|
|
 |
| (GMT+08:00)
2006-01-17 20:45:21
|
 |
|
ບຸກຄົນເສດຖະກິດສົກປີ2005ສະແດງໃຫ້ເຫັນຈຸດຮຸ່ງໃໝ່ແຫ່ງການພັດທະນາເສດຖະກິດຂອງຈີນ(ສຽງ)
cri
ຈຸດຮຸ່ງອີກຈຸດໜຶ່ງຂອງການປະກວດເທື່ອນີ້ແມ່ນນັກທຸລະກິດເອກະຊົນທໍ່ກັນກັບຜູ່ແທນລັດວິສາຫະກິດ,ຕ່າງໄດ້ກວມເຄິ່ງໜຶ່ງໃນຜູ່ທີູ່ໄດ້ຮັບປະກວດ.ນັກທຸລະກິດເອກະຊົນເຫຼົ່ານີ້ລວມທັງທ່ານເຕິ້ງຈົ່ງຮ້ານ ຜູ່ໄດ້ລາງວັນສູງສຸດຂອງບຸກຄົນ ສົກປີ2005,ທ່ານວາງຈ້ຽນລິນ ປະທານຄະນະອຳນວຍການກຸ່ມ ວານຕາຕ້າລຽນທີ່ສ້າງຕັ້ງກອງທຶນທຳອິດທີ່ຊ່ອຍເຫຼືອຊາວກະສິກອນທີ່ໄປເຮັດວຽກໃນຕົວເມືອງຂອງຈີນ,ທ່ານລີຢຽນຫົງ ເຈົ້າໜ້າທີ່ ບໍລິຫານສູງສຸດຂອງບໍລິສັດເຕັກນິກອິນເຕີເນັດປາຍຕູ່ຈຳກັດແລະທ່ານອື່ນໆ.ທ່ານຫວງເມິ້ງຟູ ປະທານສະຫະພັນອຸດສາຫະກຳການຄ້າທົ່ວປະເທດຈີນກ່າວວ່າ,ພວກທ່ານໄດ້ຮັບການປະກວດສະແດງໃຫ້ເຫັນວ່າ,ເສດຖະກິດເອກະຊົນໄດ້ເສີມຂະຫຍາຍບົດບາດນັບມື້ນັບຫຼາຍໃນເສດຖະກິດຂອງຈີນ.
"ເສດຖະກິດເອກະຊົນຂອງຈີນໄດ້ແກ້ໄຂບັນຫາຕຳແໜ່ງວຽກງານ75%ຂຶ້ນໄປຂອງຈີນ,ເສດຖະກິດເອກະຊົນແລະນັກທຸລະກິດເອກະຊົນຂອງຈີນໄດ້ປະກອບສ່ວນອັນດີເລີດເຂົ້າໃນການພັດທະນາເສດຖະກິດແລະສັງຄົມຂອງຈີນ."
ນອກຈາກໄດ້ປະກວດບຸກຄົນເສດຖະກິດສົກປີ200510ຄົນແລ້ວ,ການປະກວດເທື່ອນີ້ຍັງໄດ້ຕັ້ງລາງວັນສາທາລະນະປະໂຫຍດສັງຄົມຕ່າງຫາກ,ເພື່ອຍ້ອງຍໍບຸກຄົນທີ່ພະຍາຍາມຊຸກຍູ້ໃຫ້ເສດຖະກິດແລະສັງຄົມຂອງຈີນພັດທະນາຢ່າງກົມກຽວກັນ.ທ່ານນາງລ້ຽວສຽວຢີ້ ຜູ່ສ້າງສູນວັດທະນະທຳສິ່ງແວດລ້ອມບ້ານໜ່ວຍໂລກປັກກິ່ງໄດ້ຮັບລາງວັນດັ່ງກ່າວ.
