຫຍ່ໃນທິມຜູ້ອາສາສະໝັກ.ກ່ອນສະໝັກມາລາວ,ທ່ານເປັນຜູ້ຊ່ວຍຜູ້ອຳນວຍການຂອງໂຮງໝໍ,ທ່ານຂຸ້ນວຽກຫຼາຍ,ເຮັດໃຫ້ທ່ານບໍ່ມີເວລາຜີກຕົວໄປເຮັດວຽກອື່ນ,ແຕ່ວ່າ,ທ່ານຍັງພະຍາຍາມຍາດແຍ່ງຫຼາຍເທື່ອ,ໃນທີ່ສຸດ,ກໍໄດ້ກາຍເປັນສະມາຊິກໜຶ່ງໃນທິມຜູ້ອາສາສະໝັກຢ່າງສົມຫວັງ.
"ເມື່ອຂ້າພະເຈົ້າໄດ້ເຫັນໃບແຈ້ງການສະບັບນີ້ຢູ່ໜ່ວຍງານ,ຮູ້ວ່າ,ນະຄອນຊຽງໄຮ້ ກຳລັງຮັບສະໝັກໃນລະບົບການແພດເພື່ອໄປລາວ,ຂ້າພະເຈົ້າຮູ້ສຶກວ່າ,ໃຊ້ວິຊາຄວາມຮູ້ດ້ານການປິ່ນປົວຂອງຕົນໄປຊ່ວຍປະຊາຊົນລາວປົວພະຍາດ,ປົດເປື້ອງຄວາມເຈັບປວດທໍລະມານ,ແມ່ນເລື່ອງທີ່ດີທີ່ສຸດ,ພ້ອມກັນນັ້ນ,ກໍແມ່ນການຝຶກຝົນໃຫ້ຕົນມີປະສົບການເພີ່ມຂຶ້ນແລະສຳຜັດຊີວິດທີ່ຕ່າງກັນ,ສະນັ້ນ,ຂ້າພະເຈົ້າຈຶ່ງໄດ້ສະໝັກມາລາວ."
1 2
|
