|
|
 |
| (GMT+08:00)
2006-01-04 11:38:54
|
 |
|
[ຫງວນຈີ]
cri
Author: mo
 ໃນປື້ມປະຫວັດສາດຍັງໄດ້ບັນທຶກເລື່ອງຕະຫຼົກຫລາຍເລື່ອງຂອງຫງວນຈີ. ໃນນັ້ນ, ມີເລື່ອງໜຶ່ງແມ່ນກ່ຽວກັບເພີ່ນໂຕ້ຖຽງເກັ່ງ. ຫງວນຈີເຄີຍຮັບຕຳແໜ່ງເປັນເຈົ້ານາຍ, ມີເທື່ອໜຶ່ງ, ເຈົ້າຊີວິດຟັງເສນາລາຍງານວ່າ, ມີຄົນຂ້າແມ່ຕົນເອງຕາຍ. ຫງວນຈີເລີຍເວົ້າວ່າ, ຖ້າຂ້າພໍ່ຕົນເອງຕາຍຍັງຮັບເອົາໄດ້, ຈະຂ້າແມ່ຕົນເອງຕາຍບໍ່ໄດ້ເດັດຂາດ? ເຈົ້າຊີວິດແລະພວກເຈົ້ານາຍຟັງແລ້ວລ້ວນແຕ່ເຫັນວ່າ, ເວົ້າແນວນີ້ບໍ່ມີເຫດຜົນຂີ້ຮ້າຍແທ້, ໃນສັງຄົມອຳນາດພໍ່, ຂ້າພໍ່ແນ່ນອນແລ້ວຕ້ອງມີໂທດໜັກກວ່າຂ້າແມ່. ຫງວນຈີອະທິບາຍຕໍ່ເຈົ້າຊີວິດວ່າ, ຕາມທຳມະດາ, ສັດຮູ້ຈັກແຕ່ແມ່ຂອງຕົນ, ບໍ່ຮູ້ພໍ່ຂອງຕົນ. ສະນັ້ນ, ສັດຂ້າພໍ່ບໍ່ແມ່ນເລື່ອງແປກປະຫຼາດ, ການຂ້າພໍ່ກໍແມ່ນການກະທຳຄືກັບສັດ; ສັດບໍ່ຫ່ອນຈະຂ້າແມ່ດອກ, ສະນັ້ນ, ຖ້າຜູ້ໃດຂ້າແມ່, ຜູ້ນັ້ນກໍຍັງຕ່ຳຕ້ອຍກວ່າສັດ. ເຖິງວ່າອະທິປາຍຂອງເພີ່ນໄຮ້ເຫດຜົນ, ແຕ່ຄົນຟັງແລ້ວໃຜໆກໍຍອມຮັບ.
ໃນສະໄໝດຽວກັນກັບຫງວນຈີນັ້ນມີຫຼາຍໆຄົນມີຊື່ສຽງດົ່ງດັງ, ແຕ່ພວກເຂົາເຈົ້າບາງຄົນຖືກຂ້າຍ້ອນສະແດງຄວາມບໍ່ພໍໃຈຕໍ່ສະພາບຕົວຈິງຂອງສັງຄົມ, ຫລືບາງຄົນຖືກຮຸ້ນຫລັງຕີລາຄາວ່າເສຍກຽດຍ້ອນຍອມຈຳນົນຕໍ່ມະຫາອຳນາດ, ມີແຕ່ຫງວນຈີເຮັດຕ່າງໝູ່, ບໍ່ເຂົ້າຮ່ວມການເຄື່ອນໄຫວການເມືອງ, ສະນັ້ນ, ເພີ່ນບໍ່ພຽງແຕ່ໄດ້ຮັກສາຊີວິດໄວ້ທໍ່ນັ້ນ, ຫາກຍັງໄດ້ຮັກສາກຽດສັກສີຂອງປັນຍາຊົນ, ຈາກນີ້ກໍເຫັນໄດ້ວ່າ, ເພີ່ນເຫັນກວ້າງມອງໄກແລະມີນ້ຳໃຈອົດທົນທີ່ເກັ່ງກວ່າຄົນທຳມະດາ.
1 2
|
|
|
