ທ່ານສີຄູນຮັບການສຳພາດຂອງນັກຂ່າວCRI

ທ່ານ​ສີ​ຄູນ ຮອງ​ປະທານ​ສະມາຄົມ​ການ​ຮ່ວມ​ມື​ການ​ຄ້າ​ລາວ​ຈີນ​​ໄດ້​ອາ​ໄລ​ອາ​ວອນ​ເຖິງ​ອາ​ຈານ​ເຫົ່ຼາ​ນີ້​ທີ່​ສຸດ.​ລາວ​ເວົ້າ​ວ່າ:.(ປ່ອຍ​ອັດ​ສຽງ​,ພາສາ​ລາວ)

​ໃນ​ທີ່​ສຸດ,ທ່ານ​ສີ​ຄູນ​ເວົ້າ​​ດ້ວຍ​ສຽງດັງໆ​ວ່າ: (ປ່ອຍ​ອັດ​ສຽງ)"ມິດຕະພາບ​ລາວ​ຈີນ​ໝັ້ນຄົງ​ຂະໜົງ​ແກ່ນ​ຈົນ​​ເທົ່າ​ໃດໆ"
​
ແມ່ນ​ແລ້ວ,ຂໍ​ໃຫ້​ມິດຕະພາບ​ລາວ​ຈີນ​ໝັ້ນຄົງຂະໜົງ​ແກ່ນ​ຈົນ​ເທົ່າ​ໃດໆ,ນີ້​ແມ່ນ​ສຽງ​ອວຍ ພອນຮ່ວມກັນຈາກ​ດວງ​ໃຈ​ຂອງ​ຊາວ​ໜຸ່ມ​ຈີນ​ລາວ​ແລະ​ປະຊາຊົນ​ຈີນ​ລາວ.​ແມ່ນ້ຳລ້ານ​ຊ້າງ​ທີ່​ໄຫຼລົງ​ຈາກ​ພູ​ພຽງ​ຊິງ​ໄຫ​ຕິ​ເບ​ດຂອງ​ຈີນ​ໄດ້​ໄຫຼ​ເຂົ້າ​ແມ່ນ້ຳຂອງ​ທີ່​​ໄຫຼຜ່ານ​ລາວ,ຂໍໃຫ້​ມິດຕະພາບ​ຈີນ​ລາວ​ເໝືອນ​ດັ່ງ​ແມ່ນ້ຳສາຍ​ນີ້​ທີ່ໄຫຼ​​ຢ່າງ​ບໍ່​ຂາດ​ສາຍ​ແລະ​ບໍ່​ມີ​ຍາມ​ເຫືອດ​ແຫ້ງ.

"ຍ້ອນ​ປະກອບ​ສ່ວນ,​ໄວ​ຄະນອງ​ຈຶ່ງ​ມີຄ່າ​ລ້ຳ​ເລີດ,
​ແຕ່​ນີ້​​ໄປ,ຊີວິດ​ຈຶ່ງ​ໄດ້​​ເພີ່ມສີສັນ​ທີ່​ງາມ​ຈັບ​ຕາ,
​​ໃນ​ຄວາມ​ຊົງຈຳ​ຂອງ​​ເຮົາ,ກໍ​​ເຕັມ​ໄປ​ດ້ວຍ​ການ​ຫວນ​ຄືນ​ອັນ​ດີ​ງາມ​,ງາມ​ດັ່ງ​ແຜ່ນຜ້າ​ໄໝ…
ຢູ່​ແຫ່ງ​ນີ້,ພວກ​ເຮົາ​ໄດ້ຢັ້ງຢືນ​ໄວ​ຄະນອງ​​ດ້ວຍນ້ຳ​ເຫື່ອ​ນ້ຳແຮງ,
ພວກ​ເຮົາ​​ແຕ້ມ​ພາບ​ແຫ່ງ​ຄວາມ​ຝັກ​ໄຝ່ດ້ວຍການປະກອບສ່ວນ.
​ໄວ​ຄະນອງ​​,ພວກ​ເຮົາບໍ່​ມີ​ເລື່ອງ​ກິນ​ແໜງ,
ການ​ປະກອບສ່ວນ​ລ້ຳຄ່າ."

