|
|
 |
| (GMT+08:00)
2005-10-11 15:14:51
|
 |
|
ງານເອັກສໂປຈີນ-ອາຊຽນໄດ້ກາຍເປັນແທ່ນທີ່ໄດ້ຮັບຜົນດີໃນການຮ່ວມມືເສດຖະກິດລະຫວ່າງພາກພື້ນ(ສຽງ)
cri
ການຈັດງານເອັກສໂປຈີນ-ອາຊຽນຈະເຮັດໃຫ້ພໍ່ຄ້າຂອງຈີນ,ອາຊຽນແລະແຫ່ງຕ່າງໆໃນໂລກຜ່ານຈາກງານເອັກສໂປ,ວາງສະແດງຜະລິດຕະພັນ,ຊອກຫາໂອກາດການຄ້າ,ຊຸກຍູ້ການຮ່ວມມືດ້ານການລົງທຶນ,ແລະໄດ້ຮັບຜົນດີຈາກການກໍ່ສ້າງເຂດການຄ້າເສລີ.ສ່ວນການລິເລີ່ມຈັດງານເອັກສໂປຈີນ-ອາຊຽນແມ່ນທ່ານເວິນເຈ່ຍປາວ ນາຍົກລັດຖະມົນຕີຈີນເປັນຜູ້ສະເໜີອອກມາກ່ອນເພິ່ນໃນກອງປະຊຸມຜູ້ນຳຈີນ-ອາຊຽນຄື10+1ຄັ້ງທີ7ທີ່ຈັດຂຶ້ນຢູ່ເກາະບາລີແຫ່ງອິນໂດເນເຊຍ.
ງານເອັກສໂປຈີນ-ອາຊຽນຄັ້ງປະຖົມມະເລີກໄດ້ຈັດຂຶ້ນຢູ່ນະຄອນນານນິງເຂດກວາງຊີໃນປີກາຍນີ້.ນີ້ແມ່ນງານໃຫຍ່ໂຕມະໂຫລານເທື່ອໜຶ່ງທີ່ມີລະດັບສູງສຸດລະຫວ່າງຈີນກັບປະເທດອາຊຽນ.ມັນໄດ້ສະໜອງແທ່ນທີ່ບັງເກີດຜົນໃຫ້ແກ່ຈີນອາຊຽນດຳເນີນການຮ່ວມມືຍາວນານ.ທ່ານເຈິ້ງຈິ່ນຈ້ຽນ ຮອງເຈົ້າຄອງນະຄອນນານນິງສະເໜີໃຫ້ຮູ້ວ່າ:
"ໃນງານເອັກສໂປຈີນ-ອາຊຽນຄັ້ງປະຖົມມະເລີກມີ1505ວິສາຫະກິດເຂົ້າຮ່ວມ,ພໍ່ຄ້າທີ່ເຂົ້າຮ່ວມກໍມີເຖິງ2ໝື່ນກວ່າຄົນ.ມູນຄ່າການຄ້າສິນຄ້າທີ່ໄດ້ຕົກລົງຊື້ຂາຍກັນກໍບັນລຸ1ຕື້84ລ້ານໂດລາ,ເຊັນໂຄງການລົງທຶນຮ່ວມມືກັບຕ່າງປະເທດ129ໂຄງການ,ຍອດມູນຄ່າໃນຂໍ້ຜູກພັນມີເຖິງ4ຕື້978ລ້ານໂດລາ."
