|
ຂະແໜງການບໍລິການແມ່ນກຳລັງສຳຄັນທີ່ຊັກນຳການພັດທະນາເສດຖະກິດໃນປັດຈຸບັນ.ໃນຫຼາຍປີມານີ້,ຂະແໜງການບໍລິການຂອງຈີນກໍໄດ້ພັດທະນາຢ່າງໄວວາ,ບໍ່ວ່າຂະແໜງການກິ່ນດື່ມ,ການຂ່າຍຍ່ອຍ,ຫຼືວ່າການຈໍລະຈອນສິນຄ້າ,ການທ່ອງທ່ຽວ,ການທະນາຄານ,ຂະແໜງການບໍລິການຊະນິດຕ່າງໆລ້ວນແຕ່ໄດ້ມີການພັດທະນາຢ່າງຟົດຟື້ນ.
ທ່ານນາງລີຮຸ້ຍ ເຮັດວຽກຢູ່ເສີນເຈິ້ນ ເມືອງພາກໃຕ້ຂອງຈີນ,ຫວ່າງມໍ່ໆນີ້,ມີເລື່ອງໜຶ່ງນາງຮູ້ສຶກດີໃຈທີ່ສຸດຄື,ນາງໄດ້ປະກົດເຫັນວ່າຈະສັ່ງຊື້ອາຫານຜ່ານຈາກອິນເຕີເນັດໄດ້,ແລ້ວກໍສາມາດກິນອາຫານແຊບໆທີ່ຮ້ານຄ້າສົ່ງມາຮອດເຮືອນ.ນາງເວົ້າວ່າ:"ໃນມື້ພັກ,ຢູ່ເຮືອນ,ຂີ້ຄ້ານແຕ່ງກິນ,ກໍບໍ່ຢາກໄປກິນຢູ່ນອກເຮືອນ, ໄດ້ຍິນວ່າ ສັ່ງອາຫານຢູ່ອິນເຕີເນັດໄດ້,ກໍເລີຍໄປຊອກຢູ່ອິນເຕີເນັດ,ພົບເຫັນວ່າຕີຊື່ອາຫານເຂົ້າຄອມພິວເຕີໂດຍກົງກໍຊອກໄດ້ຮ້ານອາຫານທີ່ກ່ຽວຂ້ອງ,ຈັ່ງແມ່ນສະດວກຫຼາຍ."
ປັດຈຸບັນ,ຢູ່ຈີນ,ເລື່ອງຄືທ່ານນາງລີຮຸ້ຍທີ່ໄດ້ຮັບຄວາມສະດວກດ້ານຊີວິດການເປັນຢູ່ຈາກຂະແໜງການບໍລິການ ນັ້ນຍັງມີຫຼວງຫຼາຍ.ຕົວຢ່າງຄື,ຖ້າທ່ານໄປທ່ອງທ່ຽວ,ຢາກຊື້ປີ້ຍົນຫຼືປີ້ລົດ,ມີແຕ່ໂທລະສັບຫຼືເຂົ້າອິນເທີເນັດ,ສະໜອງຂໍ້ມູນຂ່າວສານອັນຈຳເປັນພະແນກຂາຍປີ້,ພວກຂະເຈົ້າກໍສົ່ງປີ້ຍົນຫຼືປີ້ລົດໄປຮອດບ່ອນທີ່ທ່ານກຳນົດໄວ້.ນອກນີ້,ເລື່ອງຕ່າງໆໃນຊີວິດການເປັນຢູ່ຄື ຊື້ຂອງ,ຈ້າງຄູສອນຢູ່ເຮືອນ,ຈ້າງແມ່ລ້ຽງໃນເຮືອນ,ຈ່າຍຄ່ານ້ຳປະປາ,ຄ່າໄຟຟ້າເປັນຕົ້ນ, ລ້ວນແຕ່ມີອົງການສະເພາະສະໜອງການບໍລິການຢ່າງຮອບຄອບ.
ຄຽງຄູ່ກັບຊາວຈີນມີລາຍໄດ້ເພີ່ມຂຶ້ນເລື້ອຍໆ,ໃນດ້ານເຄື່ອງນຸ່ງຫົ່ມ,ການກິນການຢູ່ແລະການອອກເດີນທາງ,ຄົນທັງຫຼາຍຕ້ອງການໃຫ້ສັງຄົມສະໜອງການບໍລິການ ນັບມື້ນັບຫຼາຍ, ຄວາມຕ້ອງການເພີ່ມຂຶ້ນເລື້ອຍໆ,ກໍໄດ້ຊຸກຍູ້ໃຫ້ຂະແໜງການບໍລິການຂອງຈີນພັດທະນາໄປໜ້າ.
