|
|
 |
| (GMT+08:00)
2005-12-21 21:45:33
|
 |
|
[ວາງຊີຈື່]
cri
Author: mo
 ຕົວໜັງສືຈີນຍ້ອນມີອົງປະກອບພິເສດແລະຈຸດພິເສດໃນການຂຽນ, ຕັ້ງແຕ່ປະມານກ່ອນແລະຫລັງຄ.ສ., ການໃຊ້ສໍຟອຍ ນ້ຳມຶກ ແລະເຈ້ຍດັ້ງເດີມຂອງຈີນມາຂຽນຕົວໜັງສືຈີນກໍໄດ້ກາຍເປັນສິລະປະຂະແໜງໜຶ່ງ. ຜູ້ຂຶ້ນຊື່ລືນາມຍ້ອນການຂຽນງາມໃນປະຫວັດສາດແມ່ນມີຫຼາຍທີ່ສຸດ, ວາງຊີຈື່ໃນຄ.ສ.ສະຕະວັດທີ 4 ກໍແມ່ນຜູ້ເກັ່ງກວ່າໝູ່ໃນນັ້ນ.
ວາງຊີຈື່ເກີດໃນຄອບຄົວນັກຂຽນງາມ. ລຸງແລະອ້າຍນ້ອງເຊິ່ງເປັນລູກຂອງລຸງເພີ່ນລ້ວນແຕ່ແມ່ນຜູ້ຂຽນງາມທີ່ມີຊື່ສຽງໃນຄາວນັ້ນ. ພໍອາຍຸ 7 ຂວບ, ວາງຊີຈື່ກໍຮຽນການຂຽນງາມນຳເວີ້ຍໂຊ້ ນັກຂຽນງາມເພດຍິງທີ່ມີຊື່ສຽງໃນຄາວນັ້ນ. ວາງຊີຈື່ຮຽນນຳເວີ້ຍໂຊ້ຈົນຮອດອາຍຸ 12 ປີ, ລະດັບການຂຽນງາມໄດ້ສູງສົມຄວນແລ້ວ.
ການຂຽນງາມຕົວໜັງສືຈີນມີມູນເຊື້ອໜຶ່ງ, ເຊິ່ງກໍຄື, ທະແນມແຕ່ແມ່ນພູຜາແມ່ນ້ຳແລະສະຖານທີ່ທ່ອງທ່ຽວທີ່ມີຊື່ສຽງ, ກໍລ້ວນແຕ່ມີຜົນງານຂອງນັກຂຽນງາມທີ່ມີຊື່ສຽງຖືກຄວັດໃສ່ຝາຫລືປ້າຍຫິນ, ເພື່ອໃຫ້ຄົນຊົມເບິ່ງຫລືຂຽນລອກແບບ. ເພື່ອຫັດຂຽນໃຫ້ງາມ, ວາງຊີຈື່ໄດ້ຂຶ້ນພູລົງຫ້ວຍ, ຊອກຫາຜົນງານຂອງນັກຂຽນງາມໃນສະໄໝບູຮານ, ເມື່ອຊອກໄດ້ຜົນງານແຜ່ນໜຶ່ງ, ເພີ່ນກໍຄົ້ນຄຶດຢ່າງພຽນໃຈ, ແລະຂຽນລອກແບບຊ້ຳຫຼາຍເທື່ອ, ອັນໄດ້ສະສົມຂໍ້ມູນເອກະສານຂຽນງາມຢ່າງຫລວງຫລາຍ. ຕາມເວົ້າວ່າ, ວາງຊີຈື່ໄດ້ວາງຕັ່ງແລະເຄື່ອງມືຂຽນໄວ້ຢູ່ໃນຫ້ອງອ່ານໜັງສື ເດີ່ນບ້ານ ຈົນກະທັ້ງຢູ່ນອກຫ້ອງນ້ຳຂ, ເມື່ອຄິດໄດ້ຕົວໜັງສືທີ່ມີອົງປະກອບດີ, ກໍຂຽນໃສ່ເຈ້ຍໂລດ.
ເລື່ອງກ່ຽວກັບວາງຊີຈື່ມີຢູ່ຢ່າງຫລວງຫລາຍ. ຕາມເວົ້າວ່າ, ຕອນເຊົ້າມື້ໜຶ່ງ, ວາງຊີຈື່ກັບລູກຊາຍວາງຊ້ຽນຈື່ຂີ່ເຮືອນ້ອຍໄປທ່ຽວຊົມທິວທັດພູຜາແມ່ນ້ຳ, ຢູ່ກາງ ທາງ, ໄດ້ເຫັນຫ່ານຂາວຝູງໜຶ່ງຢູ່ແຄມຝັ່ງ. ຮູບຊົງໂງກໆເງກໆແລະຍ່າງແບບຖູໄຖຂອງຝູງຫ່ານ, ປານສໍຟອຍຍ່າງຢູ່ເທິງເຈ້ຍ. ວາງຊີຈື່ເບິ່ງຈົນຕາຄ້າງ, ເລີຍເກີດຄວາມຮັກມັກຕໍ່ຫ່ານຝູງນີ້, ຄິດຢາກຊື້ເມືອບ້ານ. ເຈົ້າຂອງຫ່ານແມ່ນນັກບວດສາສະໜາເຕົາ. ເມື່ອວາງຊີຈື່ສະເໜີອອກມາວ່າ ຢາກຊື້ຫ່ານຝູງນີ້ນຳນັກບວດສາສະໜາເຕົານັ້ນ, ນັກບວດເວົ້າວ່າ, ໃຫ້ວາງຊີຈື່ກ່າຍເອົາ"ຄຳພີຮວງຖິງ" ເຊິ່ງເປັນຄຳພີສາສະໜາເຕົາເພື່ອເປັນການແລກປ່ຽນ. ວາງຊີຈື່ຢາກໄດ້ຫ່ານແທ້, ເລີຍເຫັນດີນຳເງື່ອນໄຂທີ່ນັກບວດສະເໜີອອກມາ. ປັດຈຸບັນ, ຄຳພີຮວງຖິງກໍແມ່ນຜົນງານສຳຄັນໃນປະຫວັດການຂຽນງາມຂອງຈີນ.
1 2
|
|
|
