|
|
 |
| (GMT+08:00)
2005-11-01 21:24:15
|
 |
|
ຈີນໄຂປະຕູຈຳໜ່າຍໂດຍກົງ(ສຽງ)
cri
ໃນບໍ່ເທົ່າໃດປີມານີ້,ຄຽງຄູ່ກັບການບໍລິໂພກຂອງຄົນຈີນໄດ້ມີຫຼາຍຮູບຫຼາຍແບບ,ຢູ່ຕະຫຼາດຈີນໄດ້ມີຄວາມ ຕ້ອງການຫຼາຍສົມຄວນຕໍ່ທຸລະການຈຳໜ່າຍໂດຍກົງຢ່າງເປັນປົກກະຕິ.ພ້ອມກັນນັ້ນ,ອີງຕາມຄຳໝັ້ນສັນຍາໃນເວລາເຂົ້າເປັນສະມາຊິກອົງການການຄ້າໂລກ,ຈີນຕ້ອງເປີດທຸລະການການຈຳໜ່າຍໂດຍກົງຕໍ່ພາຍນອກເລີ່ມແຕ່ທ້າຍປີ2005ເປັນຕົ້ນໄປ.ພາຍໃຕ້ເບື້ອງຫຼັງດັ່ງກ່າວ,ພາກສ່ວນທີ່ກ່ຽວຂ້ອງຂອງຈີນໄດ້ວາງກົດຂໍ້ກຳນົດກ່ຽວກັບການຄຸ້ມຄອງການຈຳໜ່າຍໂດຍກົງແລະກົດຂໍ້ກຳນົດກ່ຽວກັບການເກືອດຫ້າມການຈຳໜ່າຍແບບທາດປີລະມິດ,ເພື່ອເຮັດໃຫ້ທຸລະການຈຳໜ່າຍໂດຍກົງທີ່ຈະຖືກຍົກເລີກການເກືອດຫ້າມໃນພາຍໜ້າບໍ່ດົນນັ້ນເປັນແບບສະບັບ.
ກົດຂໍ້ກຳນົດສອງສະບັບນີ້,ໜຶ່ງໄດ້ກຳນົດນິຍາມຂອງການຈຳໜ່າຍໂດຍກົງຢ່າງຈະແຈ້ງ.ນີ້ກໍແມ່ນການຈຳໜ່າຍໂດຍກົງແມ່ນໝາຍເຖິງຮູບການທຸລະການຈຳໜ່າຍທີ່ວິສາຫະກິດຈຳໜ່າຍໂດຍກົງສະໝັກຮັບເອົາຜູ່ຈຳໜ່າຍ,ໃຫ້ຜູ່ຈຳໜ່າຍຂາຍຜະລິດຕະພັນໃຫ້ຜູ່ບໍລິໂພກໂດຍກົງຢູ່ນອກສະຖານທີ່ທຸລະການຄົງທີ່.ສອງ,ກົດຂໍ້ກຳນົດໄດ້ວາງມາດຖານສູງສົມຄວນຕໍ່ການອະນຸມັດວິສາຫະກິດຈຳໜ່າຍໂດຍກົງ.ຕົວຢ່າງຄື,ທຶນຈົດທະບຽນບໍ່ຕ່ຳກວ່າ80ລ້ານຢວນ,ໃນເມື່ອຫົວທີຕັ້ງບໍລິສັດນັ້ນ,ຕ້ອງຝາກຄ່າຮັບປະກັນ20ລ້ານຢວນຢູ່ໃນທະນາຄານທີ່ກຳນົດໄວ້,ແລະຕ້ອງມີລະບອບເຜີຍແຜ່ຂໍ້ມູນຂ່າວສານເປັນຕົ້ນ.
ໃນກົດຂໍ້ກຳນົດສະບັບໃໝ່,ການກຳນົດທີ່ເປັນແກນກາງທີ່ສຸດແມ່ນ,ວິສາຫະກິດຈຳໜ່າຍໂດຍກົງຈ່າຍຄ່າຕອບແທນໃຫ້ຜູ່ຈຳໜ່າຍ,ຕ້ອງຄິດໄລ່ຕາມລາຍໄດ້ຂອງຜູ່ຈຳໜ່າຍທີ່ໄດ້ມາຈາກຜົນງານຈຳໜ່າຍຜະລິດຕະພັນໃຫ້ຜູ່ບໍລິໂພກໂດຍກົງເທົ່ານັ້ນ,ຍອດຄ່າຕອບແທນບໍ່ໃຫ້ຫຼາຍກວ່າ30%ຂອງລາຍໄດ້ທີ່ໄດ້ມາຈາກການຈຳໜ່າຍຜະລິດຕະພັນໃຫ້ຜູ່ບໍລິໂພກໂດຍກົງ.ນີ້ໝາຍຄວາມວ່າ,ຄ່າຕອບແທນທີ່ຂະຫຍາຍຖັນແຖວຈຳໜ່າຍຂັ້ນລຸ່ມ,ຊັກຊວນຄົນເຂົ້າຕາໜ່າງຈຳໜ່າຍນັ້ນຖືກເກືອດຫ້າມຢ່າງຮອບດ້ານ,ທະແນມແຕ່ແມ່ນຄິດໄລ່ຄ່າຕອບແທນຕາມຜົນງານຂະຫຍາຍຜູ່ຈຳໜ່າຍຂັ້ນລຸ່ມ ນັ້ນ,ກໍຖືເປັນການຈຳໜ່າຍແບບທາດປີລະມິດ.
