ຕິເບດຕັ້ງຢູ່ພູພຽງຊີ່ງໄຮຕິເບດ ພາກຕາເວັນຕົກສຽງໃຕ້ຂອງຈີນ,ລະດັບໜ້ານ້ຳທະເລຄິດສະເລ່ຍຂອງບ່ອນນັ້ນສູງກວ່າໝູ່ໃນໂລກ,ມີແສງແດດພຽງພໍ,ມີຊັບພະຍາກອນພະລັງຕາເວັນອຸດົມສົມບູນທີ່ສຸດ.ປະຈຸບັນ,ຢູ່ຕິເບດໄປຮອດໃສ,ທ່ານກໍຈະໄດ້ເຫັນເຄື່ອງພະລັງຕາເວັນຫຼາຍແບບຫຼາຍຢ່າງ.ບ້ານຕຸ່ຍນ້າແມ່ນບ້ານນ້ອຍໆແບບເຄິ່ງປູກຝັງເຄິ່ງລ້ຽງສັດຢູ່ເຂດຢື້ຄາເຈີຕິເບດ.ແຫ່ງນີ້ສູງກວ່າໜ້ານ້ຳທະເລສະເລ່ຍ4500ແມັດ.ເມື່ອ3ປີກ່ອນ,ອົງການປົກຄອງທ້ອງຖິ່ນໄດ້ສ້າງໂຮງໄຟຟ້າພະລັງຕາເວັນຂະໜາດນ້ອຍຫຼັງໜຶ່ງ,ນັບແຕ່ນັ້ນມາ,ຊາວນາຊາວລ້ຽງສັດຂອງບ້ານຕຸ່ຍນ້າກໍ່ໄດ້ອຳລາສະໄໝທີ່ບໍ່ມີໄຟຟ້າໃຊ້.
ທ່ານປາຊ່າງຊີ້ເຢນແມ່ນຊາວບ້ານຜູ່ໜຶ່ງຂອງບ້ານຕຸ່ຍນ້າ.ໃນເວລາໃຫ້ສຳພາດຕໍ່ນັກຂ່າວ,ທ່ານເວົ້າວ່າ,ນັບແຕ່ມີໄຟຟ້າເປັນຕົ້ນມາ,ຊີວິດການເປັນຢູ່ຂອງພວກເຂົາເຈົ້າກໍແຮ່ງອຸດົມສົມບູນແລະສະດວກກວ່າເກົ່າຫຼາຍ:
"ຫຼັງຈາກໃນບ້ານໄດ້ສ້າງໂຮງໄຟຟ້າພະລັງຕາເວັນໃນປີ2002ແລ້ວ,ພວກຂ້າພະເຈົ້າກໍ່ໄດ້ມີໂທລະພາບເບິ່ງ,ໃຊ້ເຄື່ອງVCDໃຊ້.ປະຈຸບັນ,ຄອບຄົວສ່ວນຫຼາຍໃນບ້ານພວກເຮົາມີໂທລະພາບມີເຄື່ອງCDແລະເຄື່ອງໄຟຟ້າອື່ນໆໃຊ້,ການກວນນ້ຳມັນນເນີຍກໍ່ໃຊ້ເຄື່ອງປັ່ນໄຟຟ້າແລ້ວ."
ການໃຊ້ພະລັງຕາເວັນຢ່າງກວ້າງຂວາງຢູ່ຕິເບດ,ໄດ້ປົວແປງຊີວິດການເປັນຢູ່ຂອງຊາວນາຊາວລ້ຽງສັດໃຫ້ດີຂຶ້ນ,ທັງໄດ້ອຸນະລັກສິ່ງແວດລ້ອມຊີວະພາບຂອງພູພຽງຊີ່ງໄຮຕິເບດ.
ປະຈຸບັນ,ຢູ່ເຂດຊິນຈ່ຽງ,ເຂດມົງໂກໃນແລະແຫ່ງຕ່າງໆຂອງຈີນ,ການໃຊ້ຊັບພະຍາກອນພະລັງຕາເວັນແລະພະລັງລົມມາ,ຜ່ອນຄາຍສະພາບຂາດເຂີນພະລັງງານນັ້ນໄດ້ເຜີຍແຜ່ທົ່ວເຖິງແລ້ວ.ຕາມໄດ້ຊາບ,ຕໍ່ໄປພາຍໜ້າ,ຈີນຍັງຈະເພີ່ມຄວາມແຮງພັດທະນານຳໃຊ້ຊັບພະຍາກອນພະລັງງານທີ່ເກີດໃໝ່ໄດ້ຕື່ມອີກ,ເມື່ອຮອດປີ2020,ອັດຕາສ່ວນນຳໃຊ້ພະລັງງານທີ່ເກີດໃໝ່ໄດ້ໃນອົງປະກອບການສະໜອງພະລັງງານ,ຈະຈາກ7%ໃນປະຈຸບັນຍົກສູງຂຶ້ນຮອດປະມານ15%.
