|
ຊາວກະສິກອນຊາວລ້ຽງສັດເຂດຕິເບດເບິ່ງຮູບເງົາຈະບໍ່ເປັນບັນຫາອີກແລ້ວ(ສຽງ)
cri
ທ່ານພາບາໂຊຊິນເວົ້າວ່າ,ໃນບໍ່ເທົ່າໃດປີມານີ້,ພວກເຂົາເຈົ້າໄດ້ຜະລິດຮູບເງົາພາກຕັ້ງ1000ກວ່າເລື່ອງແລ້ວ.
ເມື່ອໄດ້ຜະລິດຮູບເງົາພາກແລ້ວ,ຍັງຕ້ອງມີນັກສາຍຮູບເງົາເອົາໄປສາຍຢູ່ບ້ານຕ່າງໆ.ໃນຫຼາຍປີມານີ້,ເຂດຕິເບດປົກຄອງຕົນເອງໄດ້ເພີ່ມທະວີການກໍ່ສ້າງຖັນແຖວສາຍຮູບເງົາ,ສ້າງຈຸດສາຍຮູບເງົາຢູ່ແຕ່ລະເມືອງ,ຮັບສະໝັກເອົາບຸກຄົນຈຳເພາະເພື່ອຝຶກອົບຮົມໃຫ້ພວກເຂົາເຈົ້າເປັນນັກສາຍຮູບເງົາທີ່ໄດ້ມາດຖານ.ປັດຈຸບັນ,ເຂດຕິເບດໄດ້ສ້າງຈຸດສາຍຮູບເງົາ500ກວ່າແຫ່ງແລ້ວ.
ເຂດຕິເບດມີດິນແດນກວ້າງຂວາງ,ພູຫິມະເຈືອລະເນືອ,ທາງຄົມມະນາຄົມຍາວຢຽດທີ່ສຸດ.ເພື່ອສາຍຮູບເງົາ,ນັກສາຍຮູບເງົາຕ້ອງຂີ່ລົດຫຼາຍມື້ຈິ່ງໄປຮອດບ້ານໜຶ່ງ.ແຕ່ວ່າ,ຮູບເງົາກໍເໝືອນດັ່ງອາຫານດ້ານວັດທະນະທຳ,ເຮັດໃຫ້ຊີວິດອັນເປົ່າປ່ຽວຂອງຊາວກະສິກອນຊາວລ້ຽງສັດຢູ່ພູພຽງທີ່ສອກຫຼີກນັ້ນໄດ້ອຸດົມ ສົມບູນຂຶ້ນ.ຍ້ອນວ່າຊາວກະສິກອນຊາວລ້ຽງສັດທັງຫຼາຍຕັ້ງພູມລຳເນົາແບບກະຈັດກະຈາຍ,ເມື່ອຮອດມື້ສາຍຮູບເງົາ,ພວກເຂົາເຈົ້າກໍຂ້ຽວເດີນທາງຈາກແຫ່ງຕ່າງໆໄປຮອດຈຸດສາຍຮູບເງົາ,ບາງຄົນຂີ່ມ້າ,ບາງຄົນຍ່າງເອົາ,ບາງຄົນຂີ່ລົດຈັກ. ທ່ານນີມາເຊີລິນ ຜູ່ຮັບຜິດຊອບຂອງຈຸດສາຍຮູບເງົາເມືອງດາສ ຊານເມືອງພາກເໜືອນະຄອນລາຊາບອກໃຫ້ຮູ້ວ່າ,ໃນຫຼາຍປີທີ່ຜ່ານມາ,ທ່ານໄດ້ໄປບໍ່ຈັກເທົ່າໃດບ້ານ,ໄປສາຍຮູບເງົາບໍ່ຈັກເທົ່າໃດເທື່ອ,ທ່ານຈືບໍ່ຄັກແລ້ວ,ແຕ່ເລື່ອງທີ່ທ່ານລືມຍາກນັ້ນແມ່ນ,ເທື່ອໃດໄປຮອດບ້ານໃດບ້ານໜຶ່ງ,ກໍຈະໄດ້ເຫັນຊາວກະສິກອນຊາວລ້ຽງສັດລ້ວນແຕ່ດີໃຈທີ່ສຸດ,ເມື່ອສາຍຮູບເງົາແລ້ວໆ,ຈົນບໍ່ຢາກໃຫ້ພວກເຂົາເຈົ້າໜີ.ລາງເທື່ອ ,ຊາວກະສິກອນຊາວລ້ຽງສັດທັງຫຼາຍຍັງຢາກເບິ່ງອີກເທື່ອໜຶ່ງ,ພວກເຂົາເຈົ້າກໍສາຍໃຫ້ເບິ່ງອີກ.
