|
|
 |
| (GMT+08:00)
2006-02-16 20:04:54
|
 |
|
ໄປຕີກອຟຢູ່ເກາະໄຫຫຼຳ(ສຽງ)
cri
Author: da
ນັກທ່ອງທ່ຽວມັກໄປຕີກອຟຢູ່ສະໜາມກອຟເໝີຍຊື້ແລະສະໜາມກອຟຊີ່ໄຫອ້ານຍັງມີສາຍເຫດອີກອັນໜຶ່ງ,ນັ້ນກໍຄື ຢູ່ສອງແຫ່ງນີ້ມີສະໜາມເຝິກຕີກອຟແບບຟຸມເຟືອຍ.ແຂກທີ່ຍັງຕີບໍ່ເປັນປານໃດ,ສາມາດໄປເຝິກຢູ່ສະໜາມເຝິກກ່ອນ.
ຢູ່ເມືອງໄຫໂຂວຍັງມີໂຮງແຮມທີ່ມີສະໜາມກອຟພ້ອມ,ໂຮງແຮມຄ່າງເລີ້ຢວນກໍແມ່ນແຫ່ງໜຶ່ງ.ໂຮງແຮມນີ້ແປະກັບສະໜາມກອຟແຫ່ງໜຶ່ງທີ່ສ່ວນໜຶ່ງຢູ່ດິນໂນນ ແລະສ່ວນໜຶ່ງຢູ່ຂ້າງທະເລ.ຈຸດພິເສດຂອງສະໜາມກອຟແຫ່ງນີ້ແມ່ນ:ມີຫາດຊາຍທຳມະຊາດ,ຢູ່ເທິງຫາດຊາຍເຕັມໄປດ້ວຍຕົ້ນໝາກມີ້ແລະຕົ້ນໝາກພ້າວ,ຢູ່ເທິງຕົ້ນໄມ້ຍັງມີນົກສິ່ວທີ່ຫົວບາງສົບຍາວ.ສິ່ງແວດລ້ອມແບບນີ້ ຍ່ອມຈະພາໃຫ້ແຂກທ່ອງທ່ຽວມີຄວາມຮູ້ສຶກຄືຢູ່ໃນແດນສະຫວັນ.
ເມື່ອທຽບກັບເມືອງໄຫໂຂວແລ້ວ,ຫາດຊາຍທະເລຂອງເມືອງຊ່ານຢ້າຍັງງາມກວ່າ,ສ່ວນລາຄາຕີກອຟກໍ່ຕ່ຳກວ່າໜ້ອຍໜຶ່ງ.ຢູ່ເມືອງຊ່ານຢ້າ,ທ່ານຕ້ອງໄປສະໜາມກອຟຮົງເຊຍກູອ່າວຢາລົງ.ທ່ານອີເມິງໄປຕີກອຟຫຼາຍເທື່ອຢູ່ແຫ່ງນີ້ແລ້ວ,ທ່ານເວົ້າຕໍ່ນັກຂ່າວວ່າ:
"ເສັ້ນທາງຕີກອຟຢູ່ສະໜາມແຫ່ງນີ້ແມ່ນຊ່າງອອກແບບສະໜາມກອຟອາເມລິກາຈັດວາງຢ່າງພະຍາຍາມສຸດຂີດ.ຂ້າພະເຈົ້າຮູ້ສຶກວ່າ ຈຸດພິເສດໃຫຍ່ທີ່ສຸດຂອງແຫ່ງນີ້ແມ່ນ,ຈັດວາງດ້ວຍເອກະລັກຂອງພູມສັນຖານເດີມຂອງທຳມະຊາດ,ເສັ້ນທາງຕີກອຟ 18 ຂຸມລ້ວນແຕ່ຢູ່ເທິງດິນໂນນທຳມະຊາດ,ຄົນຕີກອຟໃຕ້ສະພາບແວດລ້ອມມິດງຽບແລະສະບາຍໃຈທີ່ສຸດ."
ສະໜາມກອຟຮົງເຊຍກູອ່າວຢ້າລົງກວມເນື້ອທີ່ 100 ເຮັກຕາ,ແມ່ນສະໜາມກອຟຢູ່ສົ້ນໃຕ້ຂອງຈີນ.ໂຮມສູນພາບວິວທິວທັດດິນໂນນ ທະເລແລະທະເລຊາຍ,ເວົ້າສຳລັບຜູ້ມັກຕີກອຟແລ້ວ,ຕີກອຟຢູ່ໃນສວນຕົ້ນຢາງທີ່ດົກໜາ,ຈະເຮັດໃຫ້ຜູ່ຕີກອຟເຂົ້າສູ່ສະພາວະແລະມີຄວາມກະຕຸ້ນໃຈໄວ້.
ນອກນີ້,ຢູ່ບໍລິເວນເມືອງຊ່ານຢ້າຍັງມີເຂດທິວທັດທ່ຽນຢາໄຫຈຽວ ເຂດລີສອດບໍ່ນ້ຳອຸ່ນແລະສວນປ່າໄມ້ແຫ່ງຊາດເປັນຕົ້ນເປັນໜ້າໄປທ່ຽວ.ເຂດທິວທັດທ່ຽນຢາໄຫຈຽວໄກຈາກເມືອງຊ່ານຢ້າໄປທິດຕາເວັນຕົກ 20 ກວ່າຫຼັກ,ຕົວໜັງສື"ທ່ຽນຢາໄຫຈຽວ"ແປວ່າ,"ຢູ່ຂອບຟ້າ,ຢູ່ບ່ອນສຸດທະເລ",ຊາວຈີນບູຮານມາຮອດແຫ່ງນີ້ແລ້ວ,ຄຶດວ່າໄດ້ໄປຮອດບ່ອນສຸດສາຍຕາໜ່ວຍໂລກ,ສະນັ້ນ ຈຶ່ງຄວັດຄຳວ່າ"ທ່ຽນຢາ""ໄຫຈຽວ"ຢູ່ເທິງກ້ອນຫີນກ້ອນໃຫຍ່.ເວົ້າລວມແລ້ວ,ນອກຈາກຕີກອຟແລ້ວ,ແຂກທ່ອງທ່ຽວຍັງສາມາດຊົມທິວທັດອັນສວຍງາມຫຼາຍໆແຫ່ງຢູ່ເກາະໄຫຫຼຳ.
1 2
|
|
|