ເພື່ອປ່ຽນແປງແບບວິທີເຕີບໂຕຂອງເສດຖະກິດ,ຈີນຍັງໄດ້ຕັ້ງຈຸດທົດລອງພັດທະນາເສດຖະກິດໝູນວຽນຢູ່ບາງເຂດແລະຂະແໜງການ.ວິສາຫະກິດທີ່ເຂົ້າຮ່ວມຈຸດທົດລອງນັ້ນ,ສ່ວນຫຼາຍແມ່ນວິສາຫະກິດທີ່ສິ້ນເປືອງພະລັງງານຫຼາຍແລະເຊື່ອມພິດສິ່ງແວດລ້ອມຫຼາຍເຊັ່ນ,ໂຮງງານຂາງແລະເຫຼັກກ້າ,ໂລຫະມີສີ,ອຸດສາຫະກຳເຄມີ,ວັດຖຸກໍ່ສ້າງເປັນຕົ້ນ.ທ່ານຈວນຊາງອີ້ ເຈົ້າໜ້າທີ່ທີ່ຮັບຜິດຊອບວຽກທົດລອງລາຍນີ້ຂອງຈີນໄດ້ແນະນຳສະພາບໃນດ້ານນີ້ໃຫ້ນັກຂ່າວ,ທ່ານເວົ້າວ່າ:
"ເສດຖະກິດໝູນວຽນກ່ຽວພັນເຖິງຫຼາຍດ້ານເຊັ່ນ,ເສດຖະກິດ,ການພັດທະນາຂອງສັງຄົມເປັນຕົ້ນ,ແມ່ນທັດສະນະຄະຕິໃໝ່ແລະເບົ້າແບບເຕີບໂຕໃໝ່ຂອງເສດຖະກິດ,ໃນດ້ານນີ້,ພວກເຮົາຍັງບໍ່ມີບົດຮຽນເທື່ອ,ພວກເຮົາຍັງຕ້ອງການຊອກຄົ້ນແລະສະສົມບົດຮຽນ."
ປະຈຸບັນ,ນັກເສດຖະສາດຫຼາຍທ່ານຂອງຈີນກໍ່ພວມເອົາໃຈໃສ່ນຳບັນຫາປະຢັດພະລັງງານແລະອະນຸລັກສີ່ງແວດລ້ອມໃນການກໍ່ສ້າງເສດຖະກິດ,ທ່ານຢວນກາງມີງ ນັກຄົ້ນຄວ້າແຫ່ງສະຖາບັນເສດຖະກິດຂອງສະພາບັນດິດວິທະຍາສາດສັງຄົມຈີນເຫັນວ່າ,ໃນຂະບວນວິວັດຊຸກຍູ້ການພັດທະນາເສດຖະກິດແບບຍືນຍົງ,ລັດຍັງຕ້ອງມີນະໂຍບາຍຊັກນຳອຸດສາຫະກຳຢ່າງຈະແຈ້ງ,ຕົວຢ່າງ,ຄືຕໍ່ໂຄງການຂອງຂະແໜງການທີ່ເຊື່ອມພິດໜັກໜ່ວງຈຳນວນໜຶ່ງ ເຊັ່ນ,ຊີມັງ,ຂາງແລະເຫຼັກກ້າ,ອຸດສາຫະກຳເຄມີເປັນຕົ້ນ,ການຄຸ້ມຄອງເຊັ່ນ, ກວດກາອະນຸມັດແລະການອະນຸຍາດໃຫ້ເຂົ້າຕະຫຼາດເພື່ອອະນຸລັກສິ່ງແວດລ້ອມຕ້ອງເປັນຕົ້ນເຄັ່ງຄັດກວ່າເກົ່າ,ແຕ່ຕໍ່ຂະແໜງການທີ່ເຊື່ອມພິດໜ້ອຍ,ມີປະສິທິຜົນດີນັ້ນ,ລັດຕ້ອງໃຫ້ຄວາມສະໜັບສະໜູນຫຼາຍດ້ານ.
1 2
|
