|
|
 |
| (GMT+08:00)
2005-11-08 18:39:34
|
 |
|
ເພງຮ້ອງຮວມໝູ່ທີ່ດັດແປງຮຽບຮຽງໃໝ່ຕາມເພງພື້ນເມືອງທີ່ດີເລີດ(ສຽງ)
cri
Author: zhangshuo
|
ໃນລາຍການພາກນີ້,ຂ້າພະເຈົ້າຈະຈັດເພງຮ້ອງຮວມໝູ່ປະມວນໜຶ່ງທີ່ດັດແປງຮຽບຮຽງໃໝ່ຕາມເພງພື້ນເມືອງທີ່ດີເລີດຂອງຈີນ.
ທີ່ທ່ານພວມຟັງຢູ່ນີ້ແມ່ນເພງ"ດອກໄມ້ກັບຊາວໜຸ່ມ".ເພງນີ້ແມ່ນເພງຮັກດັ້ງເດີມທີ່ນິຍົມກັນຢູ່ແຂວງຊິງໄຫທາງພາກຕາເວັນຕົກສຽງເໜືອຂອງຈີນ,ຢູ່ແຫ່ງນັ້ນ,ດອກໄມ້ໝາຍເຖິງຜູ້ສາວ,ຊາວໜຸ່ມໝາຍເຖິງອ້າຍບ່າວ.ເນື້ອເພງເພງນີ້ໄດ້ພັນລະນາດອກໄມ້ທີ່ເບັ່ງບານໃນຕະຫຼອດສີ່ລະດູ,ເຊິ່ງໄດ້ສະແດງຄວາມຮັກຕໍ່ອ້າຍບ່າວ.ເພງນີ້ມີທຳນອງທີ່ມ່ວນອອນຊອນແລະຈັງຫວະໄວ,ໜ້າຟັງ.
ຕໍ່ໄປເຊີນຟັງເພງ "ເພງຟ້ອນເດັດໃບຊາ".ເພງນີ້ແມ່ນເພງພື້ນເມືອງທີ່ນິ ຍົມກັນຢູ່ແຂວງເຈີ້ຈ່ຽງທາງພາກຕາເວັນອອກຂອງຈີນ,ເພງນີ້ມີທຳນອງທີ່ມ່ວນຊື່ນ,ໄດ້ສະແດງໃຫ້ເຫັນພາບທີ່ນາງສາວທັງຫຼາຍທັງເດັດໃບຊາຕາມພູ,ທັງຮ້ອງເພງໄປນຳຢ່າງມ່ວນຊື່ນ.ເນື້ອຮ້ອງມີຢູ່ວ່າ: "ນ້ຳຫ້ວຍໃສສະອາດ ໄຫຼລິດໆຢູ່ບໍ່ເຊົາ,ສອງຝັ່ງນ້ຳຫ້ວຍຂຸ້ນເດັດຊາ.ທັງໄວທັງໄດ້ຫຼາຍ,ຊາລົງຈິງປີໃດກໍເດັດໄດ້ຫຼາຍ."
ທ່ານຜູ້ຟັງ,ເຜົ່າເຮີ້ເຈີແມ່ນຊົນເຜົ່າສ່ວນໜ້ອຍທີ່ດຳລົງຊີວິດຢູ່ພາກຕາເວັນອອກສຽງເໜືອຂອງຈີນ,ພວກເຂົາເຈົ້າສ່ວນຫຼາຍຫາປາລ່າເນື້ອຢູ່ແຄມແມ່ນ້ຳອູ່ຊູ່ຫຼີ,ແມ່ນ້ຳອູ່ຊູ່ຫຼີແມ່ນແມ່ນ້ຳຊາຍແດນຈີນກັບຣັດເຊຍ."ເພງຊາວເຮືອແມ່ນ້ຳອູ່ຊູ່ຫຼີ" ແມ່ນດັດແປງຕາມເພງພື້ນເມືອງດັ້ງເດີມຂອງເຜົ່າເຮີ້ເຈີ ໂດຍທ່ານກົວະຊົ້ງ ນັກຮ້ອງທີ່ມີຊື່ສຽງຂອງຈີນ.ເນື້ອເພງໄດ້ສະແດງໃຫ້ເຫັນຊາວເຜົ່າເຮີ້ເຈີຮັກແພງບ້ານເກີດຂອງຕົນແລະສັນລະເສີນຊີວິດອັນຈົບງາມ. "ແມ່ນ້ຳອູ່ຊູ່ຫຼີຍາວສຸດສາຍຕາ ນ້ຳໃສສະອາດເກີດເປັນຟອງຍວກຍູ້.ຊາວເຜົ່າເຮີ້ເຈີຫວ່ານແຫເປັນພັນດາງ,ເຮືອເຕັມແມ່ນ້ຳ,ປາເຕັມເຮືອ." ເພງນີ້ວາດພາບຊາວປະມົງເຜົ່າເຮີ້ເຈີທີ່ດຸໝັ່ນທັງພາຍເຮືອທັງຮ້ອງເພງດ້ວຍສຽງອັນດັງກ້ອງ.ຕໍ່ໄປເຊີນຟັງ"ເພງຊາວເຮືອແມ່ນ້ຳອູ່ຊູ່ຫຼີ"ທີ່ຂັບຮ້ອງໂດຍຄະນະຮ້ອງຮວມໝູ່ຂອງຄະນະດົນຕີສູນກາງຈີນ.
1 2
|
|
|
