|
|
 |
| (GMT+08:00)
2005-09-26 16:11:08
|
 |
|
ງານລາຕີສິລະປະວັນນະຄະດີຂະໜາດໃຫຍ່ "ເພື່ອຄວາມເປັນທຳແລະສັນຕິພາບ"(ສຽງ)
cri
Author: zhangshuo
|
ທີ່ນີ້ວິທະຍຸສາກົນແຫ່ງປະເທດຈີນ,ສະບາຍດີທ່ານຜູ້ຟັງທີ່ໂຄລົບ,ຍິນດີຕ້ອນຮັບທ່ານເຂົ້າສູ່ລາຍການນັດພົບໃນວັນອາທິດ,ຂ້າພະເຈົ້າແມ່ນສົມບູນ.ວັນທີ2ກັນຍາ,ປັກກິ່ງໄດ້ຈັດງານລາຕີສິລະປະວັນນະຄະດີຂະໜາດໃຫຍ່ທີ່ພາດຫົວເລື່ອງວ່າ"ເພື່ອຄວາມເປັນທຳແລະສັນຕິພາບ", ເພື່ອລະລຶກສົງຄາມຈີນຕໍ່ຕ້ານຍີ່ປຸ່ນໄດ້ຮັບໄຊຊະນະຄົບຮອບ60ປີ.ໃນລາຍການພາກນີ້,ພວກເຮົາໄດ້ຈັດເອົາອັດສຽງທ່ານຮັບຟັງລາຍການສ່ວນໜຶ່ງຂອງງານລາຕີເທື່ອນີ້ມາສູ່ທ່ານຟັງ.
(ປ່ອຍອັດສຽງ)
ທີ່ທ່ານພວມຟັງຢູ່ນີ້ແມ່ນເພງເປີດສາກງານລາຕີເທື່ອນີ້, ຊື່ວ່າ"ຢູ່ເທິງແມ່ນ້ຳຊົ່ງຮ່ວາ" ຂັບຮ້ອງໂດຍນາງວາງຊີ້ວເຟິນແລະທ່ານໄຕ້ຢູ້ຊຽງ, ແຕ່ງເນື້ອຮ້ອງທຳນອງເພງໂດຍທ່ານຈ່າງຮານຮຸ່ຍ.ແມ່ນ້ຳຊົ່ງຮ່ວາແມ່ນແມ່ນ້ຳສາຍໜຶ່ງທີ່ມີຊື່ສຽງຢູ່ພາກຕາເວັນອອກ ສຽງເໜືອຂອງຈີນ.ປີ1931,ຍີ່ປຸ່ນໄດ້ກໍ່ເຫດການ "18ກັນຍາ"ເຂົ້າຮຸກຮານຈີນ,ຍຶດຄອງພາກຕາເວັນອອກສຽງເໜືອຂອງຈີນ.ປະຊາຊົນຈີນຈຳນວນຫຼວງຫຼາຍໜີຈາກບ້ານເກີດຢູ່ ຕາເວັນອອກສຽງເໜືອ,ພັດເຊພະເນຈອນໄປທຸກແຫ່ງຫົນ.ທ່ານຈ່າງຮານຮຸ່ຍໄດ້ເຫັນຊີວິດອັນທຸກຍາກລຳບາກຂອງພວກເຂົາເຈົ້າ,ແລ້ວໄດ້ແຕ່ງເພງ " ຢູ່ເທິງແມ່ນ້ຳຊົ່ງຮ່ວາ". ທຳນອງທີ່ເສົ້າໂສກຂອງເພງນີ້ໄດ້ສະເທືອນຈິດໃຈຂອງປະຊາຊົນຈີນນັບບໍ່ຖ້ວນກະຕຸ້ນໃຈ,ແລະໄດ້ກະຕຸກນ້ຳໃຈຂອງພວກເຂົາເຈົ້າໃຫ້ລຸກຂຶ້ນຕໍ່ຕ້ານຍີ່ປຸ່ນ.(ປ່ອຍອັດສຽງ)
ງານລາຕີເທື່ອນີ້ມີຂະໜາດໃຫຍ່ຫຼາຍ,ມີນັກສະແດງ1500ກວ່າຄົນທີ່ມາຈາກ50ກວ່າຄະ ນະສິລະປາກອນເຂົ້າຮ່ວມການສະແດງ.ທ່ານຈ່າງຈີ້ກ່າງ ຜູ້ກຳກັບການສະແດງຂອງງານລາຕີເທື່ອນີ້ແມ່ນສິລະປິນທີ່ມີຊື່ສຽງຂອງຈີນ,ເຄີຍກຳກັບການສະແດງຂອງງານລາຕີສິລະປະວັນນະຄະດີຂະໜາດໃຫຍ່ເຖິງ60ກວ່າເທື່ອ.ທ່ານເວົ້າວ່າ,ງານລາຕີເທື່ອນີ້ໄດ້ຮັບຄວາມເອົາໃຈໃສ່ໃນລະດັບສູງຈາກລັດຖະບານຈີນ,ລັດຖະບານໄດ້ຈັດວາງຜູ້ແຕ່ງລາຍການສິລະປະຜູ້ດີເລີດກວ່າໝູ່,ໃຊ້ເວລາເຄິ່ງປີປາຍຈັດວາງຢ່າງລະອຽດແນບນຽນ ຈັດຕັ້ງການເຟິກຊ້ອມແລະສະແດງ.
