|
|
 |
| (GMT+08:00)
2005-10-18 11:28:34
|
 |
|
ສູນເຄື່ອນໄຫວສຸກເສີນຂອງນະຄອນນານນິງເຂດກວາງຊີ
cri
ທ່ານຊືຈີ່ຟູ ຮອງເລຂາສູນເຄື່ອນໄຫວສຸກເສີນແນະນຳວ່າ:ກ່ອນນະຄອນນານນິງສ້າງຕັ້ງລະບົບເຄື່ອນໄຫວສຸກເສີນ,ເບີໂທຫາຕຳຫຼວດ4ເບີຄືເບີ110,119,120,122,ແຕ່ລະມື້ໄດ້ຮັບ ບໍ່ຮອດ1000ເທື່ອ,ພາຍຫຼັງໄດ້ໃຊ້ລະບົບດັ່ງກ່າວແລ້ວ,ຍ້ອນວ່າມີຄວາມສາມາດຊຳລະເຫດການໄດ້ຍົກສູງຂຶ້ນ,ສູນເຄື່ອນໄຫວສຸກເສີນໄດ້ຮັບໂທລະສັບ ສະເລ່ຍແລ້ວມີເຖິງ 5700ກວ່າເທື່ອຕໍ່ມື້.ຮອດວັນທີ20ກໍລະກົດປີ2005,ໄດ້ຊຳລະເຫດການ ຊະນິດຕ່າງໆຕັ້ງ5ແສນ2ໝື່ນກວ່າລາຍ.
ທ່ານຊືຈີ່ຟູ ກ່າວວ່າ:ຍ້ອນວ່າລະບົບເຄື່ອນໄຫວສຸກເສີນໄດ້ຊົມໃຊ້ຊັບພະຍາກອນນຳກັນ,ແລະໃຊ້ອຸປະກອນແລະພາຫະນະບັນຊາທີ່ທັນສະໄໝ,ຈິ່ງເຮັດໃຫ້ລະດັບຄຸ້ມຄອງແລະປົວແປງສັງລວມດ້ານຄວາມປອດໄພຂອງເມືອງນານນິງໄດ້ກ້າວຂຶ້ນສູ່ລະດັບສູງໃໝ່,ສະໜອງສິ່ງຄ້ຳປະກັນໃຫ້ແກ່ການເຄື່ອນໄຫວຂະໜາດໃຫຍ່ ຊະນິດຕ່າງໆທີ່ຈັດຂຶ້ນຢູ່ນານນິງ.ຕົວຢ່າງຄື,ນະຄອນນານນິງໄດ້ຈັດງານເອັກສໂປຈີນ-ອາຊຽນຄັ້ງປະຖົມມະເລີກໃນປີກາຍນີ້,ລະບົບເຄື່ອນໄຫວສຸກເສີນໄດ້ເສີມຂະຫຍາຍບົດບາດທີ່ປະຕິເສດບໍ່ໄດ້.ທ່ານກ່າວວ່າ:
"ປີກາຍນີ້,ພວກຂ້າພະເຈົ້າໄດ້ຕ້ອນຮັບລັດຖະມົນຕີຂອງປະເທດຕ່າງໆເຊັ່ນຈີນ, ອາຊຽນເປັນຕົ້ນລວມ166ທ່ານ,ແລະປະມຸກລັດຂອງປະເທດຈຳນວນໜຶ່ງ.ພວກຂ້າພະເຈົ້າກໍແມ່ນໃຊ້ລະບົບນີ້,ໄດ້ຮັບຜົນດີທີ່ສຸດ.ປີນີ້,ພວກຂ້າພະເຈົ້າຈະເພີ່ມທະວີການກໍ່ສ້າງລະບົບນີ້ຢ່າງຮອບດ້ານ,ປີນີ້,ພວກຂ້າພະເຈົ້າຍິ່ງມີຄວາມໝັ້ນໃຈໃນການຮັບປະກັນຄວາມປອດໄພໃນໄລຍະຈັດງານເອັກສໂປຈີນ-ອາຊຽນຄັ້ງທີສອງ,ກ່ອນແລະຫຼັງກອງປະຊຸມ,ພ້ອມດ້ວຍຄວາມປອດໄພຂອງນະຄອນນານນິງ."
