|
|
 |
| (GMT+08:00)
2005-11-29 18:13:14
|
 |
|
ເສດຖະກິດພາກກາງຂອງຈີນທີ່ບໍ່ຍອມເປົ່າປ່ຽວ(ສຽງ)
cri
ປັດຈຸບັນ,ບັນດາແຂວງທີ່ຢູ່ພາກກາງຂອງຈີນຍັງສຸດທີ່ເອົາໃຈໃສ່ນຳການຍົກກຳລັງແກ່ງແຍ່ງຂອງຕົນໃນການພັດທະນາເສດຖະກິດໃຫ້ສູງຂຶ້ນ.ໃນນັ້ນ, ວິທີທີ່ບັງເກີດຜົນຂອງ ແຂວງຫູເປແມ່ນອາໄສເມືອງໃຈກາງຊັກນຳການພັດທະນາຂອງເຂດອ້ອມຂ້າງ.ໃນເວລາດົນນານມານີ້,ນະຄອນອູຮ້ານ ເທດສະບານແຂວງຫູເປແມ່ນແຫຼ່ງອຸດສາຫະກຳຂອງຈີນ,ທັງເປັນເມືອງສຳຄັນດ້ານການຄ້າທີ່ມີຊື່ສຽງ.ສະນັ້ນ,ແຂວງຫູເປພວມສ້າງວົງເສດຖະກິດຕົວເມືອງທີ່ຖືນະຄອນອູຮ້ານເປັນໃຈກາງ,ແລະມີ8ຕົວເມືອງພາຍໃນຂອບເຂດບໍລິເວນອ້ອມຂ້າງ100ກິໂລແມັດ ເຂົ້າຮ່ວມການແບ່ງງານແລະການຮ່ວມມື.ຜ່ານຈາກການກໍ່ສ້າງວົງເສດຖະກິດຂອງນະຄອນອູຮ້ານ,ຈະຈໍ່ຕົວເປັນສະຖານະພາບອຸດສາຫະກຳໂດຍມີນະຄອນອູຮ້ານເປັນເຂດ ການຄົ້ນຄວ້າພັດທະນາສຸມແລະເຕັກນິກສຸມ,ເຂດອ້ອມແອ້ມເປັນເຂດ ແຮງງານ ສຸມ.ເມື່ອຮອດເວລານັ້ນ,ອົງປະກອບອຸດສາຫະກຳຂອງນະຄອນອູຮ້ານຈະຍົກລະດັບໃຫ້ສູງຂຶ້ນຕື່ມອີກ,ແລ້ວກາຍເປັນສູນຈໍລະຈອນຂອງຜູ່ມີຄວາມຮູ້ຄວາມສາມາດ, ສິນຄ້າ,ຂໍ້ມູນຂ່າວສານແລະເງິນທຶນພາຍໃນວົງເສດຖະກິດ.