ທ່ານຈ່າງຈີ້ກ່າງເວົ້າວ່າ,ເພື່ອຈັດແຕ່ງລາຍການທີ່ດີເດັ່ນ,ຜູ້ແຕ່ງເລື່ອງໄດ້ໄປທັດສະນະສຶກ ສາຫໍລະລຶກສົງຄາມຕໍ່ຕ້ານຍີ່ປຸ່ນຢູ່ທີ່ຂົວລູໂກ່ປັກກິ່ງແລະຫໍລະລຶກເຫດການສັງຫານໂຫດຢ່າງຂະໜາດໃຫຍ່ຢູ່ນານກິ່ງ,ກວດເບິ່ງຂໍ້ມູນເອກະສານ ພາບແລະສຽງຈຳນວນຫຼວງ ຫຼາຍ,ພຽງແຕ່ບົດທີ່ແຕ່ງໄລຍະຕົ້ນກໍໄດ້ໃຊ້ເວລາສາມເດືອນ,ດັດແກ້ຕັ້ງສິບກວ່າເທື່ອ.
ງານລາຕີເທື່ອນີ້ໄດ້ໂຮມເອົາຮູບການສິລະປະຫຼາຍຊະນິດເຂົ້າກັນ ເຊັ່ນ ດົນຕີ ຟ້ອນ ງິ້ວແລະລະຄອນທ້ອງຖິ່ນ ອ່ານກາບກອນ ແຕ້ມຮູບ ຮູບຄວັດຮູບເງົາໂທລະພາບແລະອື່ນໆ,ເອົາເນື້ອເພງເພງຊາດຈີນ ຄື "ເພງເດີນກອງທັບກ້າຫານ" ສອດຮ້ອຍຕະຫຼອດ7ພາກສ່ວນ,ລວມທັງສາກເລີ່ມຕົ້ນກັບສາກສຸດທ້າຍ,ພາກສ່ວນດົນຕີ5ພາກນອກຈາກນີ້,ກໍຄື,ພາກ "ລຸກເຖີດ, ຜູ້ທີ່ບໍ່ຍອມເປັນຂ້າທາດ" ພາກ"ກໍ່ກຳແພງຍາວໃໝ່ຂອງພວກເຮົາ" ພາກ"ມວນມະຫາຊົນພວກເຮົາເປັນຈິດໜຶ່ງໃຈດຽວກັນ" ພາກ"ທຸກໆຄົນຖືກບັງຄັບແຜສຽງຮ້ອງສຸດທ້າຍ"ແລະພາກ"ສ່ຽງຮ່າລູກປືນໃຫຍ່ຂອງສັດຕູ,ກ້າວເດີນ".
ງານລາຕີໄດ້ສະແດງເພງປະຫວັດສົງຄາມຕໍ່ຕ້ານຍີ່ປຸ່ນທີ່ຊາວຈີນຮູ້ກັນທຸກຄົນ, ເພງເຫຼົ່ານີ້ໄດ້ສະແດງໃຫ້ເຫັນວິລະກຳຂອງປະຊາຊົນຈີນທີ່ບໍ່ອ່ອນຍອມບໍ່ທໍ່ຖອຍ, ຕໍ່ຕ້ານຜູ່ຮຸກຮານ, ສັນລະເສີນນ້ຳໃຈຍິ່ງໃຫຍ່ຂອງປະຊາຊາດຈີນທີ່ບຸກບືນ,ຕື່ນຕົວໃນສົງຄາມຕໍ່ຕ້ານຍີ່ປຸ່ນ.
1 2
|
|
|
