|
ໂຄມໄຟສີໃນຍາມບຸນເຂົ້າໜົມບົວລອຍ ໂດຍທົ່ວໄປແມ່ນເຮັດດ້ວຍເຈ້ຍສີ, ສາມາດເຮັດເປັນຮູບຊະນິດຕ່າງໆ ຄື ສາຍພູສາຍນ້ຳ ສິ່ງກໍ່ສ້າງ ບຸກຄົນ ດອກໄມ້ແລະສັດສາວາສິ່ງເປັນຕົ້ນ, ໃນນັ້ນໂຄມໄຟມ້າແລ່ນມີສີສັນພິເສດຂອງຈີນ, ໂຄມມ້າແລ່ນເປັນເຄື່ອງຫຼິ້ນ, ຕາມເລົ່າລືກັນວ່າ ໄດ້ມີປະຫວັດພັນກວ່າປີແລ້ວ. ຢູ່ໃນໂຄມດັ່ງກ່າວໄດ້ຕິດໃບພັດລົມ, ໃນເວລາໄຕ້ທຽນໄຂພາຍໃນໂຄມນີ້, ອາຍຮ້ອຍກໍຂຶ້ນສູງ, ເຮັດໃຫ້ໃບພັດລົມໝູນຂຶ້ນ, ມ້າເຈັ້ຍທີ່ຕິດໃສ່ໃບພັດລົມກໍແລ່ນຂຶ້ນ, ເງົາມ້າເຈັ້ຍພືລົງໂຄມສີ, ເມື່ອເບິ່ງຈາກນອກໂຄມແລ້ວ, ກໍເໝືອນດັ່ງມີມ້າຫຼາຍໆໂຕກຳລັງແລ່ນໄປໄວປານລົມ, ຄືມ້າແທ້ໆ.
ການກິນເຂົ້າໜົມບົວລອຍໃນຍາມບຸນເຂົ້າໜົມບົວລອຍກໍແມ່ນຮີດຄອງປະເພນີແບບໜຶ່ງ, ໃນລາຊະວົງຊົ້ງຄື ແຕ່ປີ 960 ຮອດປີ 1279, ໃນໝູ່ປະຊາຊົນເລີ່ມກິນອາຫານໃໝ່ຊະນິດໜຶ່ງໃນມື້ບຸນດັ່ງກ່າວ ຄື: ເອົາໝາກໄມ້ຊະນິດຕ່າງໆເຮັດເປັນໄສ້, ເປືອກແມ່ນເຮັດດ້ວຍແປ້ງເຂົ້າໜຽວ, ເມື່ອຕົ້ມສຸກແລ້ວ, ຈັ່ງແມ່ນແຊບອີຫຼີ, ພາຍລຸນມາ, ເຂດພາກເໜືອຂອງຈີນ ສ່ວນຫຼາຍເອີ້ນເຂົ້າໜົມຊະນິດນີ້ເປັນເຂົ້າໜົມບົວລອຍ, ເຂົ້າໜົມບົວລອຍຂະຫຍາຍຕົວມາຮອດປັດຈຸບັນ, ໄດ້ມີເກືອບ 30 ຊະນິດ.
ໃນບຸນເຂົ້າໜົມບົວລອຍ ນອກຈາກຊົມໂຄມໄຟແລະກິນເຂົ້າໜົມບົວລອຍແລ້ວ, ຍັງໄດ້ຈັດການເຄື່ອນໄຫວລື້ນເລີງຊະນິດຕ່າງໆ ເຊັ່ນ ຫຼິ້ນໄມ້ໂຢກເຢກ ເຊີດສິງໂຕເປັນຕົ້ນ, ໂດຍສະເພາະແມ່ນເຊີດສິງໂຕ, ນອກຈາກຈີນແລ້ວ ໃນເຂດຕັ້ງພູມລຳເນົາຂອງຊາວຈີນທີ່ອາໄສຢູ່ແຫ່ງຕ່າງໆໃນໂລກ, ເມື່ອຮອດມື້ບຸນ, ກໍມັກຈັດການສະແດງໃນເວລາເຊີດສິງໂຕ ເສບດົນຕີທີ່ມີສີສັນພິເສດຂອງພື້ນເມືອງຈີນ, ບໍ່ວ່າຜູ່ສະແດງຫຼືວ່າຜູ່ຊົມ ລ້ວນແຕ່ເຂົ້າຮ່ວມຢ່າງຫ້າວຫັນ, ອັນໄດ້ສະແດງໃຫ້ເຫັນບັນຍາກາດອັນຟົດຟື້ນຄຶກຄື້ນໃນຍາມບຸນເຂົ້າໜົມບົວລອຍ.
1 2 3
|