ແຂວງຕ່າງໆທີ່ຢູ່ພາກກາງຂອງຈີນ,ສ່ວນຫຼາຍແມ່ນແຂວງໃຫຍ່ດ້ານກະສິກຳ. ລະດັບຫັນກະສິກຳເປັນອຸດສາຫະກຳຕ່ຳ,ຊາວກະສິກອນມີລາຍໄດ້ໜ້ອຍ,ເວົ້າສຳລັບການພັດທະນາເສດຖະກິດຂອງເຂດພາກກາງຈີນແລ້ວແມ່ນບັນຫາຄໍຂວດຢ່າງບໍ່ຕ້ອງສົງໄສ.ໃນຫຼາຍປີມານີ້,ຈາກລັດຖະບານສູນກາງຕະຫຼອດຮອດອົງການປົກຄອງທ້ອງຖິ່ນຈີນລ້ວນແຕ່ໄດ້ວາງນະໂຍບາຍທີ່ໃຫ້ສິດທິພິເສດຕ່າງໆ,ເພື່ອຊຸກຍູ້ການພັດທະນາກະສິກຳ.ທ່ານຈ່າງຊ່າງເອີ ເຈົ້າໜ້າທີ່ອົງການປົກຄອງແຂວງຫູເປບອກນັກຂ່າວວ່າ:
"ໃນໄລຍະເວລາຍາວສົມຄວນມານີ້,ຊາວກະສິກອນເຄີຍຫາບແບກອ່າວໜັກໜ່ວງ,ຜະລິດຕະພັນກະສິກຳມີປະສິດທິຜົນອ່າວໜ້ອຍ,ລະດັບຫັນເປັນອຸດສາຫະກຳກໍຂ້ອນຂ້າງຕ່ຳ,ການພັດທະນາເສດຖະກິດແລະສັງຄົມໃນຊົນນະບົດຫຼ້າຫຼັງໃນດ້ານກວມລວມ.ນີ້ແມ່ນບັນຫາອ່າວພົ້ນເດັ່ນຢູ່ເຂດພາກກາງຂອງຈີນ,ປັດຈຸບັນ,ຈີນໄດ້ໃຊ້ມາດຕະການສຳຄັນຈຳນວນໜຶ່ງ,ຍົກເລີກອາກອນກະສິກຳທັງໝົດທີ່ຊາວກະສິກອນຫາບແບກມາເປັນເວລາດົນນານແລ້ວນັ້ນ.ຊາວກະສິກອນບໍ່ຕ້ອງເສຍອາກອນອີກແລ້ວ,ນີ້ແມ່ນການປະຕິຮູບລະບອບທີ່ສຳຄັນ."
ຕາມແນະນຳວ່າ,ໃນການພັດທະນາເສດຖະກິດ,ເຂດພາກກາງຂອງຈີນຍັງມີທ່າແຮງດ້ານຊັບພະຍາກອນຫຼາຍຢ່າງ.ຕົວຢ່າງຄື,ແຂວງຊ່ານຊີແມ່ນແຂວງທີ່ມີຊັບພະຍາກອນຖ່ານຫີນຫຼາຍກວ່າໝູ່ຢູ່ຈີນ.ແຂວງຈ່ຽງຊີ,ແຂວງຫູເປ,ແຂວງອ່ານຮຸຍເປັນຕົ້ນກໍລ້ວນແຕ່ມີຊັບພະຍາກອນບໍ່ແຮ່ອັນອຸດົມສົມບູນ.ແຂວງເຮີນານແມ່ນແຂວງທີ່ມີປະຊາກອນຫຼາຍກວ່າໝູ່ຂອງຈີນ,ຊັບພະຍາກອນມະນຸດອຸດົມສົມບູນທີ່ສຸດ.
ນອກນີ້,ໃນດ້ານທີ່ຕັ້ງພູມສາດ,ເຂດພາກກາງຂອງຈີນກໍມີທ່າແຮງຫຼາຍຢ່າງ.ທາງລົດໄຟສຳຄັນສອງສາຍທີ່ເຊື່ອມຕໍ່ເໜືອໃຕ້ຂອງຈີນຄືທາງລົດໄຟສາຍປັກກິ່ງກວາງໂຈ່ວ,ທາງລົດໄຟສາຍປັກກິ່ງ ຮົງກົງ,ລ້ວນແຕ່ເນັ່ງຜ່ານເຂດພາກກາງ,ແມ່ນ້ຳສອງສາຍທີ່ສຳຄັນກວ່າໝູ່ຂອງຈີນຄືແມ່ນ້ຳຢາງເຊແລະແມ່ນ້ຳເຫຼືອງກໍໄຫຼຜ່ານເຂດພາກກາງ,ທ່າແຮງເຫຼົ່ານີ້ລ້ວນແຕ່ໄດ້ສະໜອງເງື່ອນໄຂທີ່ຜົນດີຢ່າງຫຼວງຫຼາຍໃຫ້ແກ່ການພັດທະນາຂອງເຂດພາກກາງຂອງຈີນ.
1 2
|
|
|