ຕາມໄດ້ຊາບ,ເພື່ອບໍລິການຊາວຕ່າງປະເທດທີ່ອາໄສຢູ່ນະຄອນນານນິງໃຫ້ດີກວ່າເກົ່າ,ນອກຈາກມີການຮັບປະກັນດ້ານຮາດແວແລ້ວ,ສູນເຄື່ອນໄຫວສຸກເສີນຂອງນະຄອນນານນິງຍັງໄດ້ເພີ່ມທະວີການກໍ່ສ້າງດ້ານຊອບແວ,ນັ້ນກໍຄືຈັດໃຫ້ມີການບໍລິການແຈ້ງເຫດດ້ວຍພາສາຕ່າງປະເທດ.ນອກຈາກ ການບໍລິການແຈ້ງເຫດດ້ວຍພາສາອັງກິດແລ້ວ,ຍັງໄດ້ຕັ້ງສູນບໍລິການລູກຄ້າໂດຍສະເພາະໃນງານເອັກສໂປຈີນ-ອາຊຽນ,ຜ່ານຈາກໂທລະສັບສາຍດ່ວນ,ຂໍ້ຄວາມສັ້ນມືຖື,ເວັບໄຊອິນເຕີເນັດເປັນຕົ້ນ,ສະໜອງການບໍລິການທີ່ກ່ຽວຂ້ອງກັບງານເອັກສໂປຈີນ-ອາຊຽນໃຫ້ແກ່ມວນຊົນທັງຫຼາຍ.
ນາງເຮີສຽວມິງ ຜູ້ອຳນວຍການສູນບໍລິການລູກຄ້າຂອງສູນເຄື່ອນໄຫວສຸກເສີນບອກນັກຂ່າວວ່າ,ໃນງານເອັກສໂປຈີນ-ອາຊຽນຄັ້ງປະຖົມມະເລີກທີ່ຈັດຂຶ້ນເມື່ອເດືອນພະຈິກປີກາຍນີ້,ສູນບໍລິການລູກຄ້າໄດ້ຮັບສະໝັກເອົາຊາວໜຸ່ມອາສາສະໝັກທີ່ຮຽນພາສາຂອງບັນດາປະເທດອາຊີອາຄະເນຈຳນວນຫຼວງຫຼາຍ,ຍັງໄດ້ເຊີນຜູ່ຊ່ຽວຊານອະວຸໂສດ້ານພາສາຈຳນວນໜຶ່ງມາຮັບຟັງໂທລະສັບຂອງພໍ່ຄ້າ10ປະເທດອາຊຽນໂດຍຈຳເພາະ.ທ່ານມາຮາເຕຍ ອະດີດປະທານາທິບໍດີມາເລເຊຍກໍເຄີຍໄດ້ໂທລະສັບມາປຶກສານຳສູນບໍລິການ.ເພື່ອແກ້ໄຂບັນຫາຜູ່ຮັບສາຍບໍ່ພໍ,ສາຍບໍ່ຫວ່າງ,ສູນບໍລິການລູກຄ້າຍັງໄດ້ຈັດໃຫ້ມີສາຍໂທລະຫວ່າງສາມຝ່າຍ.ຄື,ຖ້າມີພໍ່ຄ້າອາຊຽນໂທເຂົ້າມາ,ຄ້ອມພໍດີສາຍບໍ່ຫວ່າງຜູ້ຮັບສາຍກໍຕໍ່ສາຍໄປຫາໂທລະສັບພາຍນອກ,ໃຫ້ພໍ່ຄ້າດັ່ງກ່າວລົມກັບຜູ້ອາສາສະໝັກຫຼືຜູ້ຊ່ຽວຊານທີ່ຮູ້ພາສາຂອງເພິ່ນ.
1 2
|
|
|
