|
ຫວ່າງມໍ່ໆນີ້,ອົງການນິຕິບັນຍັດຂອງຈີນໄດ້ຜ່ານຮັບຮອງຍັດຕິດັດແກ້ກົດໝາຍວ່າດ້ວຍອາກອນລາຍໄດ້ສ່ວນຕົວ ດ້ວຍຄະແນນສຽງ ຖ້ວມທົ້ນ.ນີ້ແມ່ນການດັດແກ້ທີ່ສຳຄັນກວ່າໝູ່ແຕ່ຈີນປະຕິບັດກົດໝາຍອາກອນລາຍໄດ້ສ່ວນຕົວໃນປີ1980ມານີ້.ເນື້ອໃນແກນກາງແມ່ນຍົກສູງມາດຖານລາຍໄດ້ສ່ວນຕົວທີ່ບໍ່ຕ້ອງເສຍອາກອນ,ຄືເສັ້ນພື້ນຖານເກັບອາກອນໄດ້ເພີ່ມຂຶ້ນຈາກ800ຢວນຕໍ່ເດືອນທີ່ປະຕິບັດໃນປັດຈຸບັນເປັນ1600ຢວນ.ບຸກຄົນພາຍໃນຂະແໜງການເຫັນວ່າ,ການປ່ຽນແປງຂອງຕົວເລກດັ່ງກ່າວໄດ້ເພີ່ມທະວີສັບພະຄຸນຂອງອາກອນລາຍໄດ້ສ່ວນຕົວບຸກຄົນໃນການດັດສົມການແຈກຢາຍລາຍໄດ້,ມັນຈະນຳເອົາຜົນສະທ້ອນສຳຄັນມາສູ່ຊີວິດເສດຖະກິດຂອງທຸກຊັ້ນຄົນໃນສັງຄົມຈີນ.
ເວົ້າສຳລັບຊັ້ນຊົນທີ່ກິນເງິນເດືອນຂອງຈີນແລ້ວ,ເລື່ອງທີ່ພວກເຂົາເຈົ້າສົນໃຈທີ່ສຸດໃນໄລຍະມໍ່ໆມານີ້ແມ່ນອົງການນິຕິບັນຍັດຂອງຈີນໄດ້ສຳຫຼວດພິຈາລະນາແລະຜ່ານຮັບຮອງ ຍັດຕິດັດແກ້ກົດໝາຍວ່າດ້ວຍອາກອນລາຍໄດ້ສ່ວນຕົວ ໃນວັນທີ27ຕຸລາ.ອີງຕາມກົດໝາຍທີ່ດັດແກ້ໃໝ່ດັ່ງກ່າວ,ເລີ່ມແຕ່ປີໜ້າເປັນຕົ້ນໄປ,ພາຍໃນຂອບເຂດທົ່ວປະເທດຈີນ,ພາກສ່ວນເກັບສ່ວຍສາອາກອນຂອງຈີນຈະຍົກສູງມາດຖານລາຍໄດ້ສ່ວນຕົວທີ່ບໍ່ຕ້ອງເສຍອາກອນ,ເຊິ່ງກໍຄືເສັ້ນພື້ນຖານເກັບອາກອນທີ່ມວນຊົນຈີນເວົ້ານັ້ນຈະເພີ່ມຂຶ້ນ ຈາກ800ຢວນຕໍ່ເດືອນໃນປັດຈຸບັນຮອດ1600ຢວນ.ການສັບຊ້ອນດັ່ງກ່າວໄດ້ຮັບຄວາມຊົມເຊີຍຈາກຜູ່ມີລາຍໄດ້ຕ່ຳແລະລາຍໄດ້ຜ້ານກາງອັນໄພສານຂອງຈີນ.
ນາງເສິນເຢ້ຊິ້ວ ອາໄສຢູ່ແຂວງຊ່ານຊີ ພາກເໜືອຂອງຈີນ,ມີລາຍໄດ້ປະມານ1700ຢວນຕໍ່ເດືອນ,ນາງສະໜັບສະໜູນລັດຖະບານດັດແກ້ກົດໝາຍອາກອນລາຍໄດ້ສ່ວນຕົວ.ນາງເວົ້າວ່າ, ເສັ້ນພື້ນຖານເກັບອາກອນລາຍໄດ້ສ່ວນຕົວສູງຂຶ້ນ,ເວົ້າສຳລັບຜູ່ທີ່ມີລາຍໄດ້ຕ່ຳແລະຜ້ານກາງຄືນາງແລ້ວ,ກໍໝາຍຄວາມວ່າລັດໄດ້ຫຼຸດອາກອນໃຫ້.ນາງໄລ່ໃຫ້ນັກຂ່າວຟັງວ່າ:
"ລາຍໄດ້ແຕ່ລະເດືອນຂອງຂ້າພະເຈົ້າມີຫຼາຍກວ່າເຄິ່ງໜຶ່ງແມ່ນຈ່າຍຄ່າເຮືອນທີ່ກູ້ນຳທະນາຄານ,ບວກກັບຄ່າໂທລະສັບ,ຄ່າລົດລາເປັນຕົ້ນ,ກໍເຫຼືອຢູ່ບໍພໍເທົ່າໃດແລ້ວ.ເມື່ອຍົກເສັ້ນພື້ນຖານເກັບອາກອນຂຶ້ນຮອດ1600ຢວນແລ້ວ,ແຕ່ລະເດືອນ,ຂ້າພະເຈົ້າກໍເສຍອາກອນໜ້ອຍລົງ80ກວ່າຢວນ.ເຖິງວ່າບໍ່ຫຼາຍປານໃດ,ແຕ່ກໍຮູ້ສຶກວ່າໃຄແດ່."
ຜູ່ທີ່ຄຶດຄືນາງເສິນເຢ້ຊີ້ວນັ້ນກໍມີບໍ່ໜ້ອຍ.ຂໍ້ມູນທີ່ກ່ຽວຂ້ອງສະແດງໃຫ້ເຫັນວ່າ,ຄັນເອົາ800ຢວນເປັນເສັ້ນພື້ນຖານທີ່ຕ້ອງເສຍອາກອນແລ້ວ,ມີຊາວຈີນ90%ຕ້ອງເສຍອາກອນລາຍໄດ້ສ່ວນຕົວ,ແຕ່ເມື່ອຂຶ້ນຮອດ1600ຢວນ,ຊາວຈີນກໍຈະມີເຄິ່ງໜຶ່ງຂຶ້ນໄປບໍ່ຕ້ອງເສຍອາກອນລາຍໄດ້ສ່ວນຕົວອີກ.ນອກນີ້,ເຖິງວ່າຄົນຈຳນວນທີ່ເຫຼືອເຖິງວ່າຍັງຈະຕ້ອງເສຍອາກອນຕໍ່ໄປກໍຕາມ,ແຕ່ຍ້ອນເສັ້ນພື້ນຖານໄດ້ຍົກສູງຂຶ້ນແລ້ວ,ຄ່າອາກອນກໍຈະຫຼຸດໜ້ອຍລົງ.ຖ້າເອົາສອງລາຍນີ້ບວກເຂົ້າກັນ,ປີໜຶ່ງ,ປະຊາຊົນຈີນຈະເສຍອາກອນລາຍໄດ້ສ່ວນຕົວໜ້ອຍລົງ28ຕື້ຢວນຂຶ້ນໄປຕໍ່ປີ.
1 2
|
