|
ຊາວໜຸ່ມອາສາສະໝັກຂອງຈີນຢູ່ລາວ (3)(ສຽງ)
cri
Author: zhangshuo
ປະຈຸບັນນີ້,ຄວາມຝັນໄດ້ປະກົດເປັນຈີງແລ້ວ,ເມື່ອໄດ້ມາຮອດບ່ອນເກົ່າຄືນໃໝ່,ສຳຜັດກັບແມ່ນ້ຳຂອງທີ່ສວຍງາມ ດອກຈຳປາທີ່ຫອມຫວນ ທ້ອງຟ້າກາງຄືນທີ່ມີດາວແວວວາວໄດ້ກະຕຸ້ນໃຈນາງຝ່າງໝີນຢ່າງເລິກເຊິ່ງກວ່າເກົ່າ.
"ຂ້ອຍຄິດວ່າ,ຕໍ່ໄປພາຍໜ້າ,ຂ້ອຍຈະບໍ່ຮ້ອນຮົນຄືແຕ່ກ່ອນອີກແລ້ວ,ຈິດໃຈທີ່ເຫັນແກ່ຜົນປະໂຫຍດຈະຈືດຈາງລົງຫຼາຍ,ມຸມມອງໃນການເບິ່ງບັນຫາ ເບິ່ງໂລກແລະເບິ່ງຊີວິດກໍ່ລ້ວນແຕ່ຈະເກີດມີການປ່ຽນແປງຢ່າງຫຼວງຫຼາຍ."
ໃບໜ້າທີ່ຍິ້ມແຍ້ມແຈ່ມໃສຢ່າງຈິງໃຈຂອງປະຊາຊົນລາວ,ກໍໄດ້ເຮັດໃຫ້ຜູ້ອາສາສະໝັກຮູ້ ສຶກອົບອຸ່ນທີ່ສຸດ,ພວກເຂົາເຈົ້າຍາດກັນເລົ່າເລື່ອງຕ່າງໆທີ່ພວກເຂົາເຈົ້າໄດ້ພົບໃນ6ເດືອນມານີ້ສູ່ນັກຂ່າວຟັງ.
"ມີເທື່ອໜຶ່ງພວກເຮົາໄປເລາະຊື້ຂອງຢູ່ລາວໄອເຕັກ,ໄດ້ລືມກະເປົາໃຫຍ່ໜ່ວຍໜຶ່ງຢູ່ຫັ້ນ,ຢູ່ໃນກະເປົາມີໂທລະສັບມືຖືສອງເຄື່ອງ,ຍັງມີກ້ອງຖ່າຍຮູບ MP3ແລະຂອງມີຄ່າອື່ນໆ,ພວກເຮົາກັບເມືອຫໍພັກດົນເຕີບແລ້ວ,ຈຶ່ງກັບໄປຊອກ,ໄດ້ເຫັນມີສາວນ້ອຍຜູ້ໜຶ່ງໄດ້ຊ່ອຍເກັບ ກະເປົາໄວ້ໃຫ້ພວກເຮົາແລ້ວ,ພວມລໍຖ້າພວກເຮົາກັບມາເອົາ,ເພື່ອສົ່ງຄືນໃຫ້ພວກເຮົາ. ຄາວນັ້ນ,ພວກເຮົາລ້ວນແຕ່ຮູ້ສຶກວ່າ,ທຳນອງຄອງທຳຂອງຊາວລາວຈັ່ງແມ່ນບໍລິສຸດຜຸດຜ່ອງທີ່ສຸດ."
