|
|
 |
| (GMT+08:00)
2005-11-14 21:54:49
|
 |
|
ເພງຮ້ອງຮວມໝູ່ທີ່ດັດແປງຕາມເພງພື້ນເມືອງທີ່ດີເລີດ(2)(ສຽງ)
cri
Author: zhangshuo
|
ໃນລາຍການພາກນີ້,ຂ້າພະເຈົ້າໄດ້ຈັດເພງຮ້ອງຮວມໝູ່ທີ່ດັດແປງຕາມເພງພື້ນເມືອງຈີນ ທີ່ດີເລີດອີກຊຸດໜຶ່ງມາສູ່ທ່ານຟັງ.
ກ່ອນອື່ນເຊີນຟັງເພງ "ອ່າລ່າມູ້ຮ້ານ" ເພງພື້ນເມືອງເຜົ່າເວີຍຫວູເອີເຂດຊິນຈຽງທີ່ຂັບ ຮ້ອງໂດຍຄະນະຮ້ອງຮວມໝູ່ຂອງວົງດົນຕີສູນກາງຈີນ.
ເພງ"ອ່າລ່າມູ້ຮ້ານ"ມີທຳນອງມ່ວນຊື່ນແລະຈັງຫວະໄວ,ສັນລະເສີນຄວາມສວຍງາມ ຂອງນາງອ່າລ່າມູ້ຮ້ານ ນາງສາວເຜົ່າເວີຍຫວູເອີຜູ້ໜຶ່ງ. ໃນເພງມີເນື້ອຮ້ອງວ່າ: "ນາງອ່າລ່າມູ້ຮ້ານເປັນຄົນຈັ່ງໃດ?ນາງບໍ່ຕຸ້ຍກໍບໍ່ຈ່ອຍ,ຄີ້ວກົ່ງຄືວົງເດືອນ,ແອວກິ່ວຄືໃບໄຄ້ສ້ອຍ."
ເພງພື້ນເມືອງທຳນອງຍາວແມ່ນເພງພື້ນເມືອງເຜົ່າມົງໂກທາງພາກເໜືອຂອງຈີນທີ່ມີລັກ ສະນະຕົວແທນທີ່ສຸດ,ມີທຳນອງແກ່ສຽງຍາວໆ,ຈັງຫວະຕາມໃຈ,ມີກິ່ນອາຍທົ່ງຫຍ້າອັນ ເຂັ້ມຂຸ້ນ."ເພງລ້ຽງສັດ"ແມ່ນເພງທີ່ຊາວມົງໂກມັກຮ້ອງທີ່ສຸດ,ມັນໄດ້ບັນລະຍາຍພາບວິວ ທົ່ງຫຍ້າອັນກວ້າງໃຫຍ່ໄພສານຂອງເຂດມົງໂກໃນຈີນ,ເຊິ່ງສະແດງໃຫ້ເຫັນຄວາມຮັກ ແພງຕໍ່ບ້ານເກີດເມືອງນອນຂອງຊາວລ້ຽງສັດ.ທ່ານຊູຊີ່ຊຽນ ນັກແຕ່ງນົດເພງໄດ້ດັດ ແປງເພງນີ້ເປັນເພງຮ້ອງຮວມໝູ່ທີ່ບໍ່ມີດົນຕິສະຫຼັບ,ອັນໄດ້ເຮັດໃຫ້ເພງນີ້ແຮ່ງໄດ້ຮັບ ຄວາມນິຍົມຊົມຊອບຈາກຜູ້ຟັງພາຍໃນແລະຕ່າງປະເທດ.ຕໍ່ໄປເຊີນຟັງ"ເພງລ້ຽງສັດ"ທີ່ ຂັບຮ້ອງໂດຍຄະນະຮ້ອງຮວມໝູ່ຂອງວົງດົນຕີສູນກາງຈີນ.
ເນື້ອຮ້ອງມີຄວາມໝາຍວ່າ: "ຢູ່ທົ່ງຫຍ້າທີ່ຂຽວອຸ່ມທຸ່ມມີແກະຂາວແລ່ນເປັນຝູງ,ຝູງແກະເໝືອນດັ່ງໄຂ່ມຸກຢາຍຢູ່ເທິງແຜ່ນກຳມະຍີ່ສີຂຽວ.ທົ່ງຫຍ້າທີ່ກວ້າງສຸດສາຍຕາແມ່ນບ້ານ ເກີດຂອງພວກເຮົາ,ເມກຂາວແລະທ້ອງຟ້າສີຄາມແມ່ນຕູບຜ້າເຕັນຂອງພວກເຮົາ.ແສງ ອາລຸນເບີກຟ້າຕ້ອນຮັບຂ້າຮ້ອງເພງຢ່າງເສລີ,ຊີວິດຂອງພວກເຮົາຈັ່ງແມ່ນສຸກສັນ."
ເພງ "ພາບວິວອູຊີ່"ແມ່ນເພງພື້ນເມືອງແຂວງຈ່ຽງຊູ່ທາງພາກຕາເວັນອອກຂອງຈີນ ເປັນເພງມ່ວນອອນຊອນ.ອູຊີ່ແມ່ນເມືອງແຫ່ງໜຶ່ງຂອງແຂວງຈ່ຽງຊູ່,ຕັ້ງຢູ່ໜອງໄທ້ຫູທີ່ມີພາບວິວສວຍງາມ.ເພງນີ້ໄດ້ແນະນຳປະຫວັດສາດ ທິວທັດແລະຜະລິດຕະພັນພິເສດຂອງເມືອງອູຊີ່ຢ່າງມີຊີວິດຊີວາ.ທຳນອງເພງເຕັມໄປດ້ວຍຈຸດພິເສດຂອງເມືອງແຄມແມ່ນ້ຳພາກໃຕ້ຂອງຈີນ.ຕໍ່ໄປເຊີນຟັງເພງ"ພາບວິວອູຊີ່"ຮ້ອງຮວມໝູ່ໂດຍສຽງຜູ້ຍິງຂອງຄະນະ ຮ້ອງຮວມໝູ່ວົງດົນຕີສູນກາງຈີນ.
1 2
|
|
|
