|
|
 |
| (GMT+08:00)
2005-11-14 21:54:49
|
 |
|
ເພງຮ້ອງຮວມໝູ່ທີ່ດັດແປງຕາມເພງພື້ນເມືອງທີ່ດີເລີດ(2)(ສຽງ)
cri
Author: zhangshuo
ຕໍ່ໄປເຊີນຟັງເພງ"ຖ້າເຈົ້າຮອດຟ້າແຈ້ງ" ເພງພື້ນເມືອງເຜົ່າຮາຊັກເຂດຊິນຈຽງທີ່ຂັບຮ້ອງ ໂດຍຄະນະຮ້ອງຮວມໝູ່ວົງດົນຕີສູນງກາງຈີນ.ເຜົ່າຮາຊັກແມ່ນຊົນເຜົ່າສ່ວນໜ້ອຍຂອງ ຈີນ,ດຳລົງຊີວິດຢູ່ເຂດຊິນຈຽງແລະແຂວງກັ່ນຊູ້ທາງພາກຕາເວັນຕົກສຽງເໜືອຂອງຈີນ.ເຜົ່າຮາຊັກແມ່ນຊົນເຜົ່າທີ່ມີມູນເຊື້ອດົນຕີມາດົນນານ,ເພງພື້ນເມືອງຂອງເຜົ່າຮາຊັກມີສຽງສູງ,ດັງກ້ອງດັງໄກ,ມີກິ່ນອາຍທົ່ງຫຍ້າອັນເຂັ້ມຂຸ້ນ.ເພງ"ຖ້າ ເຈົ້າຮອດຟ້າແຈ້ງ"ແມ່ນເພງຮັກທີ່ມີອາລົມເລິກເຊິ່ງແລະມ່ວນອອນຊອນ,ເຊິ່ງໄດ້ສະແດງອາລົມຂອງອ້າຍບ່າວທີ່ຄຶດຮອດຄຶດເຖິງຄູ່ຮັກຂອງຕົນ.ເພງນີ້ເມື່ອທ່ານວາງລໍ້ປິ່ນ ນັກດົນຕີທີ່ມີຊື່ສຽງຂອງຈີນໄດ້ດັດແປງໃໝ່ແລ້ວ,ໄດ້ຮັບຄວາມນິຍົມຊົມຊອບຢ່າງກວ້າງຂວາງຢູ່ຈີນ.
ເພງ"ນ້ຳຫ້ວຍໄຫຼລິດໆ"ແມ່ນເພງຮັກທີ່ນິຍົມກັນຢູ່ແຂວງຢຸນນານ ພາກຕາເວັນຕົກສຽງ ໃຕ້ຂອງຈີນ,ເປັນເພງທີ່ມ່ວນດັ່ງກາບກອນ ງາມປານຮູບແຕ້ມ.ຢູ່ໃຕ້ແສງເດືອນສີເງິນ,ທຸກ ສິ່ງທຸກຢ່າງງຽບສະຫງັດ,ຍິນແຕ່ສຽງນ້ຳຫ້ວຍຢູ່ຕີນພູໄຫຼລິດໆ.ນາງສາວ ຜູ້ສວຍງາມສະ ຫຼາດເມື່ອເຫັນພາບທີ່ສວຍງາມດັ່ງກ່າວເລີຍລະບາຍຄວາມຮັກຂອງຕົນຕໍ່ອ້າຍຄູ່ຮັກດ້ວຍສຽງເພງທີ່ມ່ວນອອນ. ຄວາມຮັກອັນເລິກເຊິ່ງໄດ້ໄຫຼໄປຕາມນ້ຳຫ້ວຍ,ໄຫຼໄປຫາບ່ອນຢູ່ຂອງອ້າຍຮັກ.ຕໍ່ໄປເຊີນຟັງເພງ"ນ້ຳຫ້ວຍໄຫຼລິດໆ"ທີ່ຂັບຮ້ອງໂດຍຄະນະຮ້ອງຮວມໝູ່ ຂອງຄະນະສິລະປະກະຈາຍສຽງຈີນ.
ມ້ວນທ້າຍລາຍການພາກນີ້,ຂໍເຊີນຟັງ "ເພງຊາວດອຍສຽງສູງ" ເຊິ່ງເປັນເພງພື້ນເມືອງ ແຂວງເຊສວນ.ແຂວງເຊສວນຕັ້ງຢູ່ພາກຕາເວັນຕົກສຽງໃຕ້ຂອງຈີນ,ຢູ່ແຫ່ງນັ້ນມີເພງພື້ນເມືອງປະເພດຕ່າງໆຢ່າງຫຼວງຫຼາຍ,ເພງຊາວດອຍແມ່ນຮູບການໜຶ່ງຂອງເພງພື້ນເມືອງ ແຂວງເຊສວນ.ເພງ"ເພງຊາວດອຍສຽງສູງ"ເປັນເພງທີ່ມີທຳນອງສູງ,ຈັງຫວະແຂງແຮງ, ເນື້ອເພງກະທັດຮັດ,ແລະມີອາລົມຟົດຟຶ້ນ.
1 2
|
|
|
