|
|
 |
| (GMT+08:00)
2005-11-08 18:39:34
|
 |
|
ເພງຮ້ອງຮວມໝູ່ທີ່ດັດແປງຮຽບຮຽງໃໝ່ຕາມເພງພື້ນເມືອງທີ່ດີເລີດ(ສຽງ)
cri
Author: zhangshuo
ເພງ "ເມກເລື່ອນລອຍ ແຕ່ທ້ອງຟ້າບໍ່ເໜັງຕີງ"ແມ່ນເພງພື້ນເມືອງຂອງເຂດກວາງຊີທີ່ຕັ້ງຢູ່ພາກຕາເວັນຕົກສຽງໃຕ້ຂອງຈີນ, ຢູ່ແຫ່ງນັ້ນມີຫຼາຍຊົນເຜົ່າສ່ວນໜ້ອຍຕັ້ງພູມລຳເນົາຢູ່,ໄດ້ຊື່ເປັນທະເລເພງ.ເພງ "ເມກເລື່ອນລອຍ ແຕ່ທ້ອງ ຟ້າບໍ່ເໜັງຕີງ"ມີທຳນອງອ້ອຍອິ່ນອອນຊອນ,ເນື້ອເພງມີຄວາມໝາຍເລິກເຊິ່ງ.ດັ່ງນີ້ວ່າ: "ເມກເລື່ອນລອຍແຕ່ທ້ອງຟ້າບໍ່ເໜັງຕີງ,ເຮືອແລ່ນໄປມາແຕ່ຕາຝັ່ງບໍ່ປ່ຽນບ່ອນ.ຄົນພາກຈາກກັນແຕ່ໃຈບໍ່ຫ່າງ,ມິດຕະພາບແມ່ນຕັດບໍ່ຂາດຈົນເທົ່າໃດໆ. " ນາງຂູຊີ່ຊຽນ ນັກແຕ່ງນົດທີ່ມີຊື່ສຽງຂອງຈີນໄດ້ດັດແປງເພງນີ້ເປັນເພງຮ້ອງຮວມໝູ່ຫຼາຍພາກສຽງທີ່ບໍ່ມີດົນຕີສະຫຼັບ.ເພງນີ້ຂັບຮ້ອງໂດຍຄະນະຮ້ອງຮວມໝູ່ຂອງຄະນະດົນຕີສູນກາງຈີນ.
ຊາວເຜົ່າເກົາຫຼີຂອງຈີນສ່ວນຫຼາຍຕັ້ງພູມລຳເນົາຢູ່ພາກຕາເວັນອອກສຽງເໜືອຂອງຈີນ, ພວກເຂົາເຈົ້າຊ່າງຮ້ອງເພງຊ່າງຟ້ອນຊ່າງລຳ,ມີເພງພື້ນເມືອງທີ່ໜ້າຟັງຈຳນວນຫຼວງຫຼາຍ. ເພງ"ໂດລ່າຈີ່" ແມ່ນເພງທີ່ປະຊາຊົນຈີນຊົນເຜົ່າຕ່າງໆນິຍົມຫຼາຍ. "ໂດລ່າຈີ່"ແມ່ນຜັກປ່າຊະນິດໜຶ່ງທີ່ຊາວເຜົ່າເກົາຫຼີມັກກິນ.ເພງນີ້ມີທຳນອງຫຼ່ຽນໄຫຼມ່ວນຊື່ນ, ຈັງຫວະເໝາະສຳລັບຟ້ອນ,ສະແດງພາບທີ່ປະຊາຊົນເຜົ່າເກົາຫຼີຂອງຈີນອອກແຮງງານຢ່າງເບີກບານມ່ວນຊື່ນ.ຕໍ່ໄປເຊີນຟັງເພງ "ໂດລ່າຈີ່" ທີ່ຂັບຮ້ອງໂດຍຄະນະຮ້ອງຮວມໝູ່ສຽວຈົ້ງ.
1 2
|
|
|
