|
|
 |
| (GMT+08:00)
2006-02-14 22:12:10
|
 |
|
ເຕັກນິກແກນກາງແລະຍີ່ຫໍ້ຕົນເອງຍົກກຳລັງແກ່ງແຍ່ງຂອງວິສາຫະກິດຈີນໃຫ້ສູງຂຶ້ນ(ສຽງ)
cri
ພາຍຫຼັງໄດ້ ກຳ ເຕັກນິກແກນກາງຂອງຕົນແລ້ວ,ວິສາຫະກິດຈີນກໍໄດ້ເລີ່ມບົ່ງເພາະຍີ່ຫໍ້ຂອງຕົນ.ແຕ່ກ່ອນ,ຫຼາຍວິສາຫະກິດຂອງຈີນໄດ້ກາຍເປັນແຫຼ່ງປຸງແຕ່ງຂອງວິສາຫະກິດຊື່ດັງໃນໂລກ.ເຖິງວ່າຜະລິດຕະພັນຂາຍດິບຂາຍດີກໍຕາມ,ແຕ່ບໍລິສັດຂ້າມຊາດໄດ້ຮັບຜົນກຳໄລຈາກການຈຳໜ່າຍສ່ວນຫຼາຍ.ເພື່ອປ່ຽນແປງສະພາບດັ່ງກ່າວ,ວິສາຫະກິດຈີນທີ່ກຳລັງເຕັກນິກໄດ້ຍົກສູງຂຶ້ນແລ້ວນັ້ນກໍໄດ້ເລີ່ມສ້າງຍີ່ຫໍ້ຜະລິດຕະພັນຂອງຕົນ.
ບໍລິສັດລົດຍົນເຊີຣີຈີນສ້າງຕັ້ງຂຶ້ນເມື່ອປີ1997,ແມ່ນວິສາຫະກິດຜະລິດລົດຍົນທີ່ມີຍີ່ຫໍ້ເປັນຂອງຕົນ.ໃນຫົກເດືອນຕົ້ນປີ2005,ລົດຍົນເຊີຣີໄດ້ກວມ1/3ຂອງຍອດບໍລິມາດລົດຍົນ ທີ່ ຈີນ ສົ່ງອອກຂາຍນອກ.ທ່ານອິນຖົງຢ້າວ ປະທານຄະນະອຳນວຍການທັງເປັນຜູ່ຈັດການໃຫຍ່ຂອງບໍລິສັດລົດຍົນເຊີຣີກ່າວວ່າ:"ມີແຕ່ມີຍີ່ຫໍ້ ຂອງຕົນເອງແລ້ວ,ຜະລິດຕະພັນຂອງພວກເຮົາຈິ່ງສົ່ງໄປຂາຍຢູ່ຕ່າງປະເທດໄດ້.ເພາະວ່າຍີ່ຫໍ້ທຶນຕ່າງປະເທດບໍ່ອາດຈະໃຫ້ຄູ່ຮ່ວມມືຢູ່ຈີນແບ່ງປັນຜົນກຳໄລ."
ນອກຈາກຄົ້ນຄວ້າເຕັກນິກແກນກາງຂອງຕົນທີ່ມີລະດັບໂລກໃນຂົງເຂດຂະແໜງການຜະລິດດັ້ງເດີມແລ້ວ,ໃນບາງຂົງເຂດເຕັກນິກໄຮເຕັກ,ວິສາຫະກິດຈີນກໍໄດ້ມີຄວາມສາມາດຄົ້ນຄວ້າພັດທະນາທີ່ເທົ່າກັນກັບລະດັບກ້າວໜ້າຂອງໂລກ.
