|
ທ່ານຜູ່ຟັງທີ່ໂຄລົບ,ການບໍ່ລືມມອດໄພ,ໃນເວລາຈະອອກຈາກຫ້ອງ,ແລະບໍ່ລືມປິດຫົວກັອກນ້ຳ,ບໍ່ຖິ້ມເປືອກໝາກໄມ້ແລະເຈັ້ຍເສດທົ່ວທີບ,ຜະລິດແລະໃຊ້ຜະລິດຕະພັນປະຢັດພະລັງງານແລະອື່ນໆ,ທັງໝົດເຫຼົ່ານີ້ລ້ວນແຕ່ແມ່ນການສະແດງເຖິງຄວາມປະຢັດ,ແລະອະນຸລັກຮັກສາສິ່ງແວດລ້ວມ,ປະຈຸບັນ ໄດ້ກາຍເປັນພາກສ່ວນໜຶ່ງໃນການຜະລິດແລະຊີວິດການເປັນຢູ່ປະຈຳວັນຂອງຄົນຈີນທັງຫຼາຍ.ເສດຖະກິດຂອງຈີນພັດທະນາຢ່າງວ່ອງໄວລຽນຕິດ,ໄດ້ເຮັດໃຫ້ຊັບພະຍາກອນຂາດເຂີນແລະສິ່ງແວດລ້ອມຖືກເຊື່ອມພິດ,ນີ້ເຮັດໃຫ້ຄົນຈີນສຳນຶກຮູ້ວ່າ,ຍົກອັດຕານຳໃຊ້ຊັບພະຍາກອນໃຫ້ສົມກັບຄຸນປະໂຫຍດ,ອະນຸລັກສິ່ງແວດລ້ອມໃຫ້ດີ,ແມ່ນເລື່ອງສຳຄັນຫຼາຍທີ່ຈະເຮັດໃຫ້ເສດຖະກິດຂອງຈີນສາມາດພັດທະນາແບບຍຶນຍົງ:ພວກເຂົາເຈົ້າຍັງໄດ້ຮູ້ວ່າ,ມາດຕະການດັ່ງກ່າວກໍ່ມີຜົນດີຕໍ່ການປົວແປງສິ່ງແວດລ້ອມຊີວິດການເປັນຢູ່ຂອງຕົນໃຫ້ດີຂຶ້ນ.
ທ່ານຕີ່ງກົວເພີຍເຄີຍເປັນນັກທຸລະກິດເກັບຊື້ເຄື່ອງເສດຂອງເສດຢູ່ເມືອງທາຍໂຈ່ວແຂວງເຈີ້ຈ່ຽງພາກຕາເວັນອອກສຽງໃຕ້ຂອງຈີນ.ໃນສອງປີມານີ້,ວຽກເກັບຊື້ເຄື່ອງເສດຂອງເສຍຂອງທ່ານໄດ້ພັດທະນາອ່າວໄວ,ແລະຊື້ເຄື່ອງຈັກຜະລິດທັນສະໄໝສຳລັບເກັບຄືນແລະປຸງແຕ່ງອະລຸມິນຽມຈາກຂອງເສຍ,ຜະລິດແທ່ງອະລຸມິນຽມປະສົມໂລຫະຄຸນນະພາບດີ.ພຽງແຕ່ອາຍເສຍທີ່ເກັບຄືນນຳໃຊ້ໃນການຜະລິດປຸງແຕ່ງອະລຸມິນຽມ,ໃນແຕ່ລະປີກໍ່ເຮັດໃຫ້ທ່ານມີລາຍໄດ້ຕື່ມອີກ3ລ້ານກວ່າຢວນ,
"ດຽວນີ້,ຂ້າພະເຈົ້າຮູ້ແລ້ວວ່າແຕ່ວິທີຖືກຕ້ອງ,ອາຍເສຍກໍ່ໃຊ້ການໄດ້."
ຕາມໄດ້ຊາບ,ປະຈຸບັນ, ແຂວງເຈີ້ຈ່ຽງໄດ້ກາຍເປັນຖານເກັບຄືນແລະນຳໃຊ້ໂລຫະເສດ,ເຈັ້ຍເສດ,ປະລັດສະຕິກແລະແກ້ວແຕກເປັນຕົ້ນ,ແຕ່ລະປີ,ຊັບສິນທີ່ເກັບກູ້ຄືນຈາກກອງຂີ້ເຫຍື້ອນັ້ນກໍ່ມີຮອດ45ຕື້ຢວນ.
ປະຈຸບັນ,ວິສາຫະກິດສ່ວນໜຶ່ງຂອງຈີນຍັງເອົາໃຈໃສ່ນຳການນຳໃຊ້ເຕັກນິກກ້າວໜ້າທັນສະໄໝມາດັດແປງອຸດສາຫະກຳດັ້ງເດີມ,ເພື່ອສະແຫວງຫາຊ່ອງທາງໃໝ່ເພື່ອຍົກປະສິດທິພາບນຳໃຊ້ຊັບພະຍາກອນແລະພະລັງງານໃຫ້ສູງຂຶ້ນ.ເຂດສວນເຕັກນິກວິທະຍາສາດຈົ່ງກ່ວນຊຸ່ນທີ່ຕັ້ງຢູ່ປັກກິ່ງໄດ້ຊື່ເປັນ"ຊີລີຄອນແວລີຂອງຈີນ",ໃນສະເພາະໜ້ານີ້,ຫຼາຍວິສາຫະກິດໃນເຂດສວນດັ່ງຂ່າວພວມເພີ່ມທະວີວຽກງານຄົ້ນຄວ້າພັດທະນາຜະລິດຕະພັນໃໝ່ທີ່ປະຢັດພະລັງງານແລະຫຼຸດຄວາມສິ້ນເປືອງຊັບພະຍາກກອນ.