ແຕ່ສ້າງຕັ້ງບ້ານໜ່ວຍໂລກປັກກິ່ງ ອົງການອະນຸລັກສິ່ງແວດລ້ອມທີ່ບໍ່ແມ່ນລັດຖະບານເມື່ອປີ1995ມານີ້,ທ່ານນາງລ້ຽວສຽວຢີ້ໄດ້ສ້າງຟິມທີ່ມີຄໍລຳພິເສດອະນຸລັກສິ່ງແວດລ້ອມຮ້ອຍກວ່າເລື່ອງ,ໄດ້ຈັດຕັ້ງ"ເວທີປາໄສນັກຂ່າວກ່ຽວກັບພະລັງງານແບບຍືນຍົງ".ນາງຮຽກຮ້ອງໃຫ້ມວນຊົນອອກເດີນທາງດ້ວຍພາຫະນະຄົມມະນາຄົມສາທາລະນະ,ຫຼຸດການລະບາຍອາຍເສຍຂອງລົດຍົນແລະການສິ້ນເປືອງພະລັງງານໃຫ້ໜ້ອຍລົງ.ນາງຍັງແມ່ນບຸກຄົນອະນຸລັກສິ່ງແວດລ້ອມຝ່າຍລາດຈີນພຽງຜູ່ດຽວທີ່ໄດ້ຮັບລາງວັນໂຊຟີ ລາງວັນສິ່ງແວດລ້ອມແລະການພັດທະນາສາກົນໃນປັດຈຸບັນ.ໃນເວລາໃຫ້ສຳພາດຕໍ່ນັກຂ່າວ,ທ່ານນາງລ້ຽວສຽວຢີ້ກ່າວວ່າ,ເສດຖະກິດພັດທະນາຢ່າງໄວວາແມ່ນກຳລັງກົດໜີບຢ່າງແຂງແຮງຕໍ່ສິ່ງແວດລ້ອມຂອງຈີນ.ວຽກງານອະນຸລັກສິ່ງແວດລ້ອມຕ້ອງການລັດຖະບານ,ວິສາຫະກິດແລະສາທາລະນະຊົນເຂົ້າຮ່ວມພ້ອມກັນ.
"ມື້ນີ້ຂ້າພະເຈົ້າໄດ້ຮັບກຽດພິເສດນີ້,ໄດ້ສະແດງໃຫ້ເຫັນວ່າລັດຖະບານແລະສາທາລະນະຊົນແມ່ນສົ່ງເສີມແລະຄອງຄອຍວຽກງານຂອງອົງການອະນຸລັກສິ່ງແວດລ້ອມຝ່າຍລາດ.ແມ່ນແທ້,ເສດຖະກິດຈີນແຮ່ງພັດທະນາ,ກໍແຮ່ງຕ້ອງການຄົນຫຼາຍກວ່າເກົ່າ ເອົາໃຈໃສ່ນຳຄວາມຍຸດຕິທຳທາງສັງຄົມແລະການອະນຸລັກສິ່ງແວດລ້ອມ."
ການປະກວດບຸກຄົນເສດຖະກິດສົກປີ2005ເທື່ອນີ້ໄດ້ຮັບຄວາມເອົາໃຈໃສ່ໂດຍທົ່ວໄປຢູ່ຈີນ.ພຽງແຕ່ຢູ່ເວັບໄຊທີ່ກ່ຽວຂ້ອງກໍມີຫຼາຍລ້ານຄົນໄດ້ເຂົ້າຮ່ວມການປ່ອນບັດ.ບຸກຄົນວົງການເສດຖະກິດກ່າວວ່າ,ໃນໜຶ່ງປີທີ່ຜ່ານມາ,ອົງປະກອບຂອງເສດຖະກິດຈີນພວມດີຂຶ້ນຢ່າງບໍ່ຢຸດຢັ້ງ,ເສດຖະກິດເອກະຊົນຄຶກຄັກກວ່າເກົ່າ,ວິສາຫະກິດໄຮເທັກໂດຍສະເພາະແມ່ນວິສາຫະກິດທີ່ມີສິດຊັບສິນທາງປັນຍາເປັນຂອງຕົນເອງແລະເຕັກນິກແກນກາງໄດ້ເພີ່ມຂຶ້ນເລື້ອຍໆ.ພ້ອມກັນນັ້ນ,ການອະນຸລັກສິ່ງແວດລ້ອມແລະປະຢັດພະລັງງານພວມກາຍເປັນບັນຫາທີ່ທົ່ວສັງຄົມເອົາໃຈໃສ່ນຳກັນ.ຈຸດຮຸ່ງໃໝ່ເຫຼົ່ານີ້ ສະແດງໃຫ້ເຫັນວ່າ,ເສດຖະກິດຈີນພວມຂະຫຍາຍໄປສູ່ທິດທີ່ປອດໃສກວ່າເກົ່າແລະກົມກຽວກວ່າເກົ່າ.
1 2
|
|
|
