|
ຜ່ານຈາກການປ່ອນບັດຂອງມວນຊົນແລະການປະກວດຂອງຜູ່ຊ່ຽວຊານ,ຫວ່າງມໍ່ໆນີ້
ໄດ້ສະເຫຼີຍ"ບຸກຄົນເສດຖະກິດຈີນສົກປີ2005"ຢ່າງເປັນທາງການ.ບຸກຄົນເສດຖະກິດ
10ຄົນທີ່ຖືກປະກວດອອກມາຈາກວົງການວິສາຫະກິດໝົດ,ພວກເຂົາເຈົ້າໄດ້ຮັບຄວາມ ຊົມຊອບຈາກສາທາລະນະຊົນແລະໄດ້ຮັບການຢືນຢັນຈາກຜູ່ຊ່ຽວຊານນັ້ນມີມູນເຫດ
ຕ່າງກັນ,ຜົນງານທຸລະກິດວິສາຫະກິດແລະການປະກອບສ່ວນຕໍ່ການພັດທະນາເສດ ຖະກິດສັງຄົມຂອງຈີນເປັນຕົ້ນລ້ວນແຕ່ແມ່ນປັດໄຈສຳຄັນໃນການປະກວດ.
ໃນ20ກວ່າປີທີ່ຜ່ານມາ,ເສດຖະກິດຈີນໄດ້ຮັບໝາກຜົນທີ່ປະຈັກຕາຊາວໂລກ,ຈັງຫວະ
ເຕີບໂຕຂອງGDPຢູ່ໃນລະດັບ9%ຂຶ້ນໄປໄດ້ເຮັດໃຫ້ຍອດປະລິມານເສດຖະກິດຂອງ
ຈີນຂຶ້ນເປັນທີ6ຂອງໂລກໃນປີ2004.ແຕ່ວ່າ,ໃນຂະນະທີ່ເສດຖະກິດເຕີບໂຕດ້ວຍ
ຄວາມໄວສູງ,ບັນຫາຕ່າງໆເຊັ່ນຄວາມສາມາດປະດິດສ້າງຂອງວິສາຫະກິດຈີນບໍ່ແຂງ
ແຮງ,ມູນຄ່າເພີ່ມຂອງຜະລິດຕະພັນຕ່ຳເປັນຕົ້ນໄດ້ຄ່ອຍໆປະກົດອອກມາ.ເພື່ອຮັກສາ
ໃຫ້ເສດຖະກິດຈີນພັດທະນາຢ່າງສືບເນື່ອງ,ຊາວຈີນນັບມື້ນັບຫຼາຍຮຽກຮ້ອງໃຫ້ວິສາ
ຫະກິດພັດທະນາຜະລິດຕະພັນໄຮເທັກທີ່ມີສິດຊັບສິນທາງປັນຍາຂອງຕົນ.
ຍ້ອນວ່າທ່ານເຕິ້ງຈົ່ງຮ້ານ ເຈົ້າໜ້າທີ່ບໍລິຫານສູງສຸດຂອງບໍລິສັດມີໂກຼເອເລັກຕຼົງ
ຈົ່ງຊິງຈຳກັດໄດ້ນຳພາວິສາຫະກິດພັດທະນາ"ຊິບຈີນ" ຊິບສາລະພັດສື່ດີຈີຕອນ,
ເຊິ່ງໄດ້ກວມໂກຕາຕະຫຼາດຊິບວາດພາບຂອງຄອມພິວເຕີໃນທົ່ວໂລກ60%ຂຶ້ນໄປ
ພາຍໃນ6ປີ.ສະນັ້ນ,ທ່ານເຕິ້ງຈົ່ງຮ້ານຈິ່ງໄດ້ຮັບລາງວັນສູງສຸດຂອງບຸກຄົນເສດຖະ
ກິດຈີນສົກປີ2005ຢ່າງບໍ່ມີການໂຕ້ຖຽງກັນ.ໃນພິທີມອບລາງວັນ,ທ່ານເວົ້າວ່າ,ວິສາ ຫະກິດຖືການປະດິດສ້າງເປັນເປົ້າໝາຍຈະກາຍເປັນທ່ວງທ່າທີ່ຕ້ອງເປັນໄປໃນການ
ພັດທະນາເສດຖະກິດຂອງຈີນໃນອະນາຄົດ.ທ່ານເວົ້າວ່າ:
"ຂ້າພະເຈົ້າເຫັນວ່າຂ້າພະເຈົ້າໄດ້ຮັບລາງວັນດັ່ງກ່າວຕາງໜ້າຄົນເຊັ່ນໜຶ່ງທີ່ບາກບັ່ນ
ສູ້ຊົນບົນເສັ້ນທາງສະແຫວງຫາການປະດິດສ້າງຢ່າງເປັນເຈົ້າຕົນເອງ.ຂ້າພະເຈົ້າເຫັນ
ວ່າ,ລາງວັນນີ້ເປັນສັນຍະລັກທີ່ສະແດງໃຫ້ເຫັນວ່າ,ພວກເຮົາໄດ້ສ້າງເສດຖະກິດແບບ
ປະດິດສ້າງທີ່ຖືຕະຫຼາດເປັນສິ່ງນຳພາ,ຖືການປະດິດສ້າງຂອງວິສາຫະກິດເປັນອັດຕະ
ພາບແລະມີສິດຊັບສິນທາງປັນຍາຂອງຕົນເປັນແກນກາງ."
