|
|
 |
| (GMT+08:00)
2005-09-12 19:14:18
|
 |
|
ຊາວໜຸ່ມອາສາສະໝັກຂອງຈີນຢູ່ລາວ (2)(ສຽງ)
cri
Author: zhangshuo
|
ພວກເຮົາພະຍາຍາມເຮັດວຽກຈຶ່ງຈະໄດ້ຮັບຜົນອຸດົມສົມບູນໃນທີ່ສຸດ
ຊາວໜຸ່ມອາສາສະໝັກ 11 ຄົນທີ່ມາຈາກຊຽງໄຮ້ຂອງຈີນໄດ້ນຳອຸດົມການແລະຄຳໝັ້ນ ສັນຍາຂອງຕົນເລີ່ມເຮັດວຽກງານອາສາສະໝັກຮັບໃຊ້ຢູ່ລາວເມື່ອປີ2004.ພາຍຫຼັງ180ມື້,ເມື່ອທ່ານຍ່າງເລາະຕາມແຄມແມ່ນ້ຳຂອງທີ່ສວຍງາມ,ກໍຈະໄດ້ເຫັນຮອຍຕີນທີ່ພວກເຂົາເຈົ້າຈົ່ງໄວ້ດ້ວຍຄວາມພະຍາຍາມເຮັດວຽກແລະການອຸທິດຢ່າງບໍ່ເຫັນແກ່ຕົວ.
ທ່ານຫຼີເຊິ່ນທີ່ມາຈາກກຸ່ມບໍລິສັດກໍ່ສ້າງຊຽງໄຮ້ແລະທ່ານຫຼີເຊິນຊີຂອງກົມຄຸ້ມຄອງໂຄງການເທສະບານນະຄອນຊຽງໄຮ້ໄດ້ຫາບແບກໜ້າທີ່ເຜີຍແຜ່ຄວາມຮູ້ດ້ານຄອມປິວ ເຕີຢູ່ລາວ.ທ່ານຫຼີເຊິ່ນສອນຢູ່ຄະນະຊາວໜຸ່ມສູນກາງລາວ,ຍາມໃດພະນັກງານຂອງຄະນະຊາວໜຸ່ມສູນກາງລາວພົບພໍ້ບັນຫາຫຍັງກ່ຽວກັບຄອມປິວເຕີ,ເພິ່ນກໍໃຊ້ເວລາຫວ່າງຂອງຕົນພະຍາຍາມຊ່ອຍແກ້ໄຂໃຫ້;ທ່ານຫຼີເຊິນຊີ່ເຮັດວຽກຢູ່ຄະນະຊາວໜຸ່ມແຂວງວຽງຈັນທີ່ສະພາບເງື່ອນໄຂຍິ່ງລຳບາກກວ່າ,ເພິ່ນບໍ່ພຽງແຕ່ສອນຄວາມຮູ້ດ້ານຄອມປິວເຕີທີ່ຕົນສຳນານເທົ່ານັ້ນ,ຍັງເປັນເຈົ້າການຮ້ອງຂໍຕໍ່ໂຮງຮຽນຄະນະຊາວໜຸ່ມໃຫ້ຕັ້ງຫ້ອງຮຽນພາສາອັງກິດຊັ້ນຕົ້ນ,ແລະຕິດຕັ້ງ ສ້ອມແປງແລະບົວລະບັດຄອມປິວເຕີ ຈັກພິມເຄື່ອງທອດເງົາແລະເຄື່ອງໂທລະສານເກືອບຮ້ອຍເຄື່ອງໃຫ້ອົງການຕ່າງໆຂອງແຂວງວຽງຈັນໂດຍບໍ່ເກັບຄ່າ.
ວິຊາສະເພາະຂອງທ່ານວາງຈ້ຽນຊິ່ງ ອາຈານຂອງສະຖາບັນກິລາຊຽງໄຮ້ແມ່ນສອນກັ່ງຟູ່,ເພິ່ນໄດ້ເຮັດວຽກຢ່າງຫຼວງຫຼາຍເພື່ອເພີ່ມທະວີການແລກປ່ຽນດ້ານກິລາລະ ຫວ່າງຈີນກັບລາວແລະແນະນຳກັ່ງຟູ້ ເຊິ່ງເປັນລາຍການກິລາທີ່ມີມູນເຊື້ອຂອງຊາດຈີນຕໍ່ປະຊາຊົນລາວ.
