|
|
 |
| (GMT+08:00)
2006-01-17 21:00:04
|
 |
|
ນາງລຽງຢົງສີກັບເພງຂອງນາງ(ສຽງ)
cri
Author: MO
|
 ທີ່ນີ້, ວິທະຍຸສາກົນແຫ່ງປະເທດຈີນ, ສະບາຍດີທ່ານຜູ້ຟັງທີ່ເຄົາລົບ, ຊົມເຊີຍທ່ານຮັບຟັງລາຍຢ່ອນອາລົມໃນວັນເສົາ, ຂ້າພະເຈົ້າແມ່ນແສງແກ້ວ. ທ່ານຜູ້ຟັງ, ນາງລຽງຢົງສີແມ່ນນັກຮ້ອງຮົງກົງທີ່ມີຊື່ສຽງ, ຫວ່າງບໍ່ດົນນີ້, ນາງໄດ້ອັດຈຳໜ່າຍCDແຜ່ນທີ 10 ຂອງນາງທີ່ໃຫ້ຊື່ວ່າ: Shun shi zhen ໄປຕາມເຂັມໂມງ, ມີເພງໃໝ່ 3 ເພງແລະເພງເກົ່າ27ເພງ, ໄດ້ຮັບຄວາມນິຍົມຫລາຍຈາກແຟນເພງທັງຫຼາຍ. ໃນລາຍການມື້ນີ້, ແສງແກ້ວຂໍແນະນຳນາງລຽງຢົງສີກັບＣＤແຜ່ນໃໝ່ຂອງນາງສູ່ຟັງ.
ທີ່ທ່ານພວມຟັງຢູ່ນີ້ແມ່ນເພງDuan fa ຜົມສັ້ນ. ເນື້ອເພງມີຢູ່ວ່າ: ຂ້ອຍໄດ້ຕັດຜົມສັ້ນ, ຕັດຄວາມຫ່ວງໃຍ, ຕັດຄວາມເກີ້ເຂີນທີ່ບາດໃຈຂ້ອຍນັ້ນຖີ້ມ. ຕັດຄວາມຫວານແລະຄວາມຂີ້ຕົວະຂອງເຈົ້າໃຫ້ຂາດອອກບາດດຽວ. ໃນທຳນອງເພງອັນໂສກເສົ້າ, ນາງລຽງຢົງສີໄດ້ບັນຍາຍອາລົມອົກຮັກຢ່າງພໍດ້າມພໍດີ.
ນາງລຽງຢົງສີຮຽນຈົບຈາກມະຫາວິທະຍາໄລການຊ່າງຮົງກົງ, ໄດ້ຂຶ້ນສູ່ເວທີເພງເມື່ອປີ 1995. ນາງບໍ່ພຽງແຕ່ເປັນຄົນງາມ, ທັງແຕ້ມຮູບ ແຕ່ງເນື້ອເພງກໍເກັ່ງແລະທັງສີປາກກໍດີ. ໃນ 10 ປີມານີ້, ນາງລຽງຢົງສີໄດ້ສ້າງພາບພົດທີ່ບໍລິສຸດສວຍງາມໄວ້ກັບແຟນເພງ, ເພງຂອງນາງກໍໄດ້ຈາກທຳນອງໄຮ້ດຽງສາໜ້າຮັກໃນຍາມເລີ່ມຕົ້ນ ຄ່ອຍໆໄປສູ່ສຸກງອມແລະເຊື່ອໝັ້ນຕົນເອງ. ແຜ່ນCD"ໄປຕາມເຂັມໂມງ"ແມ່ນແຜ່ນທີ 10 ແຕ່ນາງເຂົ້າສູ່ວົງການເພງ 10 ປີມານີ້, ອາດເວົ້າໄດ້ວ່າ, ແມ່ນການສະຫຼຸບເພງເມື່ອກ່ອນ. ດ້ວຍເຫດນີ້, ນາງລຽງຢົງສີຈຶ່ງໄດ້ເຂົ້າຮ່ວມການ ເປັນຄັ້ງທຳອິດ, ໄດ້ຄັດເລືອກເອົາເພງເກົ່າ27ເພງໃນຫລາຍຮ້ອຍເພງຂອງນາງ, ເປັນຕົວແທນໃຫ້ແກ່ຜົນງານໃນ 10 ປີຂອງນາງ.
ຄຳປະຕິຍານຕົວໃນເມື່ອກ່ອນ ເຈົ້າຍັງຈື່ໄດ້ບໍ່? ຂ້ອຍບໍ່ຢາກນັ່ງອວດເກັ່ງຜູ້ດຽວຢູ່ໃນຄວາມຊົງຈຳ. ເວລາຈະຖອຍກັບຄືນຮອດຍາມເລີ່ມຕົ້ນບໍ່ໄດ້ດອກ, ມີແຕ່ຢາກໃຫ້ລົມພັດແບບນີ້, ແລ້ວຄ່ອຍໆລືມໄປຕາມເຂັມໂມງ. ທີ່ທ່ານພວມຟັງຢູ່ນີ້ແມ່ນເພງShun shi zhen ໄປຕາມເຂັມໂມງ.
1 2 3
|
|
|