ຕົວເລກເຫຼົ່ານີ້ສະແດງໃຫ້ເຫັນວ່າ,ງານເອັກສໂປຈີນ-ອາຊຽນໄດ້ຊຸກຍູ້ການຮ່ວມມືເສດຖະກິດການຄ້າລະຫວ່າງວິສາຫະກິດ ຈີນອາຊຽນຂະຫຍາຍລົງສູ່ລວງເລິກ,ຕິດແທດຕົວຈິງແລະຂຶ້ນສູ່ລະດັບສູງກວ່າເກົ່າ.ໝາກຜົນອັນອຸດົມສົມບູນຂອງງານເອັກສໂປຄັ້ງປະຖົມມະເລີກໄດ້ເຮັດໃຫ້ຜູ້ນຳບັນດາປະເທດອາຊຽນເຕັມໄປດ້ວຍຄວາມຄອງຄອຍຕໍ່ການເຂົ້າຮ່ວມງານເອັກສໂປຈີນ-ອາຊຽນຄັ້ງທີສອງ.ເດືອນກໍລະກົດປີນີ້,ໃນໄລຍະເຂົ້າຮ່ວມກອງປະຊຸມຜູ້ນຳອະນຸພາກພື້ນແມ່ນ້ຳຂອງກ່ຽວກັບການຮ່ວມມືເສດຖະກິດຄັ້ງທີສອງທີ່ຈັດຂຶ້ນຢູ່ນະຄອນຄຸນມິງແຂວງຢຸນນານຈີນ, ທ່ານບຸນຍັງວໍລະຈິດ ນາຍົກລັດຖະມົນຕີລາວ, ທ່ານທັກສິນຊິນນະວັດ ນາຍົກລັດຖະມົນຕີໄທ,ທ່ານຮຸນແຊນ ນາຍົກລັດຖະມົນຕີກຳປູເຈຍ,ທ່ານຟານວັນຂ້າຍ ນາຍົກລັດຖະມົນຕີຫວຽດນາມ,ທ່ານໂຊວິນ ນາຍົກລັດຖະມົນຕີມຽນມາເປັນຕົ້ນຕ່າງໄດ້ກ່າວວ່າຈະແຕ່ງ ຄະນະຜູ້ແທນຊັ້ນສູງເຂົ້າຮ່ວມງານເອັກສໂປຈີນ-ອາຊຽນຄັ້ງທີສອງ,ແລະສະໜັບສະໜູນພໍ່ຄ້າຫຼາຍກວ່າເກົ່າເຂົ້າຮ່ວມງານວາງສະແດງ.ພາຍຫຼັງຈີນອາຊຽນປະຕິບັດແຜນການຫຼຸດພາສີຢູ່ເຂດການຄ້າເສລີແລ້ວ,ງານເອັກສໂປຈີນ-ອາຊຽນຄັ້ງທີສອງທີ່ຈະໄຂຂຶ້ນໃນໄວໆນີ້ກໍຈະກາຍເປັນແທ່ນທີ່ດີທີ່ສຸດສຳລັບຊື້ຂາຍສິນຄ້າທີ່ໄດ້ ຫຼຸດພາສີຢູ່ເຂດການຄ້າເສລີ,ມັນໄດ້ກະຕຸກໃຫ້ວິສາຫະກິດທີ່ມີຊື່ສຽງຂອງຈີນ,ອາຊຽນແລະປະເທດອື່ນໆໃນອາຊີຈົນກະທັ້ງວິສາຫະກິດທີ່ມີຊື່ສຽງຂອງໂລກມີຄວາມຫ້າວຫັນມາເຂົ້າຮ່ວມງານວາງສະແດງ,ພໍ່ຄ້າທີ່ມາເຂົ້າຮ່ວມງານວາງສະແດງປີນີ້ຈະຫຼາຍກວ່າປີກາຍຢ່າງຫຼວງຫຼາຍ.
ທ່ານເຈີ້ງຈິ່ນຈ້ຽນ ຮອງເຈົ້າຄອງນະຄອນນານນິງກ່າວວ່າ,"ປັດຈຸບັນ,ໄດ້ມີພໍ່ຄ້າຈັດຊື້ຂອງຂອງອາຊຽນ,ຍີ່ປຸ່ນແລະສ.ເກົາຫຼີກວ່າ3ພັນຄົນກ່າວວ່າຈະມາຮ່ວມງານວາງສະແດງ,ໂຄງການລົງທຶນຂອງປະເທດອື່ນໆໃນອາຊຽນມີ700ກວ່າໂຄງການ,ໃນນັ້ນ,ອິນໂດເນເຊຍມີ100ໂຄງການ,ຫວຽດນາມມີ138ໂຄງການ,ບຼູໄນມີ10ໂຄງການ,ໄທມີ12ໂຄງການ,ກຳປູເຈຍມີ12ໂຄງ ການ,ຟີລິບປິນມີ69ໂຄງການ,ມາເລເຊຍມີ6ໂຄງການ."
ເມື່ອງານເອັກສໂປຈີນ-ອາຊຽນຄັ້ງປະຖົມມະເລີກໄດ້ຮັບຜົນສຳເລັດແລ້ວ,ເຖິງວ່າບັນດາປະເທດອາຊຽນ,ວົງການການຄ້າແລະເຂດກວາງຊີຈີນທີ່ເປັນ ຝ່າຍເຈົ້າພາບຈັດງານໄດ້ມີຄວາມຄອງຄອຍທີ່ຕ່າງກັນຕໍ່ງານເອັກສໂປຈີນ-ອາຊຽນຄັ້ງທີສອງ,ແຕ່ວ່າຈີນແລະບັນດາປະເທດອາຊຽນໄດ້ມີຄວາມປາດຖະໜາແລະຄວາມໝັ້ນໃຈທີ່ເປັນເອກະສັນກັນຕໍ່ການຊຸກຍູ້ການຮ່ວມມືເສດຖະກິດການຄ້າຂອງອາຊີແລະການພັດທະນາພ້ອມກັນຂອງພາກພື້ນ.
1 2
|
|
|
