ແຕ່ວ່າ,ເມືອງພ່ານຈື່ຮ່ວາທີ່ມີຊື່ມ່ວນເມືອງນີ້ພຽງແຕ່ໄດ້ນຳເອົາຄວາມສະເຫວີຍສຸກທາງສາຍຕາແລະຄວາມຮູ້ສຶກທີ່ຫວາດສຽວມາໃຫ້ແກ່ນັກທ່ອງທ່ຽວເທົ່ານັ້ນບໍ່?ມີຄົນເວົ້າວ່າ,ເມືອງພ່ານຈື່ຮ່ວາແມ່ນສວນພຶກສາຊາດສີຂຽວແບບທຳມະຊາດ,ໝາກໄມ້ປ່າຢູ່ແຫ່ງນີ້ກິນໄດ້,ນ້ຳຫ້ວຍໃສສະອາດກໍດື່ມໄດ້.ຢູ່ເມືອງພ່ານຈື່ຮ່ວາ,ທ່ານມັກຈະໄດ້ເຫັນເລື້ອຍໆວ່າ ຄົນທ້ອງຖິ່ນຢູ່ແຫ່ງນີ້ມັກເກັບເອົາຕົ້ນໄຄຊະນິດໜຶ່ງທີ່ເກີດຢູ່ເທິງໂງ່ນຫີນ,ຄົນທ້ອງຖິ່ນເອີ້ນວ່າ"ຜັກດອກຫີນ".ຕາມເວົ້າວ່າ,ຜັກຊະນິດນີ້ມີແຕ່ເກີດຢູ່ເທິງໂງ່ນຫີນໃນແມ່ນ້ຳທີ່ບໍ່ມີການເຊື່ອມພິດເທົ່ານັ້ນ,ຢູ່ເມືອງພ່ານຈື່ຮ່ວາມີຫຼາຍກວ່າໝູ່.
ແຕ່ວ່າ,ມື້ນີ້ ພວກເຮົາຈະບໍ່ແນະນຳຜັກຊະນິດນີ້ສູ່ທ່ານຟັງ,ຫາກແມ່ນຈະແນະນຳ"ຢາງຟ່າງຈ້າງອີ" ອາຫານແຊບທີ່ເຮັດດ້ວຍຊີ້ນແກະທີ່ຄົນທ້ອງຖິ່ນນິຍົມຫຼາຍ.
ຕົ້ມຊີ້ນແກະ
ຢູ່ຈີນ,ນັກທ່ອງທ່ຽວມັກໄດ້ຊີມອາຫານແຊບທີ່ເຮັດດ້ວຍຊີ້ນແກະ,ທຳມະດາແລ້ວມີ:ປີ້ງໂຕແກະ ຈຸ່ມຊີ້ນແກະ ຕົ້ມຊີ້ນແກະ ຂົ້ວຊີ້ນແກະກັບເຄື່ອງເທດ ປີ້ງຊີ້ນແກະ ແລະເອົາມືຈັບກິນຊີ້ນແກະຕົ້ມເປັນຕົ້ນ.ຢູ່ເມືອງພ່ານຈື່ຮ່ວາ,ນັກທ່ອງທ່ຽວຈະມີໂອກາດຊົມເບິ່ງສີມືເຮັດອາຫານ"ຢາງຟ່າງຈ້າງອີ"ຂອງຄົນທ້ອງຖິ່ນ,ວິທີປຸງແຕ່ງແມ່ນ:ບໍ່ໃສ່ເຄື່ອງປຸງຫຍັງເລີຍ,ພຽງແຕ່ໃສ່ປາເຂັງນ້ອຍສົດຈັກໂຕສອງໂຕໃສ່ໝໍ້ຕົ້ມຊີ້ນແກະເທົ່ານັ້ນ,ໃນເວລາກິນຊີ້ນແກະ ຈະແຊບນົວຈົນເຮັດໃຫ້ຄົນບໍ່ຢາກເຊົາກິນ.ຄົນທ້ອງຖິ່ນເວົ້າວ່າ,ຖ້າວ່າເມືອງພ່ານຈື່ຮ່ວາມີຂອງກິນຫຍັງທີ່ແຊບກວ່າໝູ່,ນີ້ກໍຕ້ອງແມ່ນຢາງຟ່າງຈ້າງອີ.
ຢູ່ເມືອງພ່ານຈື່ຮ່ວາ,ກ່ຽວກັບອາຫານຢາງຟ່າງຈ້າງອີຍັງມີນິທານອັດສະຈັນຕອນໜຶ່ງ.ຕາມເລົ່າລືກັນວ່າ ໃນສະໄໝດຶກດຳບັນ,ຢູ່ແຂວງເຊສວນມີພໍ່ເຖົ້າອາຍຸຍືນຜູ້ໜຶ່ງ ຊື່ວ່າ"ເພີ່ງຈູ",ຊ່າງບຳລຸງຮ່າງກາຍ,ຈົນມີອາຍຸຍືນຮອດ 800 ປີ.ມື້ໜຶ່ງ,ລູກຊາຍຫຼ້າຂອງເພິ່ນຈັບປາໄດ້ຫຼາຍໂຕ,ແລ້ວໃສ່ລົງໝໍ້ຕົ້ມຊີ້ນແກະຕາມໃຈມັກ,ເມື່ອລຸງເພີ່ງຈູເມືອບ້ານກິນຊີ້ນແກະ,ຮູ້ສຶກວ່າມີລົດຊາດແຊບນົວທີ່ສຸດ,ຈຶ່ງປຸງແຕ່ງຕາມວິທີນີ້,ອາຫານຢາງຟ່າງຈ້າງອີກໍໄດ້ກຳເນີດຂຶ້ນຍ້ອນ.
