|
|
 |
| (GMT+08:00)
2005-12-28 22:23:26
|
 |
|
ທ່ານເວີ່ນເຈ່ຍປາວໄດ້ແຍກອອກພົບປະທ່ານເຈິ່ງອິ່ນຊວນແລະທ່ານເຮີໂຮ້ຮວາ
cri
Author: zhangshuo
|
ຕາມຂ່າວCRI:ວັນທີ28ທັນວາ,ຢູ່ທີ່ປັກກິ່ງ,ທ່ານເວີ່ນເຈ່ຍປາວ ນາຍົກລັດຖະມົນຕີຈີນໄດ້ແຍກອອກພົບປະທ່ານເຈິ່ງອິ່ນຊວນ ຜູ້ວ່າການເຂດບໍລິຫານພິເສດຮົງກົງແລະທ່ານເຮີໂຮຮວາ ຜູ້ວ່າການເຂດບໍລິຫານພິເສດມາກາວທີ່ມາລາຍງານວຽກງານ.
ໃນເວລາພົບປະທ່ານເຈິ່ງອິ່ນຊວນ,ທ່ານເວີ່ນເຈ່ຍປາວເວົ້າວ່າ: "ການພັດທະນາໂຄງປະກອບການເມືອງປະຊາທິປະໄຕຂອງຮົງກົງແມ່ນຫຼັກໝັ້ນສະເໝີຕົ້ນສະເໝີປາຍຂອງສູນກາງ,ເລື່ອງນີ້ຕ້ອງດຳເນີນໄປຢ່າງໝັ້ນທ່ຽງ ປອດໃສແລະມີລະບຽບ.ເຊັ່ນດຽວກັນ, ການສະໜັບສະໜູນການພັດທະນາເສດຖະກິດຂອງຮົງກົງກໍແມ່ນທິດທາງທີ່ໝັ້ນໜຽວບໍ່ປ່ຽນແປງຂອງສູນກາງ.ທະແນມແຕ່ແມ່ນເລື່ອງທີ່ມີຜົນດີຕໍ່ຄວາມຈະເລີນຮຸ່ງເຮືອງແລະສະຖຽນລະພາບຂອງຮົງກົງ,ມີຜົນດີຕໍ່ການປົວແປງຊີວິດການເປັນຢູ່ຂອງປະຊາຊົນຮົງກົງ,ພວກຂ້າພະເຈົ້າກໍຈະເຮັດຕໍ່ໄປ,ນະໂຍບາຍຂອງພວກຂ້າພະເຈົ້າບໍ່ຫ່ອນຊິປ່ຽນແປງ."
ທ່ານເວີ່ນເຈ່ຍປາວເວົ້າວ່າ,ຕັ້ງແຕ່ທ່ານເຈິ່ງອິ່ນຊວນຂຶ້ນຮັບຕຳແໜ່ງເປັນຜູ້ວ່າການບໍລິຫານມານີ້,ໄດ້ທຳຄວາມພະຍາຍາມຢ່າງຫຼວງຫຼາຍເພື່ອຊຸກຍູ້ການພັດທະນາເສດຖະກິດຮົງກົງໃຫ້ຈະເລີນແລະສະຖຽນລະພາບແລະຄວາມປອງດອງກັນຂອງສັງຄົມຮົງກົງ,ໄດ້ຮັບໝາກຜົນອັນຕັ້ງ ໜ້າ.
1 2
|
|
|
