|
|
 |
| (GMT+08:00)
2006-02-23 16:57:59
|
 |
|
ໄປລ່ອງເຮືອຜະຈົນໄພແລະຊີມອາຫານແຊບພິເສດຢູ່ເມືອງພ່ານຈື່ຮ່ວາ(ສຽງ)
cri
Author: da
|
ທ່ານຜູ້ຟັງ,ມື້ນີ້ ດາລາວັນຈະແນະນຳເມືອງພ່ານຈື່ຮ່ວາສູ່ທ່ານຟັງ.ເມືອງພ່ານຈື່ຮ່ວາຕັ້ງຢູ່ແຂວງເຊສວນ ພາກຕາເວັນຕົກສຽງໃຕ້ຂອງຈີນ,ຕໍ່ແດນກັບເຂດຕິເບດປົກຄອງຕົນເອງແລະແຂວງຢຸນນານຈີນ.ແມ່ນ້ຳຈິ່ນຊ່າຈ່ຽງທີ່ຢູ່ຕອນຍ່ານເໜືອຂອງແມ່ນ້ຳຢາງເຊໄດ້ໄຫຼຜ່ານເມືອງພ່ານຈື່ຮ່ວາ.
ເມືອງພ່ານຈື່ຮ່ວາມີຊັບພະຍາກອນບໍ່ແຮ່ ພະລັງນ້ຳແລະກະສິກຳທີ່ອຸດົມສົມບູນ.ຢູ່ເມືອງພ່ານຈື່ຮ່ວາ ມີແສງແດດອົບອຸ່ນແລະດິນຟ້າອາກາດສະບາຍຕະຫຼອດປີ.ຢູ່ອ້ອມແອ້ມຕົວເມືອງມີຊັບພະຍາກອນທ່ອງທ່ຽວຫຼາກຫຼາຍຮູບແບບ,ເຊັ່ນ:ຖ້ຳຫີນ ປ່າຫີນ ນ້ຳຕົກຕາດ ບໍ່ນ້ຳອຸ່ນ ປ່າໄມ້ດຶກດຳບັນ ແລະເດີ່ນຫຍ້າເທິງພູເຂົາເປັນຕົ້ນ.ໃນນັ້ນ ສິ່ງທີ່ມີຊື່ສຽງກວ່າໝູ່ກໍແມ່ນໄປລ່ອງເຮືອຜະຈົນໄພຕາມແມ່ນ້ຳຈິ່ນຊ່າຈ່ຽງ.
ການໄປລ່ອງເຮືອຜະຈົນໄພຕາມແມ່ນ້ຳຈິ່ນຊ່າຈ່ຽງ,ແມ່ນຢູ່ໃນຮ່ອມພູໃຫຍ່ພາກຕາເວັນຕົກຂອງເມືອງພ່ານຈື່ຮ່ວາ.ຮ່ອມພູແຫ່ງນີ້ ມີພູຜາແມ່ນ້ຳປະສົມປະສານກາຍເປັນພາບວິວທິວທັດອັນສວຍງາມ ທັງມີຮູບຊົງສະຫງ່າຜ່າເຜີຍ,ສາມາດປຽບທຽບກັບຮ່ອມພູອາຟຼີກາຢູ່ເກນຢາ,ພູມສັນຖານທີ່ພິລຶກອັດສະຈັນ ພາບວິວທິວທັດຮ່ອມພູທີ່ເລິກລັບແລະທິວທັດພຶກສາຊາດດຶກດຳບັນຢູ່ແຫ່ງນີ້ ເຮັດໃຫ້ຄົນມັກຫຼິ້ນຈົນບໍ່ຢາກເມືອ,ຖືກຄົນຈີນແລະຄົນຕ່າງປະເທດຜູ່ນິຍົມລ່ອງເຮືອຕາມແມ່ນ້ຳເອີ້ນເປັນ"ສຸວັນນະພູມ"ຂອງການລ່ອງເຮືອຜະຈົນໄພຕາມແມ່ນ້ຳ.
ປີ 1999,ການລ່ອງເຮືອຜະຈົນໄພຕາມແມ່ນ້ຳຈິ່ນຊ່າຈ່ຽງຖືກວາລະສານ" national geographic" ຂອງອາເມລິກາປະກວດເປັນໜຶ່ງໃນ 25 ລາຍການຜະຈົນໄພທີ່ມີການທ້າທາຍກວ່າໝູ່ ມີຄວາມຫຍຸ້ງຍາກລຳບາກກວ່າໝູ່ແລະມີຄວາມດູດດຶງຫຼາຍກວ່າໝູ່ໃນທົ່ວໂລກ.ນາງຮົງອີ້ ຜູ່ນຳທ່ຽວຂອງບໍລິສັດທ່ອງທ່ຽວສາກົນຈີນເຫັນວ່າ,ເອກະລັກພິເສດທີ່ໃຫຍ່ກວ່າໝູ່ຂອງການລ່ອງເຮືອຕາມແມ່ນ້ຳຢູ່ແຫ່ງນີ້ກໍແມ່ນສຳຜັດກັບຄວາມຫວາດສຽວແລະຕື່ນເຕັ້ນ.
"ນັກທ່ອງທ່ຽວສ່ວນຫຼາຍມີຄວາມຮູ້ສຶກດີຫຼາຍ,ຮູ້ສຶກວ່າຕື່ນເຕັ້ນທີ່ສຸດ,ສາມາດຝຶກຝົນຫຼໍ່ຫຼອມມານະຈິດຂອງຕົນໃນການຜະຈົນໄພ.ຫຼາຍໆຄົນມາເທື່ອໜຶ່ງ,ບໍ່ດົນກໍ່ໂທມາຫາອີກ,ບອກວ່າ,ມ່ວນຫຼາຍ,ຈະພາຄອບຄົວແລະໝູ່ເພື່ອນມາຫຼິ້ນນຳກັນອີກ."
1 2
|
|
|