ການພັດທະນາຂອງຂະແໜງການບໍລິການບໍ່ພຽງແຕ່ໄດ້ນຳເອົາຄວາມສະດວກມາໃຫ້ຊີວິດການເປັນຢູ່ຂອງຄົນຈີນເທົ່ານັ້ນ,ແລະກໍໄດ້ຊຸກຍູ້ການພັດທະນາການຜະລິດແລະທຸລະກິດຂອງວິສາຫະກິດຈີນ.ຕົວຢ່າງຄື, ຮູບການບໍລິການແບບໃໝ່ເຊັ່ນທຸລະກິດແບບຕ່ອງໂສ້,ການຈໍລະຈອນແລະຈັດສົ່ງສິນຄ້າ,ການຄ້າເອເລັກໂຕຼນິກເປັນຕົ້ນກໍໄດ້ຈະເລີນໃໝ່ຢູ່ຈີນ,ແລະໄດ້ເສີມຂະຫຍາຍບົດບາດຢ່າງຕັ້ງໜ້າໃນການຊຸກຍູ້ໃຫ້ວິສາຫະກິດການຜະລິດຫຼຸດຕົ້ນທຶນການຜະລິດ,ວິສາຫະກິດການຄ້າຍົກປະສິດທິພາບທຸລະກິດໃຫ້ສູງຂຶ້ນແລະອຶ່ນໆ.
ກຸ່ມບໍລິສັດສ້ຽວທຽນເອີແມ່ນວິສາຫະກິດເຄື່ອງໄຟຟ້າໃຊ້ໃນເຮືອນຂະໜາດໃຫຍ່ຂອງຈີນ,ຕົ້ນຕໍແມ່ນຜະລິດຈັກຊັກເຄື່ອງ.ແຕ່ລະປີໄດ້ຈຳໜ່າຍຈັກຊັກເຄື່ອງປະມານ4ລ້ານເຄື່ອງ.ແຕ່ກ່ອນ,ວິສາຫະກິດດັ່ງກ່າວຕົ້ນຕໍແມ່ນອາໄສຂະບວນລົດຂອງຕົນຂົນສົ່ງຜະລິດຕະພັນໄປແຫ່ງຕ່າງໆ, ບໍ່ພຽງແຕ່ຕົ້ນທຶນສູງ,ຍັງໄດ້ກະທົບກະເທືອນເຖິງຜົນກຳໄລຢ່າງຫຼວງຫຼາຍ.
ປີ2001,ກຸ່ມບໍລິສັດສ້ຽວທຽນເອີໄດ້ຮ່ວມ ກັບວິສາຫະກິດເຄື່ອງໄຟຟ້າໃຊ້ໃນເຮືອນອີກຫຼັງໜຶ່ງແລະບໍລິສັດຈໍລະຈອນສິນຄ້າຫຼັງໜຶ່ງ,ສ້າງຕັ້ງບໍລິສັດຈໍລະຈອນສິນຄ້າວິຊາສະເພາະຫຼັງທຳອິດໃນຂະແໜງການເຄື່ອງໄຟຟ້າໃຊ້ໃນເຮືອນຂອງຈີນ.ບໍລິສັດຈໍລະຈອນສິນຄ້າດັ່ງກ່າວນອກຈາກຊ່ອຍກຸ່ມບໍລິສັດສ້ຽວທຽນເອີເລືອກເອົາແຜນການ ຂົນສົ່ງ,ຕິດຕາມສະພາບສິນຄ້າໃນເວລາຂົນສົ່ງແລ້ວ,ຍັງຮັບຜິດຊອບກຳນົດປະລິມານສິນຄ້າແລະໄລຍະເວລາທີ່ເກັບໄວ້ສາງທີ່ດີທີ່ສຸດ,ເຮັດວຽກງານເພີ່ມເດີມສິນຄ້າແລະຄຸ້ມຄອງໃບສັ່ງຊື້ສິນຄ້າເປັນຕົ້ນໃຫ້ດີຕະຫຼອດເວລາ.ເຮັດແນວນີ້,ບໍ່ພຽງແຕ່ໄດ້ຫຼຸດຕົ້ນທຶນຂົນສົ່ງເທົ່ານັ້ນ,ແລະຍັງໄດ້ຍົກປະສິດທິພາບການຂົນສົ່ງໃຫ້ສູງຂຶ້ນແລະສ້າງຜົນກຳໄລຫຼາຍກວ່າເກົ່າ.
1 2
|