ເຜົ່າຕິເບດເຊື່ອຖືພຸດທະສາສະໜາ,ຢູ່ແຫ່ງຕ່າງໆຂອງເຂດຕິເບດມີວັດວາອາຮາມຫຼວງຫຼາຍ.ທ່ານນີມາເຊີລິນເວົ້າວ່າ,ຖ້າວ່າວັດແຫ່ງໃດມີພະສົງສຳມະເນນຫຼາຍກວ່າ30ອົງ,ທ່ານກໍຈະນຳເອົາຮູບເງົາໄປສາຍ ຢູ່ໃນວັດແຫ່ງນັ້ນ,ເພື່ອເຮັດໃຫ້ຊີວິດການເປັນຢູ່ຂອງພະສົງສຳມະເນນອຸດົມສົມບູນຂຶ້ນ.
ໂດຍພິຈາລະນາເຖິງເງື່ອນໄຂທຳມະຊາດຢູ່ເຂດຕິເບດຫຼ້າຫຼັງ,ຊີວິດການເປັນຢູ່ຂອງຊາວກະສິກອນແລະຊາວລ້ຽງສັດທຸກຍາກລຳບາກຫຼາຍ,ໃນຫຼາຍປີມານີ້,ຮູບເງົາທີ່ຊາວກະສິກອນຊາວລ້ຽງສັດແລະພະສົງສຳມະເນນຂອງເຂດຕິເບດໄດ້ເບິ່ງນັ້ນລ້ວນແຕ່ແມ່ນລັດໃຫ້ເບິ່ງລ້າບໍ່ເກັບຄ່າ.ທ່ານພາບາໂຊຊິນ ຜູ່ອຳນວຍການບໍລິສັດຮູບເງົາເຂດຕິເບດປົກຄອງຕົນເອງສະເໜີວ່າ,ໃນຫຼາຍປີມານີ້,ລັດໄດ້ລົງທຶນຫຼາຍສິບລ້ານຢວນເຂົ້າໃນດ້ານຊື້ອຸປະກອນ,ການອົບຮົມວິຊາການເປັນຕົ້ນໃຫ້ພາລະກິດຮູບເງົາເຂດຕິເບດ.ທ່ານເວົ້າວ່າ:
"ປັດຈຸບັນ,ໃນ73ເມືອງຂອງເຂດຕິເບດ,ຊາວກະສິກອນຊາວລ້ຽງສັດຂອງ69ເມືອງໄດ້ເບິ່ງຮູບເງົາເດືອນລະເທື່ອ.ຕໍ່ໄປພາຍໜ້າ,ພວກຂ້າພະເຈົ້າຍັງຈະນຳເຂົ້າແລະຜະລິດຮູບເງົາພາກຫຼາຍກວ່າເກົ່າ,ອົບຮົມນັກສາຍຮູບເງົາຫຼາຍກວ່າເກົ່າ,ປົວແປງເງື່ອນໄຂຂອງແຕ່ລະຈຸດສາຍຮູບເງົາໃຫ້ດີຂຶ້ນ,ພະຍາຍາມເຮັດໃຫ້ຊາວກະສິກອນແລະຊາວລ້ຽງສັດເຂດຕິເບດເບິ່ງຮູບເງົາຫຼາຍກວ່າເກົ່າ."
1 2
|
|
