|
ໃນບ້ານແຫ່ງໜຶ່ງທີ່ຢູ່ພາກເໜືອນະຄອນລາຊາ ເທສະບານເຂດຕິເບດປົກຄອງຕົນເອງຂອງຈີນ,ຊາວກະສິກອນຊາວລ້ຽງສັດເຜົ່າຕິເບດ300 ກວ່າຄົນພວມເບິ່ງຮູບເງົາຢ່າງຕິດອົກຕິດໃຈ.
ຊາວກະສິກອນຊາວລ້ຽງສັດເຜົ່າຕິເບດດີໃຈຫຼາຍທີ່ສາມາດໄດ້ເບິ່ງຮູບເງົາພາກພາສາຕິເບດ.ທ່ານນາງຈູມາ ຊາວກະສິກອນເຜົ່າຕິເບດເວົ້າວ່າ,ນາງມັກເບິ່ງຮູບເງົາທີ່ສຸດ.
"ປັດຈຸບັນ,ແຕ່ລະເດືອນ,ພວກເຮົາຈະໄດ້ເບິ່ງຮູບເງົາເທື່ອໜຶ່ງ.ຈາກຮູບເງົາ,ຂ້າພະເຈົ້າໄດ້ຮູ້ໄດ້ເຫັນສິ່ງໃໝ່ໆ,ຂ້າພະເຈົ້າມັກເບິ່ງຮູບເງົາພາກພາສາຕິ ເບດກ່ຽວກັບວິຊາການປູກຝັງຕາມຫຼັກວິທະຍາສາດ,ຕົວຢ່າງຄືຮູບ ເງົາແນະນຳ ວິທີໃຊ້ຕູບຫ້ອງອຸ່ນ,ການລ້ຽງເປັດໄກ່,ການດັດແປງພັນງົວນົມເປັນຕົ້ນ,ເມື່ອໄດ້ ເບິ່ງຮູບເງົາເຫຼົ່ານີ້ແລ້ວ,ພວກເຮົາກຳເຕັກນິກທີ່ກ່ຽວຂ້ອງໄດ້ງ່າຍທີ່ສຸດ,ສະນັ້ນຕິດໃຈຫຼາຍ."
ນາງຈູມາກ່າວວ່າ,ເມື່ອໄດ້ເບິ່ງຮູບເງົາແລ້ວ,ເພິ່ນໄດ້ກຳ ວິທີປູກຜັກໃນຕູບຫ້ອງອຸ່ນ.ໃນລະດູໜາວ,ເພິ່ນໄດ້ປູກຜັກຂຽວອຸ່ມທຸ່ມເຕັມຕູບຫ້ອງອຸ່ນ,ຜັກເຫຼົ່ານີ້,ສ່ວນໜຶ່ງຈົ່ງໄວ້ໃຫ້ຄອບຄົວກິນ,ສ່ວນໜຶ່ງກໍເອົາໄປຂາຍຢູ່ເມືອງລາຊາ,ເຊິ່ງເຮັດໃຫ້ນາງໄດ້ເງິນບໍ່ໜ້ອຍ.
ກໍເໝືອນດັ່ງນາງຈູມາເວົ້ານັ້ນ,ປັດຈຸບັນ,ຮູບເງົາໄດ້ກາຍເປັນຊ່ອງທາງສຳຄັນສຳລັບຊາວກະສິກອນຊາວລ້ຽງສັດຕິເບດອັນໄພສານໄປຊອກຮູ້ແລະຮັບເອົາຂໍ້ມູນຂ່າວສານພາຍນອກແລະຄວາມຮູ້ວິທະຍາສາດເຕັກນິກ.ໂດຍສະເພາະແມ່ນຮູບ ເງົາພາກພາສາຕິເບດເລື່ອງການສຶກສາວິທະຍາສາດສອດຄ່ອງກັບຄວາມຕ້ອງການດ້ານຊີວິດການເປັນຢູ່ຂອງຊາວກະສິກອນຊາວລ້ຽງສັດ,ເຊີ່ງໄດ້ເກີດມີບົດບາດອັນຕັ້ງໜ້າຕໍ່ຊາວກະສິກອນຊາວລ້ຽງສັດປ່ຽນແປງທັດສະນະຄະຕິ,ດັດແປງເຕັກນິກ,ປົວແປງຊີວິດການເປັນຢູ່ໃຫ້ດີຂຶ້ນ.
