ຊາວໜຸ່ມ 11 ຄົນໄດ້ນຳເອົາອຸດົມການຂອງຕົນ,ເປ້ເຄື່ອງເດີນທາງມາລາວ,ເລື່ອງທີ່ພວກເຂົາເຈົ້າຈື່ຢູ່ສະເໝີນັ້ນແມ່ນຄວາມຫວັງອັນແຮງກ້າຂອງປະເທດຊາດແລະປະຊາຊົນ.
"ນີ້ແມ່ນຄະນະຊາວໜຸ່ມອາສາສະໝັກພຽງຄະນະດຽວທີ່ຈີນແຕ່ງໄປຕ່າງປະເທດ,ນັບມາຮອດປະຈຸບັນ,ໄດ້ມີສີ່ງວດແລ້ວ.ພວກເຂົາເຈົ້າແມ່ນຊາວໜຸ່ມຜູ້ດີເດັ່ນທີ່ມາຈາກຂະແໜງການຕ່າງໆ.ຜູ້ອາສາສະໝັກຂອງພວກເຮົາມາຮັບໃຊ້ຢູ່ທີ່ນີ້,ແມ່ນບໍ່ເກັບຄ່າຕອບແທນຫຍັງ ໝົດແລະກໍຄືກັນກັບການຊ່ວຍເຫຼືອອື່ນໆຂອງປະເທດເຮົາທີ່ເອົາໃຫ້ຕ່າງປະເທດ,ແມ່ນບໍ່ມີເງື່ອນໄຂທາງການເມືອງໃດໆຕິດຫ້ອຍໄປນຳ,ນີ້ກໍແມ່ນທ່າທີຂອງຄົນຈີນໃນການໄປມາຫາສູ່ກັນກັບຊາວຕ່າງປະເທດ."
ຊາວໜຸ່ມອາສາສະໝັກຊຽງໄຮ້11ຄົນ(ແຖວທີສອງ)ຖ່າຍຮູບກັບ
ຜູ່ນຳຈີນທີ່ໄປເຂົ້າຮ່ວມກອງປະຊຸມສຸດຍອດ10+3
ທ່ານຜູ້ຟັງທີ່ເຄົາລົບ,ທີ່ຟັງມານັ້ນແມ່ນຄຳປາໄສຂອງທ່ານເວີ່ນເຈຍປາວ ນາຍົກລັດ ຖະມົນຕີຈີນທີ່ເຂົ້າຮ່ວມກອງປະຊຸມສຸດຍອດອາຊຽນ ຈີນ ຍີ່ປຸ່ນແລະສາທາລະນະລັດເກົາ ຫຼີ(ຄື10+3)ຢູ່ລາວ,ໃນເວລາເພິ່ນຕ້ອນຮັບການເຂົ້າພົບຂອງຜູ້ແທນຊາວຈີນ ອົງການທຸລະ ກິດຈີນທີ່ລົງທຶນຢູ່ລາວແລະພະນັກງານສະຖານທູດຈີນປະຈຳລາວໃນວັນທີ 30 ພະຈິກປີ 2004.ໃນຄຳປາໄສ,ທ່ານເວີ່ນເຈຍປາວໄດ້ກ່າວເນັ້ນການສ້າງຜົນງານທີ່ດີເດັ່ນຂອງຊາວໜຸ່ມອາສາສະໝັກຊຽງໄຮ້ຈີນທີ່ມາບໍລິການຮັບໃຊ້ຢູ່ລາວ.
ໃນເວລາຫວນຄືນຄຳປາໄສດັ່ງກ່າວ,ທ່ານສ່ຽວຊີງ ຫົວໜ້າຄະນະອາສາສະໝັກເວົ້າ ວ່າ:"ການຍ້ອງຍໍຂອງທ່ານນາຍົກລັດຖະມົນຕີເວີ່ນເຈຍປາວ,ໃຫ້ກຳລັງໃຈແກ່ຄະນະຊາວ ໜຸ່ມອາສາສະໝັກພວກເຮົາ,ພ້ອມກັນນັ້ນ,ກໍແມ່ນຄວາມຮຽກຮ້ອງແລະການຊຸກຍູ້ໃໝ່. ຄະ ນະພວກເຮົາຫາກໍ່ມາຮອດເມືອງລາວບໍ່ດົນ,ກໍໄດ້ຮັບການຊຸກຍູ້ແລະເຊີດຊູກຳລັງໃຈຈາກທ່ານນາຍົກ,ອັນໄດ້ໃຫ້ກຳລັງໃຈຢ່າງມະຫາສານແກ່ພວກເຮົາໃຫ້ເຮັດວຽກບໍລິການຢູ່ລາວໃຫ້ດີ."
ຊາວໜຸ່ມຈີນອີກງວດໜຶ່ງໄດ້ນຳເອົາຄວາມສັ່ງຂອງທ່ານນາຍົກແລະປະຊາຊົນຈີນນຳເອົາ ຄວາມຮັກແພງຂອງປະຊາຊົນຈີນທີ່ມີຕໍ່ປະຊາຊົນລາວ,ເລີ່ມຫວ່ານແນວປູກແຫ່ງມິດຕະ ພາບຢູ່ລາວ.
1 2
|
