|
|
 |
| (GMT+08:00)
2005-12-20 10:29:50
|
 |
|
ຈີນພະຍາຍາມຊອກຫາຊ່ອງທາງໃໝ່ທີ່ຍົກປະສິດທິພາບນຳໃຊ້ຊັບພະຍາກອນໃຫ້ສູງຂຶ້ນ(ສຽງ)
cri
ບໍ່ພຽງແຕ່ເທົ່ານັ້ນ,ແບບວິທີເຕີບໂຕຂອງເສດຖະກິດທີ່ສິນເປືອງພະລັງງານຫຼາຍແຕ່ປະສິດທິພາບຕ່ຳນັ້ນຍັງໄດ້ຂົ່ມຂູ່ຄວາມປອດໄພດ້ານການຜະລິດແລະດ້ານຊີວິດການເປັນຢູ່ຂອງຄົນທັງຫຼາຍຢ່າງໜັກໜ່ວງ.ປີນີ້,ຢູ່ພາກຕາເວັນອອກສຽງເໜືອຂອງຈີນເກີດເຫດການຍອດແມ່ນ້ຳຊົງຮວາຖືກເຊື່ອມພິດ,ແຂວງຕ່າງໆເຊັ່ນແຂວງຊ່ານຊີ,ແຂວງເຮີເປແລະແຂວງເຮີຍລົງຈ່ຽງເປັນຕົ້ນໄດ້ເກີດເຫດການບໍ່ຖ່ານຫີນລະເບີດຢ່າງລຽນຕິດ,ທັງໝົດເຫຼົ່ານີ້ລ້ວນແຕ່ໄດ້ຕິດພັນຢ່າງສະໜິດແໜ້ນກັບຮູບການການຜະລິດຜົນຂອງວິສາຫະກິດຈີນທີ່ສິນເປືອງພະລັງງານຫຼາຍແລະເບິ່ງຂ້າມການຜະລິດຢ່າງປອດໄພໃນການຂຸດຄົ້ນພະລັງງານໃນສະເພາະໜ້ານີ້.
ໂດຍແນໃສ່ບັນຫາດັ່ງກ່າວທີ່ປະກົດອອກໃນການພັດທະນາເສດຖະກິດ,ລັດຖະບານຈີນທວງໃຫ້ວິສາຫະກິດທີ່ເຂົ້າຮ່ວມການທົດລອງພັດທະນາເສດຖະກິດໝູນວຽນຈົ່ງຕັ້ງໜ້າຊອກຄົ້ນຢ່າງຕັ້ງໜ້າໃນຂົງເຂດເຕັກນິກຂໍກະແຈ,ຂົງເຂດການລົງທຶນຈຸດໜັກພ້ອມດ້ວຍໃນການຊຸກຍູ້ການນຳໃຊ້ຊັບພະຍາກອນແບບໝູນວຽນ,ເພື່ອຊອກຫາຊ່ອງທາງອັນບັງເກີດຜົນທີ່ຍົກປະສິດທິພາບນຳໃຊ້ຊັບພະຍາກອນໃຫ້ສູງຂຶ້ນແລະຫຼຸດການເຊື່ອມພິດ.
ກຸ່ມບໍລິສັດຖົງລິນ ໂລຫະມີສີຕັ້ງຢູ່ເມືອງຖົງລິນແຂວງອ່ານຮຸ່ຍ ພາກກາງຂອງຈີນ,ບໍລິສັດນີ້ກໍແມ່ນວິສາຫະກິດທີ່ສິນເປືອງພະລັງງານຫຼາຍ,ສະນັ້ນ,ຖືກຈັດເປັນວິສາຫະກິດທົດລອງເທື່ອນີ້.ໃນເວລາໃຫ້ສຳພາດຕໍ່ນັກຂ່າວ,ທ່ານສູອູຊີ ຮອງວິສະວະກອນໃຫຍ່ຂອງບໍລິສັດດັ່ງກ່າວເວົ້າວ່າ:ປັດຈຸບັນ,ພວກເຂົາເຈົ້າໄດ້ວາງຄາດໝາຍພັດທະນາເສດຖະກິດໝູນວຽນແລ້ວ.
"ຄັນຢາກເຮັດໃຫ້ວິສາຫະກິດຂະຫຍາຍເຕີບໃຫຍ່ຂຶ້ນ,ກ້າວຂຶ້ນສູ່ເສັ້ນທາງພັດທະນາແບບຍືນຍົງ,ກໍມີແຕ່ຜ່ານຈາກການພັດທະນາເສດຖະກິດໝູນວຽນ,ສັບຊ້ອນອົງປະກອບຜະລິດຕະພັນ,ປະຍັດແລະນຳໃຊ້ຊັບພະຍາກອນທີ່ມີຈຳກັດຢ່າງເຕັມສ່ວນເທົ່ານັ້ນຈິ່ງຈະບັນລຸຈຸດປະສົງໄດ້.ພວກຂ້າພະເຈົ້າໄດ້ວາງແຜນເມື່ອຮອດທ້າຍປີ2010,ຈະເຮັດໃຫ້ປະສິດທິພາບນຳໃຊ້ຊັບພະຍາກອນຍົກສູງຂຶ້ນຮອດ75%,ສູງກວ່າ15%ເມື່ອທຽບກັບທ້າຍປີ2003,ໃນດ້ານສິນເປືອງຊັບພະຍາກອນ,ຈະຈາກ15%ໃນປັດຈຸບັນຫຼຸດລົງຮອດປະມານ10%."
ນອກຈາກໄດ້ທົດລອງການພັດທະນາເສດຖະກິດໝູນວຽນຢູ່ວິສາຫະກິດຈຸດໜັກແລ້ວ,ຈີນຍັງໄດ້ດຳເນີນວຽກງານ ທົດລອງໃນຂົງເຂດເກັບຄືນແລະນຳໃຊ້ຊັບພະຍາກອນທີ່ເກີດໃໝ່ໄດ້ເຊັ່ນການເກັບຄືນແລະນຳໃຊ້ໂລຫະເສດ,ເຄື່ອງໄຟຟ້າໃຊ້ໃນເຮືອນເສດແລະເກົ່າເປັນຕົ້ນ.ລັດຖະບານຈີນຫວັງຢາກຜ່ານຈາກວຽກງານທົດລອງເຫຼົ່ານີ້,ສ້າງແລະບູລະນະເຄືອຂ່າຍແລະເບົ້າແບບເກັບຄືນຊັບພະຍາກອນທີ່ເກີດໃໝ່ໄດ້ໃຫ້ສົມບູນຂຶ້ນໃນຂົງເຂດດັ່ງກ່າວ,ຍົກປະສິດທິພາບນຳໃຊ້ຊັບພະຍາກອນໃຫ້ສູງຂຶ້ນ.
1 2
|
|
|