"ກ່ອນມາລາວ,ຂ້ອຍເຄີຍຖາມຜູ້ອື່ນກ່ຽວກັບວຽກທີ່ຂ້ອຍຈະເຮັດຢູ່ລາວ,ຊາບວ່າວຽກເຜີຍແຜ່ກັ່ງຟູ່ຢູ່ລາວຍັງບໍ່ເຄີຍມີຄົນເຮັດເທື່ອ,ຂ້ອຍແມ່ນຜູ້ທຳອິດ,ສະນັ້ນ,ຂ້ອຍໄດ້ເຮັດວຽກກະກຽມຢ່າງພຽງພໍສົມຄວນໄວ້ລ່ວງໜ້າ.ເມື່ອມາຮອດລາວແລ້ວ,ຜ່ານຈາກການປະສານງານກັບຝ່າຍລາວ,ໃນທີ່ສຸດຂ້ອຍຖືກຈັດໃຫ້ໄປເຮັດວຽກຢູ່ຄະນະກຳມະການກິລາແຫ່ງຊາດລາວ,ຊ່ອຍພວກເພິ່ນສ້າງຕັ້ງແລະຝຶກແອບທິມກັ່ງຟູ່.ຂ້ອຍຄິດວ່າ,ຂ້ອຍມາລາວແລ້ວກໍຕ້ອງເຮັດເລື່ອງທີ່ຂ້ອຍຄວນເຮັດຈົນສຸດຄວາມສາມາດ."
ເມື່ອໄດ້ຊາບວ່າລາວຢາກພັດທະນາລາຍການກັ່ງຟູ່,ແລະຍາດແຍ່ງໃຫ້ໄດ້ເຂົ້າຮ່ວມງານກິລາໂອລິມປິກປັກກິ່ງປີ2008ແລ້ວ,ເພື່ອເຮັດໃຫ້ວຽກງານຂອງຕົນຍິ່ງມີຜົນສັກສິດ,ທ່ານວາງຈ້ຽນຊິ່ງຍັງໄດ້ເປັນນັກຂ່າວສະໝັກຫຼິ້ນ.ເພິ່ນໄດ້ຕັ້ງຫຼາຍບັນຫາກ່ຽວກັບສະພາບປະຈຸບັນຂອງກິລາລາວແລະການຮ່ວມມືຍາວນານລະຫວ່າງຈີນລາວເປັນຕົ້ນ,ໄປສຳພາດຫົວ ໜ້າຄະນະກຳມະການກິລາແລະຫົວໜ້າພະແນກການແຂ່ງຂັນແລະຝຶກແອບຂອງລາວ,ແລ້ວໄດ້ສະເໜີແຜນການຮ່ວມມືລະຫວ່າງຈີນລາວທີ່ເປັນໄປໄດ້.ເພິ່ນຍັງໄດ້ຂຽນບົດຄວາມປະມວນໜຶ່ງກ່ຽວກັບເນື້ອໃນ ຈຸດພິເສດ ການນຳໃຊ້ແລະລະບົບການສຶກສາຝຶກແອບກັ່ງຟູ່ໃຫ້ໜັງສືພິມແລະວາລະສານຂອງລາວ.
ທ່ານວາງຈ້ຽນຊິ່ງຍັງໄດ້ເຜີຍໃຫ້ນັກຂ່າວຮູ້ວ່າ,ເພິ່ນຢ້ານວ່າເມື່ອເພິ່ນກັບຄືນຈີນແລ້ວ,ຜູ້ອາ ສາສະໝັກງວດໜ້າບໍ່ໄດ້ມາລາວໃນທັນທີເຊິ່ງຈະກະທົບກະເທືອນເຖິງການຝຶກແອບ,ສະນັ້ນເພິ່ນຍິນດີສອນຢູ່ລາວຕໍ່ໄປ.