ທ່ານ​ຜູ້​ຟັງ​ທີ່​ໂຄລົບ,ລາຍການ​ສຳພາດ​ຄະນະ​ຊາວ​ໜຸ່ມ​ອາສາ​ສະໝັກ​ຊຽງ​ໄຮ້​ທີ່​ໄປ​ຮັບ​ໃຊ້​ຢູ່​ລາວ​ງວດ​ທີ​ສີ່​ໄດ້​ອອກ​ອາກາດ​ໝົດ​ແລ້ວ.ບໍ່​ວ່າ​ທ່ານ​ຈະຮູ້ຈັກ​ຊາວ​ໜຸ່ມ​ຈີນ11​ຄົນ​ນີ້​ຫຼືບໍ່,ບໍ່​ວ່າ​ທ່ານ​ເຄີຍ​​ໄດ້​ຮັບ​ການ​ຊ່ອຍ​ເຫຼືອຈາກພວກ​ເຂົາ​ເຈົ້າຫຼືບໍ່,​ຂ້າພະ​ເຈົ້າ​ເຊື່ອ​ໝັ້ນວ່າ,ທ່ານກໍຈະ​ຮູ້ ສຶກກະ​ຕຸ້ນ​ໃຈ​ຍ້ອນ​ນ້ຳ​ໃຈ​ຂອງ​ພວກ​ເຂົາ​ເຈົ້າ.ຖ້າວ່າ​ທ່ານ​ພໍດີ​​ເປັນຜູ້​ຮ່ວມ​ງານ ​ນັກຮຽນ​ຫຼື​ເພື່ອນ​ມິດ​ຂອງ​ພວກ​ເຂົາ​ເຈົ້າ,ທ່ານ​ກໍ​ອາດ​ຈະ​ຄິດ​ຮອດ​ຄິດ​ເຖິງ​ຊາວ​ໜຸ່ມ11​ຄົນ​ດັ່ງກ່າວ​ນີ້ ຫຼາຍ.ຊົມ​ເຊີຍ​ທ່ານ​ຂຽນ​ຈົດໝາຍ​ມາ​ຍັງ​ພວກ​ເຮົາ,​ເມື່ອ​ຟັງ​ລາຍການ​ນີ້ລ້ວ,ທ່ານ​ມີ​ຄວາມ​ຮູ້ສຶກ​​ແນວ​ໃດ,ບອກ​ເລື່ອງລາວ​ຕ່າງໆ​ໃນ​ການ​ໄປມາຫາສູ່​ກັນ​ກັບ​ພວກ​ເຂົາ​ເຈົ້າຫຼືຄຳ​ເວົ້າທີ່​ທ່ານ​ຢາກ​ເວົ້າຕໍ່​ພວກ​ເຂົາ​ເຈົ້າ​ໃຫ້​ພວກ​ເຮົາ​ຮູ້​ໃນ​ຈົດໝາຍ.ຕູ້​​ໄປສະນີ​ຂອງ​ພວກ​ເຮົາ​ແມ່ນ: China Radio International 4216, CRI-13 Beijing China, ລະຫັດ​ໄປສະນີ​ແມ່ນ100040,ຫຼືວ່າ​ສົ່ງE-mailມາ​ຍັງ​ພວກ​ເຮົາ,ທີ່ຢູ່E-mailຂອງ​ພວກ​ເຮົາ​ແມ່ນ: laos@chinabroadcast.cn
ພວກ​ເຮົາ​ຈະ​ສົ່ງ​ຕໍ່​ຄວາມ​ຮັກ​ແພງ​ຂອງ​ທ່ານ​ໄປ​ຍັງ​ຊາວ​ໜຸ່ມ​ອາສາ​ສະໝັກ11​ຄົນ​ດັ່ງກ່າວ,​ແລະ​ອ່ານ​ຈົດໝາຍ​ຂອງ​ທ່ານ​ໃນ​ລາຍການ​​ເພື່ອນ​ມິດ​ຜູ້​ຟັງ​​ໃນ​ຂ້າງ​ໜ້າ.ຂອບ​ໃຈ​ທ່ານ​ທີ່​ໄດ້​ຮັບ​ຟັງ,ພົບ​ກັນ​ໃໝ່​ໃນ​ອາທິດ​ໜ້າ,ສະບາຍດີ.