|
|
 |
| (GMT+08:00)
2005-11-23 21:22:14
|
 |
|
[ຈ່າງເຫິງ]
cri
Author: MO
ຈ່າງເຫີງເກີດໃນຄອບຄົວເຈົ້ານາຍທີ່ຊຸດໂຊມເມື່ອຄ.ສ.ປີ 78, ເມື່ອເຕີບໃຫຍ່ແລ້ວ, ຈ່າງເຫິງຄ່ອຍໆມີຄວາມສົນໃຈນຳການຄົ້ນຄວ້າປັດຊະຍາແລະວິທະຍາສາດທຳມະຊາດ. ຄ.ສ.ປີ 111, ຈ່າງເຫິງດຳລົງຕຳແໜ່ງເຈົ້ານາຍໃນລັດຖະບານ, ຮັບຜິດຊອບຄົ້ນຄວ້າດາລາສາດ, ຮຽບຮຽງປະຕິທິນ. ປັບເຄື່ອງວັດແທກຊັ່ງຜອງແລະດົນຕີເປັນຕົ້ນ. ເຄື່ອງວັດແທກແຜ່ນດິນໄຫວໂຮວເຟິງກໍແມ່ນຄົ້ນຄວ້າເຮັດສຳເລັດໃນໄລຍະນີ້. ໃນໄລຍະທ່ານດຳລົງຕຳແໜ່ງ, ທ່ານໄດ້ຄົ້ນຄວ້າດາລາສາດແລະຄິດໄລ່ປະຕິທິນຢ່າງລະອຽດລ້ຳເລິກ, ໄດ້ມີສ່ວນປະກອບອັນໃຫຍ່ຫລວງ.
ໃນສະໄໝທີ່ຈ່າງເຫິງດຳລົງຊີວິດຢູ່ນັ້ນ, ທິດສະດີກ່ຽວກັບການເຄື່ອນໄຫວຂອງດາລາແລະອົງປະກອບຈັກກະວານມີສາມຢ່າງ, ຄື"ທິດສະດີໂລກເປັນຮູບກົມ"ມີເຈດຈຳນົງວ່າ, ຟ້າແມ່ນຮູບກົມ, ໂລກເປັນຮູບໝາກບານ, ດວງຕາເວັນ ດວງຈັນແລະດວງດາວຈະໝູນລົງສູ່ໃຕ້ດິນໄດ້. ຈ່າງເຫິງອິງຕາມຄວາມຮູ້ຂອງຕົນແລະການສັງເກດຕົວຈິງຕໍ່ກົດເກນໝູນເດີນຂອງໝູ່ດາວ, ຕັ້ງໃຈຄົ້ນຄວ້າທິດສະດີສາມຊະນິດນີ້, ແລ້ວເຫັນວ່າ, ທິດສະດີຟ້າເປັນຮູບກົມແມ່ນຂ້ອນຂ້າງສອດຄ່ອງກັບສະພາບສັງເກດຕົວຈິງ. ບົນພື້ນຖານຂອງຄົນຮຸ້ນກ່ອນ, ທ່ານໄດ້ປະດິດສ້າງເຄື່ອງດາລາສາດຮູບກົມທີ່ສາມາດສະແດງແນວຄິດທີ່ວ່າ ຟ້າເປັນຮູບກົມ.
ບົດປະພັນດາລາສາດທີ່ທ່ານຈ່າງເຫິງແຕ່ງນັ້ນ, ມີບົດໜຶ່ງຊື່ວ່າ"ຫຼິງຊ້ຽນ"ມີຊື່ສຽງກວ່າໝູ່. ນີ້ແມ່ນບົດນິພົນທິດສະດີດາລາສາດທີ່ບັນລະຍາຍການກຳເນີດແລະການໝູນວຽນຂອງຟ້າດິນ ດວງຕາເວັນ ດວງຈັນແລະດວງດາວ, ເປັນຕົວແທນໃຫ້ແກ່ໝາກຜົນຄົ້ນຄວ້າດາລາສາດຂອງທ່ານຈ່າງເຫິງ. ບົດນິພົນນີ້ໄດ້ສະຫລຸບຄວາມຮູ້ດາລາສາດໃນຄາວນັ້ນ, ສະເໜີແນວຄິດທີ່ວ່າ, ຈັກກະວານແມ່ນບໍ່ມີບ່ອນສຸດສ້ຽງໃນດ້ານກາລະແລະເທສະ. ທ່ານຍັງຊີ້ອອກວ່າ, ດວງພະຈັນເອງແມ່ນບໍ່ມີແສງ, ແລະບໍ່ສ່ອງແສງ, ແສງຈັນແມ່ນແສງສະທ້ອນຂອງແສງຕາເວັນ. ຄວາມເຫັນຂອງທ່ານດັ່ງກ່າວແມ່ນປະຫລາດທີ່ສຸດໃນຄາວນັ້ນ. ໃນບົດນິພົນດາລາສາດຂອງທ່ານອີກບົດໜຶ່ງຄື"ບົດຮູບຟ້າກົມ", ທ່ານຈ່າງເຫິງໄດ້ວັດແທກຮູ້ວ່າ, ເວລາທີ່ໜ່ວຍໂລກໝູນອ້ອມດວງຕາເວັນປີໜຶ່ງຕ້ອງການເວລາປະມານ 365 ມື້ກັບ 6 ຊົ່ວໂມງ, ໃກ້ກັບເວລາທີ່ນັກດາລາສາດສະໄໝມໍ່ວັດແທກໄດ້ນັ້ນທີ່ສຸດ, ເຊິ່ງໄດ້ສະແດງໃຫ້ເຫັນວ່າ, ການຄົ້ນຄວ້າດາລາສາດຂອງທ່ານຈ່າງເຫິງໄດ້ມີລະດັບສູງສົມຄວນແລ້ວ.ຈ່າງເຫິງຍັງໄດ້ປະກອບສ່ວນຢ່າງດີເດັ່ນໃນດ້ານດາລາສາດ ວິທະຍາແຜ່ນດິນໄຫວ ແລະພະລັງກົນຈັກວິທະຍາໃນສະໄໝບູຮານຂອງຈີນ.
1 2
|
|
|