ກຸ່ມບໍລິສັດຊີໄຕ້ທີ່ຕັ້ງຢູ່ຈົ່ງກ່ວນຊຸ່ນແມ່ນບໍລິສັດທີ່ມີປະຫວັດ20ກວ່າປີ.ທ່ານນາງວາງສຽວລານ ຜູ່ອຳນວນການໃຫຍ່ຂອງບໍລິສັດນີ້ບອກນັກຂ່າວວ່າ:
"ເຄື່ອງຈອດທີ່ກຸ່ມບໍລິສັດຊີໄຕ້ຜະລິດນັ້ນ,ໄດ້ຮັບໜ້າທີ່ຈອດຕໍ່ເຄື່ອງໂລຫະໃນການສ້າງສະໜາມແລະຫໍກິລາໂອລິມປິກປັກກິ່ງ10ກວ່າແຫ່ງທີ່ສ້າງສາຢູ່.ເຄື່ອງ ຈອດຊະນິດນີ້ເມື່ອທຽບກັບເຄື່ອງຈອດແບບເກົ່າແລ້ວ,ມັນປະຢັດວັດຖຸດິບຢ່າງຫຼວງຫຼາຍແລະປະຢັດໄຟຟ້າຢ່າງເດັ່ນຊັດທີ່ສຸດ,ຕາມທຳທະດາ,ເຄື່ອງຈອດເຄື່ອງໜຶ່ງຖ້າໃຊ້ປີໜຶ່ງຈະປະຢັດໄຟຟ້າໄດ້1ໝື່ນກິໂລວັດໂມງ"
ຜະລິດຕະພັນແນວອື່ນຂອງກຸ່ມບໍລິສັດຊີໄຕ້,ເຊັ່ນ,ເຄື່ອງຕິດຕາມວັດແທກ,ເຄື່ອງປ່ຽນຄວາມຖີ່ໄຟຟ້າເປັນຕົ້ນ,ໄດ້ຖືກນຳໃຊ້ຢ່າງກວ້າງຂວາງໃນຂົງເຂດຫຼອມຂາງແລະເຫຼັກກ້າ,ຂຸດຄົ້ນນ້ຳມັນເຊື້ອໄຟເປັນຕົ້ນ.ຍ້ອນໄດ້ຮັບຜົນຈາກການປະຢັດໄຟຟ້າ,ປະຢັດພະລັງງານ,ສິ້ນເປືອງໜ້ອຍຢ່າງຈະແຈ້ງ,ຜະລິດຕະພັນຂອງ ກຸ່ມບໍລິສັດຊີໄຕ້ໄດ້ຮັບຄວາມຊົມຊອບຈາກຜູ້ໃຊ້ນັບມື້ນັບຫຼາຍ.
ປະຈຸບັນ,ການປະຢັດຊັບພະຍາກອນແລະພະລັງງານ,ເພີ່ມທະວີການອະນຸລັກສິ່ງແວດລ້ອມ,ກໍ່ແມ່ນວຽກງານສຳຄັນລາຍໜຶ່ງທີ່ລັດຖະບານຈີນພວມເຜີຍແຜ່ປະຕິບັດ.ຫວ່າງມໍ່ໆນີ້,ໃນກອງປະຊຸມເທື່ອໜຶ່ງກ່ຽວກັບ່ການພັດທະນານຳໃຊ້ພະລັງງານ,ທ່ານຈີ່ງເພີຍອຽນ ຮອງນາຍົກລັດຖະມົນຕີຈີນເວົ້າວ່າ,ການປະຢັດພະລັງງານອະນຸລັກສິ່ງແວດລ້ອມໄດ້ກາຍເປັນນະໂຍບາຍພື້ນຖານຂອງຊາດຈີນແລ້ວ.
"ຕໍ່ໜ້າສະຖານະການໃໝ່,ດັ່ງກ່າວພວກເຮົາໄດ້ສະເໜີຢ່າງຈະແຈ້ງວ່າ,ໃຫ້ຫັນການພັດທະນາເສດຖະກິດເຂົ້າສູ່ໂຄຈອນພັດທະນາຢ່າງຮອບດ້ານ,ກົມກຽວກັນແລະແບບຍືນຍົງ,ຂ້ຽວເລັ່ງປ່ຽນແປງແບບວິທີເຕີບໂຕຂອງເສດຖະກິດ,ຖືການປະຢັດຊັບພະຍາກອນເປັນນະໂຍບານພື້ນຖານຂອງລັດ,ພັດທະນາເສດຖະກິດໝູນວຽນ,ຊຸກຍູ້ການຮັກສາການຜະລິດ,ຍົກປະສິດທິພາບນຳໃຊ້ຊັບພະຍາກອນໃຫ້ສູງຂຶ້ນຢ່າງຈະແຈ້ງ,ເມື່ອຮອດປີ2010,ເຮັດໃຫ້ຫົວໜ່ວຍການສິ້ນເປືອງພະລັງງານຂອງGDPຫຼຸດລົງຕ່ຳກວ່າປີ2005ປະມານ20%."
ປະຈຸບັນ,ລັດຖະບານຈີນໄດ້ດຳເນີນວຽກງານປະຢັດພະລັງງານແລະອະນຸລັກສິ່ງແວດລ້ອມຢູ່ແຫ່ງຕ່າງໆຂອງຈີນຢ່າງຕັ້ງໜ້າ,ແລະຍັງໄດ້ເອົາການຍົກອັດຕານຳໃຊ້ຊັບພະຍາກອນກັບການອະນຸລັກສິ່ງແວດລ້ອມປະສານກັນຢ່າງມີອັນຊີ.
1 2
|