3Gແມ່ນເຕັກນິກໂທລະຄົມທີ່ຖືເທີມີໂນໂທລະຄົມບໍ່ມີສາຍເຊັ່ນໂທລະສັບມືຖືເປັນພື້ນຖານ,ສະໜອງການບໍລິການທີ່ມີເນື້ອໃນຫຼາຍກວ່າເກົ່າເຊິ່ງລວມທັງສາລະພັດສື່ໃຫ້ແກ່ຜູ່ບໍລີໂພກ.ປັດຈຸບັນ,ໃນທົ່ວໂລກໄດ້ສະເໜີມາດຖານ3Gສາມຊະນິດທີ່ມີພື້ນຖານເຕັກນິກຕ່າງກັນ,ໃນນັ້ນ, TD-SCDMAທີ່ຈີນສະເໜີກໍແມ່ນມາດຖານໜຶ່ງ.ຕາມຂ່າວຈາກກະຊວງອຸດສາຫະກຳຂໍ້ມູນຂ່າວສານຈີນ,ມາດຖານTD-SCDMAຂອງຈີນໄດ້ຈໍ່ຕົວເປັນຕ່ອງໂສ້ອຸດສາຫະກຳທີ່ຄົບຖ້ວນຄືຈາກເຕັກນິກແກນກາງຮອດມາດຖານ,ຈາກແຜ່ນຊິບຮອດເຄື່ອງສຳເລັດຮູບ,ຈາກເທີມີໂນຮອດອຸປະກອນ ເຄືອຂ່າຍໃນ ລະບົບ.
ນອກຈາກ ຄວາມພະຍາຍາມຂອງຕົນແລ້ວ,ວິສາຫະກິດຈີນໄດ້ຮັບຜົນສຳເລັດກໍແມ່ນຍ້ອນລັດຖະບານສະໜັບສະໜູນການປະດິດສ້າງຂອງວິສາຫະກິດ.ໃນນັ້ນ,ນອກຈາກລັດຖະບານກາງໄດ້ໃຫ້ການສະໜັບສະໜູນດ້ານເງິນທຶນແລະນະໂຍບາຍແລ້ວ,ອົງການປົກຄອງທ້ອງຖິ່ນກໍໄດ້ອີງຕາມສະພາບຕົວຈິງຂອງທ້ອງຖິ່ນຕົນ,ວາງນະໂຍບາຍບູລິມະສິດ,ສົ່ງເສີມວິສາຫະກິດບົ່ມເພາະຍີ່ຫໍ້ຂອງຕົນ.ທ່ານຢາວອິນລຽງ ເຈົ້າຄອງເມືອງປາວຈີ ແຂວງສ້ານຊີ່ ພາກກາງພາກຕາເວັນຕົກຂອງຈີນກ່າວວ່າ:
"ພວກເຮົາສະໜັບສະໜູນວິສາຫະກິດລົງທຶນ ຫຼາຍກວ່າເກົ່າໃນດ້ານເຕັກນິກ,ເພີ່ມທະວີການໂຄສະນາ ຍີ່ຫໍ້ຂອງຕົນ,ຕົວຢ່າງຄືພວກເຮົາມອບລາງວັນໃຫ້ວິສາຫະກິດ,ມອບລາງວັນໃຫ້ນັກວິຊາການສຳຄັນ,ທັງນີ້ກໍແມ່ນນະໂຍບາຍຂອງອົງການປົກຄອງ,ຍົກຕົວຢ່າງອີກຄື,ການດັດສ້າງເຕັກນິກ,ບຸກເບີກຜະລິດຕະພັນ,ອົງການປົກຄອງຈະລົງທຶນຈຳເພາະຊະນິດຕ່າງໆໄປສະໜັບສະໜູນວິສາຫະກິດ."
ບໍ່ວ່າໃນຕະຫຼາດພາຍໃນປະເທດຈີນຫຼືໃນຕະຫຼາດຕ່າງປະເທດ,ບໍ່ວ່າໃນຂະແໜງການດັ້ງເດີມຫຼືໃນຂະແໜງການຈະເລີນໃໝ່,ການສະແຫວງຫາສິດຊັບສິນທາງປັນຍາແລະຍີ່ຫໍ້ເປັນຂອງຕົນເອງໄດ້ກາຍຄວາມຮັບຮູ້ຄືກັນຂອງວິສາຫະກິດຈີນ.ໃນເສດຖະກິດໂລກາວິວັດ,ຜະລິດຕະພັນຈີນມີຫວັງຈະສ້າງຜົນສະທ້ອນຕໍ່ຊີວິດການເປັນຢູ່ຂອງປະຊາຊົນໃນໂລກຢ່າງເລິກເຊິ່ງກວ່າເກົ່າ.
1 2
|
|
|