ການທີ່ຊາວກະສິກອນຊາວລ້ຽງສັດຕິເບດສາມາດເບິ່ງຮູບເງົາເປັນປະຈຳ,ມັນແຍກອອກຈາກໂຄງການສົ່ງຮູບເງົາເຂົ້າບ້ານຂອງລັດຖະບານຈີນນັ້ນບໍ່ໄດ້.,ເພື່ອເຮັດໃຫ້ຊີວິດດ້ານວັດທະນະທຳຂອງຄົນຈີນໃນຊົນນະບົດອຸດົມສົມບູນຂຶ້ນ,ທ້າຍຊຸມປີ90ສະຕະວັດແລ້ວນີ້ ລັດຖະບານຈີນໄດ້ຈັດຕັ້ງປະຕິບັດໂຄງການທີ່ຊື່ວ່າ2131.ເປົ້າໝາຍຂອງໂຄງການດັ່ງກ່າວແມ່ນເມື່ອຮອດຕົ້ນສະຕະວັດທີ21,ຊາວກະສິກອນຈີນໃນຊົນນະບົດທົ່ວປະເທດແຕ່ລະເດືອນຈະໄດ້ເບິ່ງຮູບເງົາເທື່ອໜຶ່ງ.ຢູ່ເຂດຕິເບດປົກຄອງຕົນເອງ,ເຂດກະສິກຳລ້ຽງສັດກວມເນື້ອທີ່1ລ້ານ2ແສນກິໂລແມັດມົນທົນ,ແນ່ນອນແລ້ວເຂດດັ່ງກ່າວໄດ້ກາຍເປັນເຂດສຳຄັນທີ່ຈັດຕັ້ງປະຕິບັດໂຄງການດັ່ງກ່າວ.
ປີ1998,ເຂດຕິເບດປົກຄອງຕົນເອງເລີ່ມຈັດຕັ້ງປະຕິບັດໂຄງການ"ສົ່ງຮູບເງົາເຂົ້າບ້ານ"ພາຍໃນທົ່ວເຂດປົກຄອງຕົນເອງ.ບໍລິສັດຮູບເງົາເຂດຕິເບດປົກຄອງຕົນເອງໄດ້ໃຊ້ການເຄື່ອນໄຫວຢ່າງໄວວາ,ເພີ່ມກຳລັງຄົນແລະເງິນທຶນ,ເພື່ອເອົາຮູບເງົາໄປສາຍຢູ່ຊົນນະບົດໃຫ້ຫຼາຍ.ຍ້ອນວ່າຊາວກະສິກອນຊາວລ້ຽງສັດເຜົ່າຕິເບດເຂົ້າໃຈແຕ່ຮູບເງົາພາກພາສາຕິເບດເທົ່ານັ້ນ,ສະນັ້ນ,ພວກເຂົາເຈົ້າກໍເພີ່ມທະວີວຽກງານພາກຮູບເງົາ ກ່ອນ.ທ່ານພາບາໂຊຊິນ ຜູ່ອຳນວຍການບໍລິສັດດັ່ງກ່າວແນະນຳວ່າ:
"ເພື່ອຮັບປະກັນໃຫ້ມີຮູບເງົາພຽງພໍ,ພວກຂ້າພະເຈົ້າໄດ້ເພີ່ມຈຳນວນພະນັກງານຂອງພະແນກແປແລະພາກພາສາ,ໄດ້ຈ້າງຜູ່ແປພາສາແລະນັກພາກຮູບເງົາຈຳນວນໜຶ່ງ,ຮັບປະກັນປະລິມານແລະຄຸນນະພາບຂອງຮູບເງົາພາກ.ພ້ອມກັນນັ້ນ,ພວກຂ້າພະເຈົ້າໄດ້ຕອບສະໜອງຄວາມຕ້ອງການຂອງຊາວກະສິກອນຊາວລ້ຽງສັດ,ເພີ່ມຄວາມແຮງໃນການຜະລິດຮູບເງົາພາກເລື່ອງການສຶກສາວິທະຍາສາດ,ເຮັດໃຫ້ຊາວກະສິກອນຊາວລ້ຽງສັດມີຄວາມຮູ້ດ້ານການປູກຝັງ,ແລະລ້ຽງສັດໃຫ້ຫຼາຍຂຶ້ນ."
1 2
|
