|
|
 |
| (GMT+08:00)
2005-09-26 16:11:08
|
 |
|
ງານລາຕີສິລະປະວັນນະຄະດີຂະໜາດໃຫຍ່ "ເພື່ອຄວາມເປັນທຳແລະສັນຕິພາບ"(ສຽງ)
cri
Author: zhangshuo
ທີ່ທ່ານພວມຟັງຢູ່ນີ້ແມ່ນເພງ "ສັນລະເສີນເມືອງອຽນອານ",ຂັບຮ້ອງໂດຍທ່ານອຽນເວີຍເວີນແລະນາງອິນຊິ້ວເມີຍ. ໃນຕະຫຼອດໄລຍະສົງຄາມຕໍ່ຕ້ານຍີ່ປຸ່ນ, ເມືອງອຽນອານທີ່ຕັ້ງກອງບັນຊາການໃຫຍ່ຂອງພັກກອງມູນິດຈີນໄດ້ກາຍເປັນສູນຊີ້ນຳທາງການເມືອງຂອງສົງຄາມປະຊາຊົນຈີນຕໍ່ຕ້ານຍີ່ປຸ່ນ, ຊາວໜຸ່ມປະຕິວັດນັບເປັນທີ່ພັນເປັນໝື່ນເຕັມໄປດ້ວຍຄວາມດູດດື່ມໃນການຕໍ່ສູ້ກູ້ຊາດຕ້ານຍີ່ປຸ່ນ, ໄດ້ຈາກແຫ່ງຕ່າງໆໄປຫາເມືອງອຽນອານ, ເພງນີ້ໄດ້ລະບາຍຈິດໃຈອາລົມຂອງປະຊາຊົນທີ່ສັນລະເສີນເມືອງອຽນອານຖິ່ນຖານສັກກາລະບູຊາແຫ່ງການປະຕິວັດ.
ໃນສົງຄາມຕໍ່ຕ້ານຍີ່ປຸ່ນ, ກອງທັບປະຊາຊົນທີ່ນຳໂດຍພັກກອມມູນິດຈີນໄດ້ໂຈມຕີຍີ່ປຸ່ນຜູ້ຮຸກຮານຢ່າງຮຸນແຮງ ຢູ່ແນວຫຼັງຂອງສັດຕູ, ກາຍເປັນກຳລັງສຳຄັນແງ່ໜຶ່ງໃນສະໜາມລົບຕໍ່ຕ້ານຍີ່ປຸ່ນ.ໃນພາກທີ3ຂອງງານລາຕີທີ່ພາດຫົວເລື່ອງວ່າ, ພວກເຮົາເປັນຈິດໜຶ່ງໃຈດດຽວກັນ, ແມ່ນເພງປະມວນໜຶ່ງທີ່ຊື່ວ່າ, ຖັນແຖວຂອງພວກເຮົາກ້າວໄປສູ່ດວງຕາເວັນ, ໄດ້ສະແດງທ່າທາງອັນອົງອາດຂອງກອງປະກອບອາວຸດປະຊາຊົນ.
ໃນສົງຄາມຕໍ່ຕ້ານຍີ່ປຸ່ນ, ພາຍໃຕ້ການນຳພາຂອງພັກກອມມູນິດຈີນ,ປະຊາຊົນຈີນປະກອບເປັນການຈັດຕັ້ງຕ່າງໆ, ສະໜັບສະໜູນແນວໜ້າດ້ວຍຮູບການຕ່າງໆ,ໂຈມຕີຍີ່ປຸ່ນຜູ້ຮຸກຮານ, ເຮັດໃຫ້ສັດຕູຕົກຢູ່ໃນມະຫາສະໝຸດແຫ່ງສົງຄາມປະຊາຊົນ. ໃນງານລາຕີ, ປະມວນເພງ ປຸກລະດົມມະຫາຊົນເປັນລ້ານເປັນໂກດ, ໄດ້ວາດພາບອັນຍິ່ງໃຫຍ່ສະຫງ່າທີ່ປະຊາຊົນຈີນທັງປວງເຂົ້າຮ່ວມສົງຄານຕໍ່ຕ້ານ.
ງານລາຕີຍັງໄດ້ສະແດງເພງນາງເມີຍນຽງ, ວາດພາບອັນກະຕຸ້ນໃຈຊາວທີ່ຄົນຈີນພົ້ນທະເລເຂົ້າຮ່ວມການເຄື່ອນໄຫວຕໍ່ຕ້ານຍີ່ປຸ່ນ. ການອ່ານກອນ ຈົດໝາຍບ້ານຂອງນາຍພົນ, ສະແດງໃຫ້ເຫັນຄວາມເຊື່ອໃຈຕໍ່ໄຊຊະນະແລະຈິດໃຈໂຣມັງຕິກປະຕິວັດຂອງທະຫານຈີນ.ເພງສົງຄາມສັກສິດ ໄດ້ສະແດງໃຫ້ເຫັນນ້ຳໃຈສູ້ລົບຂອງທະຫານປະເທດພັນທະມິດຢູ່ສະໜາມລົບເອີລົບ, ເພງໄຊຊະນະເຊີດຊູກຳລັງໃຈສະແດງໃຫ້ເຫັນຈິດໃຈອັນມ່ວນຊື່ນຂອງປະຊາຊົນຈີນໃນເວລາສະເຫຼີມສະຫຼອງໄຊຊະນະ.
ມ້ວນທ້າຍລາຍການງານລາຕີແມ່ນເພງພວກເຮົາຮັກຫອນສັນຕິພາບຄືເພງສຸດທ້າຍ.ຢູ່ເທິງເວທີ, ມີເດັກນ້ອຍປະມານ300ຄົນຖືຊໍ່ດອກໄມ້, ຮ້ອງເພງນຳກັນກັບນັກຮ້ອງ4ຄົນທີ່ມີຊື່ສຽງຂອງຈີນ,ສະແດງໃຫ້ເຫັນປະຊາຊົນຈີນຜັກໃຝ່ແລະທະນຸຖະໜອມສັນຕິພາບ.
ທ່ານຜູ້ຟັງ,ທີ່ຟັງມານັ້ນແມ່ນອັດສຽງສ່ວນໜຶ່ງຂອງງານລາຕີສິລະປະວັນນະຄະດີຂະໜາດໃຫຍ່ ເພື່ອຄວາມເປັນທຳແລະສັນຕິພາບ. ລາຍການນັດພົບໃນວັນອາທິດຂໍຈົບລົງພຽງທໍ່ນີ້,ຂອບໃຈທ່ານໄດ້ຮັບຟັງ, ສະບາຍດີ！
1 2
|
|
|
