|
ເມື່ອຫວນຄືນປີ2005ແລ້ວຈະສັງເກດເຫັນວ່າ,ເສດຖະກິດຂອງຈີນໄດ້ພັດທະນາຢ່າງ
ໄວວາຄືກັນກັບຫຼາຍປີທີ່ຜ່ານມາ,ແຕ່ສິ່ງທີ່ຕ່າງກັນນັ້ນແມ່ນພາຍໃນປີ2005,ປະຊາຊົນ
ຈີນໄດ້ຮັບຜົນປະໂຫຍດຈາກໝາກຜົນແຫ່ງການເຕີບໂຕຂອງເສດຖະກິດຫຼາຍກວ່າ
ທຸກປີທີ່ຜ່ານມາ.ບໍ່ວ່າໄທເມືອງຫຼືວ່າຊາວຊົນນະບົດ,ປະຊາຊົນທັງຫຼາຍລ້ວນແຕ່ຮູ້ສຶກ
ວ່າຕົນເອງມີລາຍໄດ້ເພີ່ມຂຶ້ນ,ລະດັບຊີວິດການເປັນຢູ່ກໍສູງກວ່າຫຼາຍປີກ່ອນ.
ທ່ານຫົງທຽນການ ແມ່ນຊາວກະສິກອນຂອງເມືອງອ່ານຊິງແຂວງອ່ານຮຸ່ຍ ພາກກາງຂອງຈີນ.ເນື້ອທີ່ທັນຍາຫານທີ່ທ່ານປູກໃນປີ2005ຄືກັນກັບປີ2004,ແຕ່ລາຍໄດ້ພັດເພີ່ມຂຶ້ນບໍ່ໜ້ອຍ.ທ່ານເວົ້າວ່າ:
"ປີ2005,ແຂວງອ່ານຮຸ່ຍໄດ້ຍົກເລີກອາກອນກະສິກຳຢ່າງຮອບດ້ານ,ແຕ່ລະເຮັກຕາໄດ້ຫຼຸດອາກອນເກືອບ700ຢວນເມື່ອທຽບກັບປີ2004.ປີ2005,ຂ້າພະເຈົ້າໄດ້ປູກເຂົ້າ80ກວ່າເຮັກຕາ,ພຽງແຕ່ລາຍໄດ້ລາຍນີ້,ກໍໄດ້ເພີ່ມຂຶ້ນ5ໝື່ນກວ່າຢວນ."
ໃນປີ2005, ຊາວກະສິກອນຈີນທີ່ໄດ້ຮັບການຍົກເລີກອາກອນຄືກັນກັບທ່ານຫົງທ່ຽນການນັ້ນ, ມີເຖິງ800ລ້ານຄົນ,ນັບລວມແລ້ວ,ອາກອນທີ່ໄດ້ຍົກເລີກມີເຖິງ23ຕື້300ລ້ານຢວນ.ການຫຼຸດແລະຍົກເລີກອາກອນກະສິກຳໄດ້ເຮັດໃຫ້ຊາວກະສິກອນອັນໄພສານຂອງຈີນມີຄວາມຫ້າວຫັນຢ່າງຫຼວງຫຼາຍໃນການຜະລິດ,ອັນໄດ້ຊຸກຍູ້ການຜະລິດທັນຍາຫານແລະເຮັດໃຫ້ລາຍໄດ້ຂອງຊາວກະສິກອນຂອງຈີນເພີ່ມຂຶ້ນ.
ເວົ້າສຳລັບຜູ່ມີລາຍໄດ້ຕ່ຳແລະລາຍໄດ້ຜ້ານກາງໃນຕົວເມືອງຈີນແລ້ວ,ສິ່ງທີ່ພວກເຂົາເຈົ້າຮູ້ສຶກດີໃຈທີ່ສຸດໃນປີ2005ແມ່ນອົງການນິຕິບັນຍັດຈີນຕົກລົງ ຍົກມາດຖານລາຍໄດ້ທີ່ບໍ່ຕ້ອງເສຍອາກອນລາຍໄດ້ສ່ວນຕົວຈາກ800ຢວນຕໍ່ເດືອນທີ່ປະຕິບັດໃນເມື່ອກ່ອນຂຶ້ນເປັນ1600ຢວນ.ເຖິງວ່ານະໂຍບາຍຫຼຸດອາກອນລາຍນີ້ຈະປະຕິບັດຢ່າງເປັນທາງການໃນປີ2006ກໍຕາມ,ແຕ່ຊັ້ນຄົນທີ່ກິນເງິນເດືອນອັນໄພສານແມ່ນຄອງຄອຍນະໂຍບາຍດັ່ງກ່າວຫຼາຍທີ່ສຸດ.
