|
|
 |
| (GMT+08:00)
2006-01-24 10:22:44
|
 |
|
ຂະແໜງການບໍລິການຂອງຈີນ(ສຽງ)
cri
ທ່ານສູຢວນ ຮອງປະທານກຸ່ມບໍລິສັດສ້ຽວທຽນເອີບອກນັກຂ່າວວ່າ,ປັດຈຸບັນ,ພວກເຂົາເຈົ້າໄດ້ປະຢັດຕົ້ນທຶນຈໍລະຈອນສິນຄ້າ37%,ສິ່ງທີ່ເຮັດໃຫ້ພວກເຂົາເຈົ້າດີໃຈກວ່ານັ້ນແມ່ນ,ໃນຖານເປັນຂາຫຸ້ມຂອງບໍລິສັດຈໍລະຈອນສິນຄ້າ,ແຕ່ລະປີ,ພວກເຂົາເຈົ້າຍັງໄດ້ຮັບຄ່າຕອບແທນ:
"ຍ້ອນເປັນຂາຫຸ້ນ,ແຕ່ລະປີ,ພວກເຮົາຈະໄດ້ຮັບຄ່າຕອບແທນປະມານ15%ຮອດ20%.ພວກເຮົາບໍ່ພຽງແຕ່ໄດ້ຫຼຸດຕົ້ນທຶນໃຫ້ຕ່ຳລົງ,ແລະໃນນາມເປັນຂາຫຸ້ນກໍໄດ້ແບ່ງປັນຜົນກຳໄລສ່ວນໜຶ່ງ,ທັງນີ້ແມ່ນດີກວ່າພວກເຮົາເຮັດວຽກຈໍລະຈອນສິນຄ້າເອົາເອງຢ່າງຫຼວງຫຼາຍ."
ຕາມສະຖິຕິ,ນັບມາຮອດເດືອນກັນຍາປີກາຍນີ້,ຂະແໜງການຈໍລະຈອນສິນຄ້າຂອງຈີນໄດ້ສ້າງມູນຄ່າເພີ່ມ680ກວ່າຕື້ຢວນ,ເພີ່ມຂຶ້ນຫຼາຍກວ່າເວລາດຽວກັນຂອງປີ2004 14%,ກວມ21%ຂອງຍອດມູນຄ່າເພີ່ມທັງໝົດຂອງຂະແໜງການບໍລິການໃນໄລຍະດຽວກັນ.
ຫວ່າງກ່ອນນີ້ບໍ່ດົນ.ກົມສະຖິຕິແຫ່ງຊາດຈີນໄດ້ອີງຕາມຜົນການສຳຫຼວດເສດຖະກິດທົ່ວປະເທດ,ດັດແກ້ຕົວເລກGDPຂອງຈີນໃນປີ2004.ສະຖິຕິຫຼ້າສຸດສະແດງໃຫ້ເຫັນວ່າ,GDPຂອງຈີນໃນປີ2004ມີເກືອບ1ໝື່ນ6ພັນຕື້ຢວນ,ເມື່ອທຽບກັບຕົວເລກສະຖິຕິເກົ່າແລ້ວ,ໄດ້ເພີ່ມຂຶ້ນ2300ຕື້ຢວນ.ໃນພາກສ່ວນທີ່ເພີ່ມໃໝ່,ມີປະມານ90%ແມ່ນມາຈາກຂະແໜງການບໍລິການເຊິ່ງວິທີສະຖິຕິເກົ່າບໍ່ໄດ້ຄິດໄລ.ປັດຈຸບັນ,ມູນຄ່າເພີ່ມຂອງຂະແໜງການບໍລິການຂອງຈີນກວມGDPໄດ້ເພີ່ມຈາກ32%ກ່ອນດັດແກ້ຕົວເລກຂຶ້ນຮອດ41%.
