|
|
 |
| (GMT+08:00)
2005-09-30 13:24:34
|
 |
|
ເຕັກນິກປັບອຸນຫະພູມໃນຫ້ອງດ້ວຍຄວາມຮ້ອນໃຕ້ດິນພວມໄດ້ຮັບການເຜີຍແຜ່ຢູ່ຈີນເທື່ອລະກ້າວ(ສຽງ)
cri
Author: zhangshuo
|
ຫຼາຍປີມານີ້,ຢູ່ບາງບ່ອນທີ່ນະຄອນປັກກິ່ງຂອງຈີນ,ພວມທົດລອງນຳໃຊ້ຄວາມຮ້ອນໃຕ້ດິນມາປັບອຸນຫະພູມໃນຫ້ອງ.ໃນລາຍການວິທະຍາສາດເຕັກນິກພາກນີ້,ຂ້າພະເຈົ້າຂໍແນະນຳສະພາບການທີ່ກ່ຽວຂ້ອງສູ່ທ່ານຟັງ.
ກ່ອນນີ້ໜຶ່ງເດືອນ,ອາກາດທີ່ທັງຮ້ອນທັງຊຸ່ມຂອງປັກກິ່ງເຮັດໃຫ້ຄົນຮູ້ສຶກອົບເອົ້າຫຼາຍຈົນຫັນໃຈຍາກ,ແຕ່ເມື່ອທ່ານຍ່າງເຂົ້າອາຄານວິທະຍາສາດເຕັກນິກຮວາເຊ້ຍທີ່ຕັ້ງຢູ່ພາກຕາເວັນຕົກສຽງເໜືອຂອງປັກກິ່ງ,ພັດມີລົມເຢັນພັດມາ,ເຮັດໃຫ້ຄົນຮູ້ຈຶກເຢັນສະບາຍໃນທັນ ທີ.ເຄື່ອງທີ່ສົ່ງລົມເຢັນມາບໍ່ແມ່ນແອເຢັນທຳມະດາທີ່ເຮົາມັກເຫັນ,ຫາກແມ່ນເຄື່ອງປັບຄວາມເຢັນດ້ວຍຄວາມຮ້ອນໃຕ້ດິນໂດຍຜ່ານເຕັກນິກວິຊາສະເພາະ.ກໍແມ່ນຊຸດອຸປະກອນ ດຽວກັນທີ່ເຄີຍສົ່ງອາຍອຸ່ນໃຫ້ອາຄານຫຼັງນີ້ໃນລະດູໜາວປີກາຍນີ້.
ທ່ານຮວາງຊຸຍຊິນ ຜູ້ອຳນວຍການໃຫຍ່ຂອງບໍລິສັດພັດທະນາຄວາມຮ້ອນໃຕ້ດິນຮວາຊິງປັກກິ່ງຈຳກັດທີ່ມີບົດຮຽນພັດທະນາພະລັງງານຄວາມຮ້ອນໃຕ້ດິນມາຫຼາຍປີແນະນຳວ່າ,ຢູ່ບ່ອນເລິກໃຕ້ດິນ,ມີຊັ້ນອຸນຫະພູມຊັ້ນໜຶ່ງ,ມັນມີອຸນຫະພູມແຕ່15ອົງສາຫາ18ອົງສາຕະ ຫຼອດປີ,ອຸນຫະພູມຂອງນ້ຳແລະດິນໃນຊັ້ນນີ້ລ້ວນແຕ່ໃຊ້ເປັນພະລັງງານຄວາມຮ້ອນໃຕ້ດິນໄດ້.ການນຳໃຊ້ມີເບົ້າແບບຕົ້ນຕໍສອງແນວ,ໜຶ່ງແມ່ນຂຸດສ້າງດູດນ້ຳໃຕ້ດິນມາໃຊ້;ອີກແນວໜຶ່ງແມ່ນຝັງທໍ່ຢູ່ໃຕ້ດິນ,ນຳໃຊ້ຄວາມຮ້ອນໃຕ້ດິນໂດຍກົງ.ເບົ້າແບບທີໜຶ່ງຖືກເງື່ອນໄຂທໍລະນີໃດໜຶ່ງຈຳກັດ,ນອກນີ້,ເພື່ອປະຢັດຊັບພະຍາກອນນ້ຳ,ນ້ຳທີ່ໃຊ້ແລ້ວຍັງຕ້ອງລະ ບາຍເຂົ້າດິນຄືນໝົດ,ສະນັ້ນ,ຈຶ່ງພຽງແຕ່ໃຊ້ຢູ່ບາງເຂດໄດ້;ແຕ່ເບົ້າແບບທີສອງບໍ່ຖືກເງື່ອນໄຂທໍລະນີກະທົບກະເທືອນ.ອາຄານວິທະຍາສາດເຕັກນິກຮວາເຊ້ຍທີ່ພວກເຮົາຫາກໍ່ກ່າວເຖິງນັ້ນກໍແມ່ນນຳໃຊ້ຄວາມຮ້ອນໃຕ້ດິນດ້ວຍເບົ້າແບບທີສອງ.ທ່ານຮວງຊຸຍຊິນເວົ້າວ່າ: "ໃນເວລາໃຊ້ເບົ້າແບບທີສອງ,ຕ້ອງຂຸດເຈາະສ້າງທີ່ເລິກ100ແມັດຫາ120ແມັດແລະມີເສັ້ນຜ່າກາງ150ມີລີແມັດ,ແລ້ວຝັງທໍ່ຮູບໂຕ U ແບບໝູນວຽນໄວ້ໃນສ້າງ,ໃຊ້ພະລັງໄຟຟ້າປ້ຳນ້ຳໃຫ້ໝູນວຽນໃນທໍ່.ຜ່ານທໍ່ນີ້ແລະອຸປະກອນວິຊາສະເພາະທີ່ກ່ຽວຂ້ອງ,ສາມາດສົ່ງຄວາມຮ້ອນໃນຫ້ອງລົງໄປໃຕ້ດິນໂດຍກົງໃນລະດູຮ້ອນ,ແລະດູດເອົາຄວາມເຢັນໃຕ້ດິນຂຶ້ນມາ;ໃນລະດູໜາວ,ກໍດູດເອົາຄວາມຮ້ອນໃຕ້ດິນຂຶ້ນມາໃນຫ້ອງ,ແລະສົ່ງຄວາມເຢັນໃນຫ້ອງລົງໄປໃຕ້ດິນ,ເຮັດໃຫ້ອຸນຫະພູມໃນຫ້ອງອົບອຸ່ນໃນລະດູໜາວແລະເຢັນສະບາຍໃນລະດູຮ້ອນ."
1 2
|
|
|
