|
|
 |
| (GMT+08:00)
2005-09-30 13:24:34
|
 |
|
ເຕັກນິກປັບອຸນຫະພູມໃນຫ້ອງດ້ວຍຄວາມຮ້ອນໃຕ້ດິນພວມໄດ້ຮັບການເຜີຍແຜ່ຢູ່ຈີນເທື່ອລະກ້າວ(ສຽງ)
cri
Author: zhangshuo
ຫຼາຍປີມານີ້,ໂຮງແຮມ ຕຶກຫ້ອງການແລະຄຸ້ມເຮືອນຢູ່ຈຳນວນໜຶ່ງຂອງປັກກິ່ງລ້ວນແຕ່ໄດ້ນຳໃຊ້ເຕັກນິກປັບອຸນຫະພູມໃນຫ້ອງດ້ວຍຄວາມຮ້ອນໃຕ້ດິນ,ຈຶ່ງສາມາດນຳໃຊ້ສ້າງສະສົມພະລັງງານທີ່ຈໍ່ຕົວຂຶ້ນຢູ່ໃຕ້ດິນຢ່າງທຳມະຊາດມາສະໜອງຄວາມຮ້ອນແລະປັບຄວາມເຢັນ.
ຄຸ້ມເຮືອນຢູ່ເປີຍຢວນທີ່ກິນເນື້ອທີ່ປະມານ9ແສນແມັດຕາຕັ້ງຢູ່ພາກຕາເວັນອອກສຽງເໜືອຂອງນະຄອນປັກກິ່ງ,ແມ່ນຄຸ້ມເຮືອນຢູ່ທີ່ນຳໃຊ້ພະລັງງານຄວາມຮ້ອນໃຕ້ດິນທີ່ກວ້າງກວ່າໝູ່ຢູ່ປັກກິ່ງ.ຄອບຄົວຂອງນາງວາງຢາວແມ່ນຍ້າຍມາຢູ່ຄຸ້ມເຮືອນຢູ່ແຫ່ງນີ້ເມື່ອປີກ່ອນ. ນາງບອກນັກຂ່າວດ້ວຍຄວາມດີອົກດີໃຈວ່າ:"ດຽວນີ້,ຂ້ອຍຢູ່ຄຸ້ມທີຫົກຂອງຄຸ້ມເປີຍຢວນ, ຄຸ້ມເຮົາແມ່ນໃຊ້ຄວາມຮ້ອນໃຕ້ດິນມາສະໜອງຄວາມອົບອຸ່ນແລະປັບຄວາມເຢັນ,ບໍ່ຕ້ອງຕິດຕັ້ງເຄື່ອງປັບອາກາດຢູ່ໃນຫ້ອງ,ສະນັ້ນຈຶ່ງປະຢັດບ່ອນຫຼາຍແລະເຮັດໃຫ້ສະພາບແວດລ້ອມສວຍງາມກວ່າເກົ່າ."
ໃນເວລາໃຫ້ສຳພາດຕໍ່ນັກຂ່າວ,ທ່ານຢັນເຫວີຍຢັ້ນ ນັກວິສະວະກອນໃຫຍ່ຂອງສະຖາບັນເຕັກນິກຢັ່ງແທກທໍລະນີສາດນະຄອນປັກກກິ່ງຊີ້ອອກວ່າ,ຜົນດີທີ່ໃຫຍ່ກວ່າໝູ່ໃນການນຳໃຊ້ຄວາມຮ້ອນໃຕ້ດິນມາປັບອຸນຫະພູມໃນຫ້ອງແມ່ນປະຢັດພະລັງງານ.ທ່ານເວົ້າວ່າ: "ເຄື່ອງປັບອາກາດເຢັນແລະຮ້ອນແມ່ນໃຊ້ຄວາມຮ້ອນໃນອາກາດ,ຄວາມຮ້ອນນີ້ມີຄ່ານຳໃຊ້ບໍ່ສູງປານໃດແມ່ນຍ້ອນວ່າ,ໃນລະດູຮ້ອນ,ອຸນຫະພູມຢູ່ນອກຫ້ອງສູງ30ກວ່າອົງສາ,ຖ້າ ຢາກລະບາຍຄວາມຮ້ອນໃນອຸນຫະພູມສູງປານນີ້,ຕ້ອງສິ້ນເປືອງພະລັງໄຟຟ້າຂ້ອນຂ້າງຫຼາຍ,ແລະມີສະມັດຖະພາບຕ່ຳຫຼາຍ;ໃນລະດູໜາວ,ຢູ່ນອກຫ້ອງທີ່ພາກເໜືອມີອຸນຫະພູມຕ່ຳກວ່າສູນອົງສາ,ບໍ່ມີຄວາມຮ້ອນຫຍັງນຳໃຊ້ໄດ້.ແຕ່ນ້ຳໃຕ້ດິນມີອຸນຫະພູມຄົງທີ່ຕະຫຼອດ ປີ,ມີຜົນດີຕໍ່ການລະບາຍຄວາມຮ້ອນໃນລະດູຮ້ອນ,ທັງມີຜົນດີຕໍ່ການສະໜອງຄວາມຮ້ອນໃນລະດູໜາວ."