ທ່ານຫຼີເຕິສຸ້ຍ ຫົວໜ້າກົມສະຖິຕິແຫ່ງຊາດຈີນເຫັນວ່າ,ອັດຕາສ່ວນຂອງຂະແໜງການບໍລິການ ສູງຂຶ້ນ,ກໍໄດ້ສະແດງໃຫ້ເຫັນຈາກດ້ານໜຶ່ງວ່າ,ທີ່ຈິງແລ້ວ,ອົງປະກອບ ເຕີບໂຕຂອງເສດຖະກິດຈີນສົມເຫດສົມຜົນແລະປອດໃສກວ່າສະພາບທີ່ສະຖິຕິເດີມສ່ອງແສງອອກມາ.ທ່ານກ່າວວ່າ,
"ຫວ່າງກ່ອນນີ້ບໍ່ດົນ,ໃນໂລກມີຄົນເວົ້າວ່າ,ການເຕີບໂຕຂອງເສດຖະກິດຈີນຕົ້ນຕໍແມ່ນອາໃສອຸດສາຫະກຳໂດຍສະເພາະແມ່ນຂະແໜງການຜະລິດ,ຍັງເວົ້າວ່າແມ່ນຊັກນຳໂດຍການຄ້າຂາອອກທີ່ແຂງແຮງ,ເມື່ອເບິ່ງຈາກສະພາບປັດຈຸບັນແລ້ວເຫັນວ່າ,ຈະວິນິໄສຢ່າງງ່າຍດາຍບໍ່ໄດ້.ເມື່ອເບິ່ງຈາກຜົນການສຳຫຼວດທົ່ວໄປຂອງພວກຂ້າພະເຈົ້າແລ້ວເຫັນວ່າ,ຂະແໜງການບໍລິການໄດ້ປະກອບສ່ວນຫຼາຍເພື່ອເສດຖະກິດຈີນເຕີບໂຕ."
ແຕ່ວ່າ,ໃນເວລາພັດທະນາຢ່າງວ່ອງໄວ,ຂະແໜງການບໍລິການຂອງຈີນກໍມີບັນຫາບໍ່ໜ້ອຍ.ຕົ້ນຕໍແມ່ນສະແດງໃຫ້ເຫັນໃນດ້ານຕ່າງໆເຊັ່ນຄຸນນະພາບບໍລິການມັງທັງອັນດີອັນບໍ່ດີ,ຄຸນທາດຂອງຜູ່ປະຕິບັດງານບໍ່ສູງເປັນຕົ້ນ,ໂດຍສະເພາະແມ່ນໃນຂົງເຂດບໍລິການທີ່ມີການພົວພັນຢ່າງໃກ້ຊິດກັບຊີວິດການເປັນຢູ່ຂອງໄທເມືອງ,ຍັງມີການກ່າວຟ້ອງຫຼາຍສົມຄວນ.
ໂດຍແນໃສ່ບັນຫາທີ່ປະກົດອອກໃນການພັດທະນາຂະແໜງການບໍລິການ,ບຸກຄົນວົງການດັ່ງກ່າວຊີ້ອອກວ່າ,ຕ້ອງຍົກລະດັບຂອງຂະແໜງການບໍລິການຂອງຈີນໃຫ້ສູງຂຶ້ນ,ວິສາຫະກິດຕ້ອງເພີ່ມທະວີການປະຕິບັດວິໄນຕໍ່ຕົນເອງ,ລັດຖະບານຕ້ອງວາງກົດໝາຍກົດບັນຍັດທີ່ກ່ຽວຂ້ອງເພື່ອເຮັດໃຫ້ການປະພຶດໃນຕະຫຼາດເປັນແບບສະບັບ.ນອກນີ້,ເຖິງວ່າຂະແໜງການບໍລິການຂອງຈີນໄດ້ມີການພັດທະນາຢ່າງໃຫຍ່ຫຼວງແລ້ວກໍຕາມ,ແຕ່ເມື່ອທຽບກັບຫຼາຍປະເທດພັດທະນາແລ້ວ,ຂະແໜງການບໍລິການຍັງກວມອັດຕາສ່ວນອ່າວຕ່ຳໃນເສດຖະກິດຈີນ,ດັ່ງນັ້ນ,ຈີນຍັງຕ້ອງເລັ່ງລັດຊຸກຍູ້ການປະຕິຮູບໂຄງປະກອບຂະແໜງການບໍລິການພ້ອມດ້ວຍຂົງເຂດທີ່ກ່ຽວຂ້ອງ,ສົ່ງເສີມການແຂ່ງຂັນໃນຕະຫຼາດ.ນອກຈາກສືບຕໍ່ພັດທະນາຂະແໜງການບໍລິການດັ້ງເດີມເຊັ່ນການກິ່ນດື່ມ,ຂາຍຍ່ອຍ,ແລະການທ່ອງທ່ຽວເປັນຕົ້ນແລ້ວ,ຍັງຕ້ອງເລັ່ງລັດພັດທະນາຂະແໜງການບໍລິການຍຸກປັດຈຸບັນເຊັ່ນການທະນາຄານ,ຂໍ້ມູນຂ່າວສານແລະຈໍລະຈອນສິນຄ້າເປັນຕົ້ນ.
1 2
|
|
|