"ປະຊາຊົນລາວໃຈດີທີ່ສຸດ,ຖ້າວ່າເຈົ້າສາມາດເວົ້າພາສາລາວຈັກຄຳສອງຄຳນຳພວກເຂົາເຈົ້າ,ພວກເຂົາເຈົ້າຈະດີໃຈທີ່ສຸດ,ຍິນດີເປັນໝູ່ນຳເຈົ້າ,ສະນັ້ນ,ພວກເຮົາໄດ້ຮູ້ຈັກໝູ່ຫຼາຍຄົນຢູ່ແຫ່ງນີ້,ມີນັກທຸລະກິດ ເຈົ້າໜ້າທີ່ລັດຖະບານ,ຍັງມີສາມັນຊົນແລະນັກຮຽນເປັນຕົ້ນ, ຫຼາຍສົມຄວນ.ພວກເຂົາເຈົ້າເວົ້າວ່າ,ເທື່ອໜ້າ,ພວກເຈົ້າມາລາວອີກ,ບໍ່ຕ້ອງເສຍເງິນໄປ ພັກຢູ່ໂຮງແຮມ,ມາຢູ່ບ້ານພວກເຮົາຄົນລະມື້,ກໍຢູ່ໄດ້ເດືອນໜຶ່ງແລ້ວ."
ຄວາມເວົ້າຂອງນາງຝ່າງໝີນໄດ້ສະແດງໃຫ້ເຫັນຄວາມປາຖະໜາຮ່ວມຂອງຊາວໜຸ່ມຈີນເຫຼົ່ານີ້,ນາງເວົ້າວ່າ:"ຂ້ອຍຄິດວ່າ,ຂ້ອຍຈະມາເມືອງລາວອີກ,ເທື່ອໜ້າອາດຈະເປັນນັກທ່ອງທ່ຽວ,ອາດຈະແມ່ນພາຍຫຼັງຂ້ອຍອອກກິນເບ້ຍບຳນານແລ້ວ,ລວມຄວາມແລ້ວ,ຂ້ອຍ ຈະມາເມືອງລາວອີກ."
ເມື່ອໄດ້ຍິນສະມາຊິກຄະນະອາສາສະໝັກເລົ່າຄວາມຮັກແພງຂອງຕົນທີ່ມີຕໍ່ເມືອງລາວ, ທ່ານຊ່ຽວຊີ່ງ ຫົວໜ້າຄະນະໄດ້ບອກນັກຂ່າວຢ່າງຕື້ນຕັນໃຈວ່າ:"ໃນເວລາທ່ານມາຊຸ່ນເລີຍ ເລຂາຄະນະຊາວໜຸ່ມນະຄອນຊຽງໄຮ້ມາຢາມພວກເຮົາຢູ່ລາວ,ໄດ້ເວົ້າຄຳເວົ້າຄຳໜຶ່ງ,ພວກເຮົາລ້ວນແຕ່ຈື່ໄດ້ຢ່າງເລິກເຊິ່ງ,ທ່ານເວົ້າວ່າ:ພວກເຮົາໃຊ້ເວລາເຄິ່ງປີໄດ້ເຮັດເລື່ອງທີ່ສາມາດກະທົບກະເທືອນເຖິງຕະຫຼອດຊີວິດຂອງສະມາຊິກໝົດທຸກຄົນ.ຂ້າພະເຈົ້າຄິດວ່າ,ເມື່ອໄດ້ມີປະສົບການແນວນີ້,ພວກເຮົາໝົດທຸກຄົນກໍຈະໃຊ້ທ່າທີທີ່ໃຈກວ້າງກວ່າເກົ່າມາປະເຊີນໜ້າກັບຊີວິດໃນພາຍໜ້າ,ຈະໃຊ້ທ່າທີສູ້ຊົນທີ່ຕັ້ງໜ້າກວ່າເກົ່າຕໍ່ພາລະກິດແລະໜ້າທີ່ຮັບຜິດຊອບທຸກປະການ."
ໃນຕະຫຼອດຊີວິດຂອງຄົນຜູ້ໜຶ່ງ,ເວລາເຄິ່ງປີພຽງແຕ່ແມ່ນເວລາອັນສັ້ນໆເທົ່ານັ້ນ,ແຕ່ວ່າ,ເຄິ່ງປີທີ່ສະໝັກຮັບໃຊ້ຢູ່ເມືອງລາວ,ພັດໄດ້ຈົ່ງຊັບສິນທີ່ໃຊ້ບໍ່ໝົດໄວ້ໃຫ້ແກ່ຊີວິດຂອງຊາວໜຸ່ມ11ຄົນເຫຼົ່ານີ້.
1 2
|
|