ນາງເສິນເຢ້ຊິ້ວ ອາໄສຢູ່ແຂວງຊ່ານຊີ ພາກເໜືອຂອງຈີນ,ມີລາຍໄດ້ ປະມານ1700ຢວນຕໍ່ເດືອນ,ນາງສະໜັບສະໜູນລັດດັດແກ້ກົດໝາຍອາກອນລາຍໄດ້ສ່ວນຕົວ.ນາງເວົ້າວ່າ,ເວົ້າສຳລັບຜູ່ທີ່ກິນເງິນເດືອນທີ່ມີລາຍໄດ້ຕ່ຳແລະຜ້ານກາງຄືນາງແລ້ວເສັ້ນພື້ນຖານເກັບອາກອນລາຍໄດ້ສ່ວນຕົວສູງຂຶ້ນ,ໝາຍຄວາມວ່າລັດໄດ້ຫຼຸດອາກອນໃຫ້.ນາງໄລ່ໃຫ້ນັກຂ່າວຟັງວ່າ:
"ແຕ່ລະເດືອນ,ຂ້າພະເຈົ້າຕ້ອງເອົາລາຍໄດ້ເຄິ່ງໜຶ່ງຂຶ້ນໄປຈ່າຍຄ່າຊື້ເຮືອນ, ເມື່ອຍົກເສັ້ນພື້ນຖານ ເກັບອາກອນ ຂຶ້ນຮອດ1600ຢວນແລ້ວ,ແຕ່ລະເດືອນ,ເສຍອາກອນໜ້ອຍກວ່າແຕ່ກ່ອນ80ກວ່າຢວນ.ເຖິງວ່າ ບໍ່ຫຼາຍປານໃດ,ແຕ່ກໍຮູ້ສຶກວ່າໃຄແດ່."
ຫຼັງຈາກຍົກມາດຖານເກັບອາກອນລາຍໄດ້ສ່ວນຕົວໃຫ້ສູງຂຶ້ນແລ້ວ,ຝູງຄົນຜູ່ມີລາຍໄດ້ຕ່ຳແລະລາຍໄດ້ຜ້ານກາງຂອງຈີນໄດ້ຮັບຜົນປະໂຫຍດຫຼາຍສົມຄວນ.ຜູ່ຮັບຜິດຊອບທີ່ກ່ຽວຂ້ອງຂອງກົມໃຫຍ່ສ່ວຍສາອາກອນແຫ່ງຊາດຈີນແນະນຳວ່າ,ຍ້ອນປະຕິບັດນະໂຍບາຍດັ່ງກ່າວ,ລາຍຮັບດ້ານການເງິນຂອງລັດຖະບານຈີນຈະຫຼຸດລົງ28ຕື້ຢວນຕໍ່ປີ,ເທົ່າກັບວ່າລັດໄດ້ແບ່ງຜົນປະໂຫຍດໃຫ້ຜູ່ເສຍອາກອນ,ໂດຍສະເພາະແມ່ນຝູງຄົນອັນໄພສານທີ່ມີລາຍໄດ້ຕ່ຳ.ນີ້ຈະແກ້ໄຂໃນລະດັບໃດໜຶ່ງຕໍ່ຊັ້ນຄົນຜູ່ມີລາຍໄດ້ຕ່ຳມີການຫາບແບກອ່າວໜັກໃນດ້ານສ່ວຍສາອາກອນທີ່ສັງຄົມສ່ອງແສງຂຶ້ນຂ້ອນຂ້າງແຮງ,ຈະຊ່ອຍຫຼຸດຄວາມຜິດໂຕນກັນລະຫວ່າງຜູ່ຮັ່ງມີກັບຜູ່ທຸກຍາກ,ປົກປັກຮັກສາຍຸດຕິທຳແລະສະຖຽນລະພາບຂອງສັງຄົມ.
1 2
|