ຖ້າເວົ້າວ່າທ່ານເຕິ້ງຈົ່ງຮານແລະບໍລິສັດຂອງທ່ານໄດ້ຕາງໜ້າເສັ້ນທາງປ່ຽນແປງໃໝ່
ຂອງການພັດທະນາເສດຖະກິດຈີນແລ້ວ,ທ່ານຟູເສິງຢູ ຜູ່ຈັດການໃຫຍ່ບໍລິສັດນ້ຳມັນເ
ຊື້ອໄຟທະເລຈີນໄດ້ຮັບປະກວດນັ້ນ,ກໍສະແດງໃຫ້ເຫັນວ່າ,ແລວຄວາມຄິດຂອງວິສາ
ຫະກິດຈີນທີ່ຂະຫຍາຍໄປພົ້ນທະເລໄດ້ຮັບການສະໜັບສະໜູນແລະຢືນຢັນຈາກຊາວ
ຈີນຫຼາຍໆຄົນ.
ປີ2005,ບໍລິສັດນ້ຳມັນເຊື້ອໄຟທະເລຈີນໄດ້ສະເໜີລາຄາຮັບຊື້18ຕື້500ລ້ານໂດລາສະຫະລັດຕໍ່ບໍລິສັດຢູໂນໂຄວ ບໍລິສັດນ້ຳມັນເຊື້ອໄຟໃຫຍ່ທີ9ຂອງອາເມລິກາ.ເຖິງວ່າແຜນການຮັບຊື້ລາຍນີ້ບໍ່ໄດ້ສຳເລັດຜົນຍ້ອນກຳລັງກົດໜີບດ້ານການເມືອງພາຍໃນປະເທດອາເມລິກາກໍຕາມ,ແຕ່ ທ່ານຟູ້ເສິງຢູ້ເຫັນວ່າ,ປະສົບການເທື່ອນີ້ພັດເຮັດໃຫ້ບໍລິສັດນ້ຳມັນເຊື້ອໄຟທະເລຈີນຈົນກະທັ້ງທົ່ວວົງການວິສາຫະກິດຈີນໄດ້ຮັບຜົນປະໂຫຍດບໍ່ໜ້ອຍ.ທ່ານເວົ້າວ່າ:
"ຂາຫຸ້ນຂອງພວກເຮົາບໍ່ໄດ້ເຫັນວ່າພວກເຮົາປະລາໄຊແລ້ວ,ເພາະວ່າພວກເຮົາໄດ້ສູ້ກັບຄູ່ແຂ່ງໃນຕະຫຼາດທຶນສາກົນຕາມກະຕິກາສາກົນ,ບັນດາຂາຫຸ້ນຮູ້ສຶກດີໃຈຫຼາຍຕໍ່ການປະພຶດຂອງພວກເຮົາ,ຕະຫຼາດທຶນກໍເຫັນວ່າບໍລິສັດພວກເຮົາແມ່ນວິສາຫະກິດທີ່ສຸກງອມ.ນອກນີ້,ການສູ້ຢັນກັນເທື່ອນີ້ໄດ້ສ້າງໂສມໜ້າໃຫ້ວິສາຫະກິດຈີນຢູ່ຕະຫຼາດສາກົນ,ເສຍເງິນຫຼາຍເທົ່າໃດກໍຊື້ໂສມໜ້ານີ້ບໍ່ໄດ້."
ຜູ່ແທນລັດວິສາຫະກິດທີ່ໄດ້ຮັບປະກວດເປັນບຸກຄົນເສດຖະກິດຈີນສົກປີ2005ຍັງມີທ່ານພານກ່າງ ປະທານຄະນະອຳນວຍການກຸ່ມອີລີ,ທ່ານເວີຍເຈຍຟູ ຜູ່ອຳນວຍການໃຫຍ່ກຸ່ມບໍລິສັດຂົນສົ່ງທາງທະເລຈີນ,ທ່ານຖານຊູກວ່າງ ປະທານຄະນະອຳນວຍການບໍລິສັດແມ່ແຮງເວິຍສາຍຫຸ້ນສ່ວນຈຳກັດແລະທ່ານໂຈ່ວໂຮ້ວຈ້ຽນ ປະທານຄະນະອຳນວຍການກຸ່ມບໍລິສັດຮາຍຊິນ.
1 2
|
