|
ໃນເດືອນແລ້ວນີ້,ກົດຂໍ້ກຳນົດກ່ຽວກັບການຄຸ້ມຄອງການຈຳໜ່າຍໂດຍກົງແລະກົດຂໍ້ກຳນົດກ່ຽວກັບການເກືອດຫ້າມການຈຳໜ່າຍແບບທາດປີລະມິດທີ່ວົງການການຈຳໜ່າຍເອົາໃຈໃສ່ໂດຍຕະຫຼອດນັ້ນໄດ້ປະກາດຢ່າງເປັນທາງການແລ້ວ.ນີ້ໝາຍຄວາມວ່າ,ກິດຈະການການຈຳໜ່າຍໂດຍກົງທີ່ຈີນເກືອດຫ້າມ7ປີແລ້ວນັ້ນຈະໄຂປະຕູຕໍ່ນັກທຸລະກິດຈີນແລະຕ່າງປະເທດໃນໄວໆນີ້.
ໃນຊຸມປີ40ສະຕະວັດທີ່ແລ້ວ,ບໍລິສັດຜະລິດເຄື່ອງບຳລຸງຮ່າງກາຍແຫ່ງໜຶ່ງຂອງອາເມລິກາໄດ້ໃຊ້ເບົ້າແບບໃໝ່ຊະນິດໜຶ່ງຈຳໜ່າຍສິນຄ້າ,ຄືຜູ່ຈຳໜ່າຍສິນຄ້າຜູ່ໜຶ່ງ,ທະແນມແຕ່ຊອກໄດ້ຄົນຈຳນວນໜຶ່ງມາຊ່ອຍເຂົາຈຳໜ່າຍ,ກໍຈະໄດ້ຮັບລາງວັນ,ພ້ອມກັນນັ້ນ,ທາງບໍລິສັດຍັງຈະໃຫ້ເປີເຊັນຕາມມູນຄ່າຈຳໜ່າຍທີ່ເພີ່ມຕື່ມນັ້ນໃຫ້ຜູ່ຈຳໜ່າຍ.ເບົ້າແບບຈຳໜ່າຍທີ່ບໍ່ຕັ້ງຮ້ານຄ້າ,ອາໄສແຕ່ຜູ່ຈຳໜ່າຍຂາຍສິນຄ້າໃຫ້ລູກຄ້າແບບໜ້າຕໍ່ໜ້າແນວນີ້ຖືກເອີ້ນເປັນການຈຳໜ່າຍໂດຍກົງ.
ປີ1990,ການຈຳໜ່າຍໂດຍກົງໄດ້ເຜີຍແຜ່ເຂົ້າຈີນ,ຕໍ່ຈາກນັ້ນບໍ່ເທົ່າໃດປີ,ຂະແໜງການຈຳໜ່າຍໂດຍກົງຂອງຈີນໄດ້ປະກົດມີສະພາບຮຸ່ງເຮືອງ,ແຕ່ວ່າໃນເບື້ອງຫຼັງສະພາບຮຸ່ງເຮືອງດັ່ງກ່າວກໍໄດ້ມີວິກິດການແຝງຊ້ອນຢູ່.ມີຄົນບໍ່ດີຈຳນວນໜຶ່ງໄດ້ຖືການຈຳໜ່າຍໂດຍກົງເປັນຄັນຕາລະບັດ,ສວຍໃຊ້ຄົນຈຳນວນໜຶ່ງມີຄວາມປາຖະໜາຢາກຮັ່ງມີຂຶ້ນໃນເວລາ ສັ້ນໆ,ໃນເວລາຈຳໜ່າຍສິນຄ້ານັ້ນ,ບໍ່ແມ່ນຖືການຈຳໜ່າຍສິນຄ້າເປັນຈຸດປະສົງ,ຫາກແມ່ນຮັບເອົາຄົນເຂົ້າໃນຕາໜ່າງຈຳໜ່າຍຢ່າງບໍ່ຢຸດຢັ້ງ,ເພື່ອບັນລຸເປົ້າໝາຍທີ່ຫຼອກຕົ້ມເອົາເງິນ.ວິທີຫຼອກເອົາເງິນແນວນີ້, ຢູ່ຕ່າງປະເທດ,ຖືກເອີ້ນເປັນການຈຳໜ່າຍແບບທາດປີລະມິດ,ເຊິ່ງຫຼາຍປະເທດເກືອດຫ້າມ.ທາດແທ້ຂອງການຈຳໜ່າຍຢ່າງຜິດກົດໝາຍດັ່ງກ່າວແມ່ນລາຍໄດ້ຂອງຜູ່ຈຳໜ່າຍສ່ວນຫຼາຍບໍ່ແມ່ນໄດ້ມາຈາກຜົນງານຈຳໜ່າຍຂອງເຂົາ,ຫາກແມ່ນໄດ້ມາຈາກຜົນງານ ຂົນຂວາຍຂະຫຍາຍຜູ່ຂາຍຕໍ່ຢູ່ຂັ້ນລຸ່ມ,ອົງການຈຳໜ່າຍແບບນີ້ບໍ່ເອົາຫົວຊານຳການຂາຍສິນຄ້າຫຍັງ,ແລະຂາຍໄດ້ຫຼາຍເທົ່າໃດ,ເນັ້ນໜັກແຕ່ເລື່ອງຕົວະຄົນເຂົ້າສູ່ຕາໜ່າງຈຳໜ່າຍຫຼາຍເທົ່າໃດຍິ່ງດີ.
ທ່ານອູຢ້ຽນ ຫົວໜ້າພະແນກໂຈມຕີການຈຳໜ່າຍແບບທາດປີລະມິດກົມການຄ້າຍຸດຕິທຳກົມໃຫຍ່ຄຸ້ມຄອງອຸດສາຫະກຳການຄ້າແຫ່ງຊາດຈີນແນະນຳວ່າ,ຍ້ອນການຈຳໜ່າຍແບບດັ່ງກ່າວໄດ້ທຳລາຍຄວາມເປັນລະບຽບຂອງຕະຫຼາດຈຳໜ່າຍໂດຍກົງຢ່າງໜັກໜ່ວງ,ປີ1998,ຈີນໄດ້ອອກປະກາດ ກ່ຽວກັບການເກືອດຫ້າມການເຄື່ອນໄຫວຈຳໜ່າຍແບບທາດປີລະມິດ,ບໍ່ວ່າຈະແມ່ນການຈຳໜ່າຍໂດຍກົງທີ່ເປັນແບບສະບັບຫຼືແມ່ນການຈຳໜ່າຍແບບທາດປີລະມິດທີ່ຜິດກົດໝາຍ,ລ້ວນແຕ່ເກືອດຫ້າມໝົດ.
"ການຈຳໜ່າຍແບບທາດປີລະມິດທີ່ຜິດກົດໝາຍໄດ້ນຳເອົາຜົນອັນຕະລາຍບໍ່ໜ້ອຍມາສູ່ປະເທດພວກຂ້າພະເຈົ້າ,ພາຍຫຼັງລັດຖະບານໄດ້ອອກປະກາດກ່ຽວກັບການເກືອດຫ້າມການຈຳໜ່າຍແບບທາດປີລະມິດໃນປີ1998ແລ້ວ,ໃນຫຼາຍປີມານີ້,ປີໃດ,ພວກຂ້າພະເຈົ້າກໍໄດ້ຈັດການເຄື່ອນໄຫວລາຍຈຳເພາະເພື່ອໂຈມຕີການຈຳໜ່າຍທີ່ຜິດກົດໝາຍດັ່ງກ່າວ"
1 2
|
