|
ເພງທີ່ຂັບຮ້ອງໂດຍທ່ານຫຼີຊ່ວງຈ່ຽງ ນັກຮ້ອງເພງທີ່ມີຊື່ສຽງຂອງຈີນ(ສຽງ)
cri
Author: zhangshuo
ເຖິງວ່າທ່ານຫຼີສ່ວງຈ່ຽງແມ່ນຮຽນວິທີຂັບຮ້ອງແບບຝ່າຍຕາເວັນຕົກ,ແຕ່ທ່ານກໍ ເອົາໃຈຮຽນເອົາສິລະປະພື້ນເມືອງຂອງຈີນ,ທ່ານທົດລອງຢ່າງກ້າຫານໃນການເອົາວິທີຂັບຮ້ອງແບບຊົນເຜົ່າກັບແບບຝ່າຍຕາເວັນຕົກປະສານກັນ,ແລ້ວໄດ້ກາຍເປັນເອກະລັກສິລະປະອັນພິເສດຂອງຕົນ.ຫຼາຍເພງທີ່ຂັບຮ້ອງໂດຍທ່ານ, ເຊັ່ນ"ຂ້ອຍຮັກພູອູຈື,ຂ້ອຍຮັກແມ່ນ້ຳວ້ານຊວນ" ແລະ "ລາແລ້ວ,ແມ່ເອີຍ" ລ້ວນແຕ່ໄດ້ຮັບຄວາມນິຍົມຊົມຊອບຈາກຜູ້ຟັງທັງຫຼາຍ.ຕໍ່ໄປເຊີນທ່ານຮັບຟັງເພງ"ຂ້ອຍຮັກພູອູຈື,ຂ້ອຍຮັກແມ່ນ້ຳວ້ານຊວນ"ທີ່ຂັບຮ້ອງໂດຍທ່ານຫຼີຊ່ວງຈ່ຽງ. ພູອູຈືແລະແມ່ນ້ຳວ້ານຊວນລ້ວນຕັ້ງຢູ່ແຂວງໄຫນານ ພາກໃຕ້ຂອງຈີນ,ເພງນີ້ໄດ້ສະແດງອາລົມ ຈິດຂອງປະຊາຊົນຈີນທີ່ຮັກຫອມພູຜາແມ່ນ້ຳຂອງປະເທດຊາດແລະເຄົາລົບນັກປະຕິວັດຫຸ້ນອາວຸໂສດ້ວຍທຳນອງທີ່ມ່ວນອອນຊອນ.
ຕໍ່ໄປເຊີນຟັງເພງ "ລາແລ້ວ,ແມ່ເອີຍ" ທີ່ຂັບຮ້ອງໂດຍທ່ານຫຼີຊ່ວງຈ່ຽງ.
ໃນເວລາຮ້ອງເພງ,ທ່ານຫຼີຊ່ວງຈ່ຽງເອົາໃຈໃສ່ນຳທັງນ້ຳສຽງແລະອາລົມຈິດໃຈ,ເອົາໃຈໃສ່ນຳເນື້ອໃນແລະຮູບການໃຫ້ເຊື່ອມໂຍງເຂົ້າກັນ.ສະນັ້ນ,ການຂັບຮ້ອງຂອງທ່ານມີກຳລັງຊາບຊືມຢ່າງແຂງແຮງ.ມ້ວນສຸດທ້າຍລາຍການມື້ນີ້,ເຊີນທ່ານຮັບຟັງເພງດອກຫິມະທີ່ຂັບຮ້ອງໂດຍທ່ານຫຼີຊ່ວງຈ່ຽງ.ເພງນີ້ແມ່ນເພງທີ່ບັນລະຍາຍນັກລົບປ້ອງກັນຊາຍແດນ,ເນື້ອເພງມີຢູ່ວ່າ,"ດອກຫິມະ,ຂາວກະຈະບໍລິສຸດພຸດຜ່ອງ,ດຸດດັ່ງດອກໝາກໝັ້ນບ້ານເກີດ,ງາມດັ່ງດອກໝາກຈອງເດືອນສາມ. ພວກເຮົາລາດຕະເວນທ່າມກາງຫິມະຕົກຍ່າວໆ,ພິທັກຮັກສາພູຜາແມ່ນ້ຳຂອງປະເທດຊາດ,ນັກລົບຊາຍແດນພາກເໜືອຮັກດອກຫິມະ."
ທ່ານຜູ້ຟັງ,ທີ່ຟັງມານັ້ນແມ່ນເພງທີ່ຂັບຮ້ອງໂດຍທ່ານຫຼີຊ່ວງຈ່ຽງ ນັກຮ້ອງທີ່ມີຊື່ສຽງຂອງຈີນ.ລາຍການພາກນີ້ຂໍຈົບລົງພຽງທໍ່ນີ້,ພົບກັນໃໝ່ໃນວັນອາທິດໜ້າ,ສະບາຍດີ.
1 2
|
|
