|
ປັດຈຸບັນ,ຈີນພວມ ທົດລອງພັດທະນາເສດຖະກິດໝູນວຽນຢູ່ທ້ອງຖິ່ນແລະວິສາຫະກິດຈຳນວນໜຶ່ງ,ເພື່ອຊອກຫາຊ່ອງທາງໃໝ່ທີ່ຍົກປະສິດທິພາບນຳໃຊ້ຊັບພະຍາກອນໃຫ້ສູງຂຶ້ນແລະຫຼຸດການເຊື່ອມພິດສິ່ງແວດລ້ອມ.ເຈົ້າໜ້າທີ່ຈີນທີ່ຮັບຜິດຊອບວຽກງານທົດລອງພັດທະນາເສດຖະກິດໝູນວຽນກ່າວວ່າ,ຈີນຫວັງຢາກຜ່ານຈາກການເຜີຍແຜ່ວຽກງານທົດລອງດັ່ງກ່າວນີ້,ປ່ຽນແປງເບົ້າແບບເຕີບໂຕຂອງເສດຖະກິດທີ່ສິນເປືອງພະລັງງານຫຼາຍ,ເຊື່ອມພິດໜັກໜ່ວງແລະມີປະສິດທິພາບຕ່ຳ,ແລ້ວບັນລຸການພັດທະນາເສດຖະກິດແບບຍືນຍົງ.
ວິສາຫະກິດທີ່ຖືກລັດຖະບານຈັດເຂົ້າໃນການທົດລອງພັດທະນາເສດຖະກິດໝູນວຽນນັ້ນສ່ວນຫຼາຍແມ່ນລັດວິສາຫະກິດຂະໜາດກາງແລະຂະໜາດໃຫຍ່,ວິສາຫະກິດເຫຼົ່ານີ້ສິນເປືອງພະລັງງານຫຼາຍ,ເຊື່ອມພິດກໍຫຼາຍ.ຕົວຢ່າງຄືກຸ່ມເຫຼັກກ້າອ່ານປັນ,ບໍລິສັດປ່າວໂຖອຸດສາຫະກຳອະລຸມິນຽມຈຳກັດ,ບໍລິສັດຊີມັງປັກກິ່ງຈຳກັດ, ກຸ່ມຈ່ຽວຮວາຊ່ານຊີຈຳກັດເປັນຕົ້ນ.ໃນເວລາໃຫ້ສຳພາດຕໍ່ນັກຂ່າວ,ທ່ານໂຈ່ວສາງອີ ເຈົ້າໜ້າທີ່ຜູ່ຮັບຜິດຊອບວຽກງານທົດລອງພັດທະນາເສດຖະກິດໝູນວຽນຂອງຈີນກ່າວວ່າ,ຈີນເລືອກເອົາວິສາຫະກິດຈຳນວນໜຶ່ງທົດລອງພັດທະນາເສດຖະກິດໝູນວຽນໂດຍຖືການຊຸກຍູ້ການນຳໃຊ້ຊັບພະຍາກອນຫຼາຍເທື່ອເປັນຈຸດພິເສດນັ້ນກໍແມ່ນເພື່ອຊອກຫາຊ່ອງທາງໃໝ່ທີ່ຍົກປະສິດທິພາບນຳໃຊ້ຊັບພະຍາກອນໃຫ້ສູງຂຶ້ນ.
"ວຽກງານທົດລອງເທື່ອນີ້ແມ່ນອີງຕາມສະພາບຕົວຈິງໃນທ້ອງຖິ່ນຕ່າງໆ,ເລືອກເອົາແບບພັດທະນາທີ່ຕ່າງກັນ,ຊອກຄົ້ນເບົາແບບອັນບັງເກີດຜົນແຫ່ງການພັດທະນາເສດຖະກິດໝູນວຽນ.ເວົ້າລວມແລ້ວ, ມັນຈະສະໜອງບົດຮຽນດ້ານພຶດຕິກຳແລະເປັນແບບຢ່າງໃຫ້ວິສາຫະກິດຈີນອັນໄພສານໃນການພັດທະນາເສດຖະກິດໝູນວຽນຮອບດ້ານແລະຫັນປ່ຽນແບບວິທີເຕີບໂຕຂອງເສດຖະກິດ."
ທ່ານໂຈ່ວສາງອີແມ່ນຮອງຫົວໜ້າກົມສິ່ງແວດລ້ອມແລະນຳໃຊ້ຊັບພະຍາກອນແບບສັງລວມຂອງຄະນະກຳມະການການພັດທະນາແລະການປະຕິຮູບແຫ່ງລັດຈີນ.ທ່ານຊີ້ອອກວ່າ, ຊັບພະຍາກອນບໍ່ພໍໃຊ້ແລະສິ່ງແວດລ້ອມຖືກເຊື່ອມພິດນັ້ນແມ່ນປັດໄຈສຳຄັນທີ່ຜູກມັດເສດຖະກິດຈີນບັນລຸການພັດທະນາແບບຍືນຍົງໂດຍຕະຫຼອດ.ສ່ວນມູນເຫດສຳຄັນທີ່ພາໃຫ້ຊັບພະຍາກອນບໍ່ພໍໃຊ້ແລະສິ່ງແວດລ້ອມຖືກເຊື່ອມພິດແມ່ນຍ້ອນການນຳໃຊ້ຊັບພະຍາກອນແລະພະລັງງານມີປະສິດທິພາບຕ່ຳ.ຕາມສະຖິຕິ,ປີ2004,ນ້ຳມັນເຊື້ອໄຟທີ່ຈີນສິນເປືອງໄດ້ກວມ8%ຂອງຍອດປະລິມານສິນເປືອງນ້ຳມັນເຊື້ອໄຟຂອງໂລກ.ໄຟຟ້າກວມ10%ຂອງໂລກ,ສິນເປືອງຂາງແລະເຫຼັກກ້າແລະຖ່ານຫີນລ້ວນແຕ່ກວມຍອດປະລິມານສິນເປືອງຜະລິດຕະພັນປະເພດດຽວ20%ຂຶ້ນໄປ.ສ່ວນGDPຂອງຈີນໃນໄລຍະດຽວກັນພຽງກວມ4%ຂອງGDPທົ່ວໂລກເທົ່ານັ້ນ.ປະສິດທິພາບນຳໃຊ້ຊັບພະຍາກອນແລະພະລັງງານລ້ວນແຕ່ຕ່ຳກວ່າລະດັບສະເລ່ຍຂອງໂລກ.
1 2
|