ຍ້ອນລັກສະນະພິເສດຂອງວຽກງານ,ທ່ານເຊິນຈ້ຽນ ນັກວິຊາການທີ່ມາຈາກສູນເຜີຍແຜ່ເຕັກນິກກະສິກຳຂອງຄຸ້ມນານຮຸ້ຍນະຄອນຊຽງໄຮ້ຖືກຈັດໃຫ້ໄປເຮັດວຽກຢູ່ກອງປູກຝັງກະ ສິກຳຂອງພະແນກກະສິກຳນະຄອນຫຼວງວຽງຈັນທີ່ຫ່າງຈາກບ່ອນຢູ່ຂອງຜູ້ອາສາສະໝັກສິບກວ່າກິໂລແມັດ,ດຳເນີນການຄົ້ນຄວ້າວິທະຍາສາດເພື່ອປົວແປງສະພາບທີ່ດິນຂອງລາວແລະບົ່ມເພາະແນວພັນຄຸນນະພາບດີ.ເພື່ອເຮັດໃຫ້ແນວພັນຜັກຄຸນນະພາບດີທີ່ທົນຕໍ່ອູນຫະພູມສູງໄດ້ທີ່ເພິ່ນເອົາມາຈາກຊຽງໄຮ້ສາມາດແຕກດອກອອກຜົນຢູ່ລາວ,ທ່ານ ເຊິນຈ້ຽນບໍ່ພຽງແຕ່ເຜີຍແຜ່ຄວາມຮູ້ວິທະຍາສາດເຕັກນິກກະສິກຳໃຫ້ແກ່ນັກວິຊາການກະສິກຳຂອງລາວເທົ່ານັ້ນ,ຍັງໄດ້ສອນວິທີປູກທີ່ຖືກຕ້ອງໃຫ້ພວກເຂົາເຈົ້າອີກດ້ວຍ.ຖ້າ ທ່ານຢາກພົບທ່ານເຊິນຈ້ຽນຢູ່ບ່ອນຢູ່ຂອງຜູ້ອາສາສະໝັກແມ່ນຍາກ,ເພາະວ່າ,ເວລາໃນ ມື້ໜຶ່ງຂອງທ່ານເຊິນຈ້ຽນໄດ້ຈັດວາງຄືດັ່ງນີ້:ສອນທິດສະດີສາມຊົ່ວໂມງ ເຮັດວຽກຢູ່ນາສວນສາມຊົ່ວໂມງ ຂຽນບົດບັນທຶກສະພາບການປູກຝັງໜຶ່ງຊົ່ວໂມງແລະໄປກັບສາມຊົ່ວໂມງ.ເພື່ອເຮັດໃຫ້ນາແບບຢ່າງທີ່ເພິ່ນຮັບຜິດຊອບນັ້ນຮັບການເກັບກ່ຽວທີ່ດີ,ທ່ານເຊິນ ຈ້ຽນໄດ້ທຸ່ມເຫື່ອເທແຮງຢ່າງຫຼວງຫຼາຍ,ຫົດນ້ຳ ໃສ່ຝຸ່ນ ສັງເກດເບິ່ງແລະບັນທຶກທຸກມື້,ຄືເບິ່ງແຍງລູກຂອງຕົນ.ໃນຫົກເດືອນຢູ່ລາວ,ແຕ່ລະມື້ທ່ານເຊິນຈ້ຽນກໍເປ້ຖົງນ້ຳແລະຢາປາບສັດຕູພືດຍ່າງຢູ່ໃນນາສວນ,ເຮັດໄຮ່ໄຖ່ນາກັບຄວາຍແກ່,ຜິວຂອງເພິ່ນດຳກ່ຳຍ້ອນຕາກແດດ,ຄືຊາວກະສິກອນລາວອ້ອຍດ້ອຍ.ເບິ່ງແຍງນາແບບຢ່າງຂອງຕົນແລ້ວໆ,ເພິ່ນກໍໄປຊອກຮູ້ສະພາບຕົວຈິງແຫ່ງການຜະລິດກະສິກຳຂອງລາວຢູ່ຕາມທົ່ງໄຮ່ທົ່ງນາຊົນນະ ບົດຂອງລາວໂດຍບໍ່ເອົາຫົວຊານຳຄວາມຫຍຸ້ງຍາກຕ່າງໆ ເຊັ່ນ ອາກາດອົບເອົ້າ,ເວົ້າພາ ສາລາວບໍ່ເປັນແລະໄປມາບໍ່ສະດວກເປັນຕົ້ນ,ແກ້ໄຂບັນຫາຫຍຸ້ງຍາກໃຫ້ຊາວກະສິກອນຂອງລາວຢູ່ນາສວນ. ດົນຕາມດົນ,ຊາວກະສິກອນຂອງຫຼາຍບ້ານທີ່ຢູ່ໃກ້ໆກໍຮູ້ວ່າ,ຢູ່ບ້ານໜອງແວງມີຊາວໜຸ່ມອາສາສະໝັກດ້ານກະສິກຳຂອງຈີນຜູ້ໜຶ່ງ.ພາຍຫຼັງມາ,ຍາມໃດທ່ານເຊິນຈ້ຽນມາໜອງແວງ,ພວກເຂົາເຈົ້າກໍມາຕ້ອນຮັບຢ່າງອົບອຸ່ນ,ພະນົມມື,ເວົ້າຕໍ່ທ່ານເຊິນຈ້ຽນວ່າ: "ສະບາຍດີ."
ກ່ອນກັບເມືອຈີນ,ທ່ານເຊິນຈ້ຽນຍັງໄດ້ວິ່ງເຕັ້ນເລື່ອງເຮັດໃຫ້ແນວພັນໝາກແຕງຫວານຂອງຊຽງໄຮ້ສາມາດແຕກໜໍ່ຈໍ່ແໜງຢູ່ລາວ.ເມື່ອກັບເມືອຈີນແລ້ວ,ເພິ່ນຍັງຈະສືບຕໍ່ສຳເລັດບົດລາຍງານຄວາມອາດເປັນໄປໄດ້ແຫ່ງການພັດທະນາກະສິກຳຢູ່ວຽງຈັນຂອງລາວ.
1 2
|
|
|