ທ່ານຮວາງຊຸຍຊິນ ຜູ້ອຳນວຍການໃຫຍ່ຂອງບໍລິສັດພັດທະນາຄວາມຮ້ອນໃຕ້ດິນຮວາຊິ່ງ ປັກກິ່ງຈຳກັດຊີ້ອອກວ່າ,ການປັບອຸນຫະພູມໃນຫ້ອງດ້ວຍຄວາມຮ້ອນໃຕ້ດິນຍັງມີຜົນດີອີກຢ່າງໜຶ່ງຄືອະນຸລັກສິ່ງແວດລ້ອມ.ເພາະວ່າ,ໃນທົ່ວຂະບວນການນຳໃຊ້,ບໍ່ຕ້ອງເຜົາຖ່ານຫີນຫຼືນ້ຳມັນເຊື້ອໄຟ,ເກືອບບໍ່ໄດ້ລະບາຍສິ່ງເຊື່ອມພິດຫຍັງ.
ປະຈຸບັນນີ້,ແຜນພັດທະນາຄວາມຮ້ອນໃຕ້ດິນໃນສະຕະວັດທີ21ຂອງປັກກິ່ງໄດ້ວາງອອກແລ້ວ,ອີງຕາມແຜນສະບັບນີ້,ພາກສ່ວນທີ່ກ່ຽວຂ້ອງຂອງນະຄອນປັກກິ່ງໄດ້ກຳນົດຫຼາຍ ເຂດທີ່ໂຮມສູນນຳໃຊ້ພະລັງງານຄວາມຮ້ອນໃຕ້ດິນ,ເຂດເຫຼົ່ານີ້ຕົ້ນຕໍລວມທັງຄຸ້ມເປີຍ ຢວນແລະຄຸ້ມວ້າງຈິ່ງເປັນຕົ້ນ,ມີເນື້ອທີ່ກວ້າງ13ລ້ານແມັດຕາຂຶ້ນໄປ.ວັນທີ1ມັງກອນປີ 2006,ຈີນຈະປະກາດໃຊ້ກົດໝາຍວ່າດ້ວຍພະລັງງານທີ່ເກີດໃໝ່ໄດ້ສະບັບທຳອິດຢ່າງເປັນທາງການ.ອີງຕາມຂໍ້ກຳນົດໃນກົດໝາຍສະບັບນີ້,ລັດຖະບານຈີນຈະຕັ້ງກອງທຶນສະເພາະກິດ,ໃຊ້ມາສະໜັບສະໜູນການພັດທະນາແລະນຳໃຊ້ພະລັງງານທີ່ເກີດໃໝ່ໄດ້,ເຕັກ ນິກປັບອຸນຫະພູມໃນຫ້ອງດ້ວຍຄວາມຮ້ອນໃຕ້ດິນກໍຈະໄດ້ຮັບການເຜີຍແຜ່ຕື່ມອີກໃຕ້ການສະໜັບສະໜູນຂອງກົດໝາຍສະບັບນີ້.
1 2
|
|
|