ທ່ານຢາງຊຽນ ຜູ່ຊ່ຽວຊານອະວຸໂສທີ່ຄົ້ນຄວ້າການຈຳໜ່າຍໂດຍກົງຂອງຈີນກ່າວວ່າ: "ພາຍຫຼັງໄດ້ປະກາດກົດຂໍ້ກຳນົດສອງສະບັບແລ້ວ,ເວົ້າສຳລັບທົ່ວວົງການວິສາຫະກິດແລະຜູ່ຈຳໜ່າຍໂດຍກົງແລ້ວ,ພວກເຂົາເຈົ້າກໍໄດ້ມີມາດຖານແລະຫຼັກອ້າງອີງໃນການເລືອກເອົາການຈຳໜ່າຍ."
ຍ້ອນວ່າມີຄວາມຈຳກັດອັນເຄັ່ງຄັດ,ທຸລະການການຈຳໜ່າຍໂດຍກົງໃນອະນາຄົດຈະບໍ່ມີຄວາມດຶງດູດຫຼາຍຄືແຕ່ກ່ອນ,ເຖິງຈະເປັນແນວນີ້ກໍຕາມ,ແຕ່ຍັງຄົງມີຄົນບໍ່ໜ້ອຍໄດ້ປ່ຽມລົ້ນໄປດ້ວຍຄວາມໝັ້ນໃຈຕໍ່ພາບອະນາຄົດແຫ່ງການຈຳໜ່າຍໂດຍກົງ.ທ່ານລິວຊິນ ແມ່ນຊ່າງອັດສຽງຂອງສະຖານີວິທະຍຸແຫ່ງໜຶ່ງ,ເຖິງວ່າເງິນເດືອນຂອງທ່ານຫຼາຍສົມຄວນ,ແຕ່ຫວ່າງກ່ອນນີ້ບໍ່ດົນ,ທ່ານ ໄດ້ຂໍລາອອກຈາກຕຳແໜ່ງ,ຈະປ່ຽນອາຊີບໃໝ່,ຄືການຈຳໜ່າຍໂດຍກົງ.ທ່ານລິວຊິນກ່າວວ່າ,ກ່ອນຕັດສິນໃຈລາອອກຈາກຕຳແໜ່ງ,ທ່ານໄດ້ຄອຍຖ້າກົດຂໍ້ກຳນົດກ່ຽວກັບການຄຸ້ມຄອງການຈຳໜ່າຍໂດຍກົງນັ້ນໂດຍຕະຫຼອດ.ຕາມທ່ານເຫັນວ່າ,ຂະແໜງການການຈຳໜ່າຍໂດຍກົງຍັງຄົງມີໂອກາດບໍ່ໜ້ອຍ:
"ຂ້າພະເຈົ້າປະກົດເຫັນວ່າ,ການຈຳໜ່າຍໂດຍກົງໄດ້ສອດຄ່ອງກັບທ່າອ່ຽງຂະຫຍາຍໃນຫຼາຍດ້ານ.ຕົວຢ່າງຄືການບໍລິການທີ່ມີເອກະລັກ.ຂ້າພະເຈົ້າຄິດວ່າເຮັດການຈຳໜ່າຍໂດຍກົງຈະໄດ້ກຳໄລ."
ຕາມໄດ້ຊາບ, ກົດຂໍ້ກຳນົດກ່ຽວກັບການຄຸ້ມຄອງການຈຳໜ່າຍໂດຍກົງແລະກົດຂໍ້ກຳນົດກ່ຽວກັບການເກືອດຫ້າມການຈຳໜ່າຍແບບທາດປີລະມິດຕ່າງຈະມີຜົນບັງຄັບໃຊ້ໃນວັນທີ1ພະຈິກແລະວັນທີ1ທັນວາປີນີ້.ຍ້ອນວ່າກົດຂໍ້ກຳນົດໄດ້ລະບຸໄວ້ວ່າ,ລະບຽບການອະນຸມັດການຈຳໜ່າຍໂດຍກົງຕ້ອງການເວລາ90ມື້ ລັດຖະການ,ກະວ່າ,ວິສາຫະກິດຈຳໜ່າຍໂດຍກົງ,ໄວທີ່ສຸດ,ຕ້ອງຖ້າຮອດເດືອນມີນາປີໜ້າຈິ່ງຈະໄດ້ຮັບໃບອະນຸຍາດຈຳໜ່າຍໂດຍກົງ ງວດທຳອິດ ຂອງຈີນ.
1 2
|
|
|