ຢູ່ຮ້ານອາຫານນ້ອຍໃຫຍ່ໃນເມືອງພ່ານຈື່ຮ່ວາ,ເກືອບໝົດທຸກຄອບຄົວລ້ວນແຕ່ແຕ່ງອາຫານເຍື່ອງນີ້ໄດ້.ຮ້ານອາຫານມິງເຢ້ແມ່ນຮ້ານອາຫານບໍ່ໃຫຍ່ປານໃດຢູ່ຊານເມືອງພ່ານຈື່ຮ່ວາ,ເພື່ອໃຫ້ພວກເຮົາໄດ້ຊີມເບິ່ງຢາງຟ່າງຈ້າງອີຂອງຄອບຄົວເພິ່ນ,ທ່ານຫຼິລຽນພິງ ເຈົ້າຂອງຮ້ານໄດ້ໄປຊື້ແກະເປັນໂຕໜຶ່ງໂດຍຈຳເພາະ,ເພື່ອໃຫ້ພວກເຮົາຊົມເບິ່ງວິທີປຸງແຕ່ງອາຫານຊະນິດນີ້:
"ອາຫານຊະນິດນີ້ດູດດຶງນັກທ່ອງທ່ຽວຂອງຕ່າງຖິ່ນຫຼາຍກວ່າໝູ່,ສາມາດສ້າງພາບປະທັບໃຈອັນເລິກເຊິ່ງກວ່າໝູ່.ແຂກສ່ວນຫຼາຍມາກິນເທື່ອໜຶ່ງແລ້ວ,ຍັງມາເທື່ອທີສອງ,ທີສາມ,ລາງເທື່ອ ພາຍຫຼັງນັກທ່ອງທ່ຽວຂອງຕ່າງຖິ່ນມາກິນແລ້ວ,ຍັງຫໍ່ເອົາເມືອບ້ານ."
ໃນເວລາພວກເຮົາຊີມອາຫານຢາງຟ່າງຈ້າງອີຢູ່ຮ້ານອາຫານມິງເຢ້,ພໍ່ຄົວຂອງຮ້ານອາຫານນີ້ໄດ້ສະແດງສືມືຂອງເພິ່ນໃຫ້ພວກເຮົາເບິ່ງ.ທ່ານໄດ້ຕອກຫຼັກໄມ້ນ້ອຍ 6 ຫຼັກໃສ່ດິນ,ແລ້ວພືໜັງແກະຊັ້ນໃນທີ່ຫາກໍ່ລອກອອກມານັ້ນຢູ່ເທິງ,ຂົນຢູ່ລຸ່ມ,ດຶງອອກເປັນ 6 ແຈ,ແລ້ວມັດໃສ່ຫຼັກໄມ້."ໝໍ້ໜັງແກະ"ກໍ່ເຮັດແລ້ວໆ,ຖອກນ້ຳໃສ່ນ້ຳໝໍ້,ໃສ່ເຄື່ອງໃນແກະແລະເຄື່ອງປຸງ,ປະມານເຄິ່ງຊົ່ວໂມງ,ໜັງແກະບໍ່ໄດ້ໄໝ້ຈົນຮົ່ວ,ແຕ່ນ້ຳແກງຊີ້ນແກະພັດເຮັດລຽບລ້ອຍແລ້ວ.ຕາມເວົ້າວ່າ ສີມືອັນພິລຶກຊະນິດນີ້ ແມ່ນກອງທັບສະໄໝປະຖົມບູຮານເປັນຜູ້ປະດິດສ້າງໃນເວລາພັກແຮມຢູ່ກາງປ່າ,ເມື່ອຄົນທ້ອງຖິ່ນເຮັດເປັນແລ້ວ ກໍເລີຍຮັກສາໄວ້ແລະສືບທອດກັນມາຈົນຮອດປະຈຸບັນ.
ສ່ວນເປັນຫຍັງຈຶ່ງເອົາໜັງແກະມາເຮັດເປັນໝໍ້ແກງໄດ້,ທ່ານອູຢື້ໂກ ພໍ່ຄົວໄດ້ອະທິບາຍໃຫ້ຟັງວ່າ:
"ຍ້ອນໜັງແກະປຽກ,ບວກກັບມີນ້ຳໃນໝໍ້ໜັງແກະ,ສະນັ້ນ,ຕົ້ມອາຫານກິນ,ໜັງແກະຈຶ່ງບໍ່ໄໝ້."
ທ່ານຜູ້ຟັງທີ່ໂຄລົບ,ເມືອງພ່ານຈື່ຮ່ວາມິເອກະລັກພິເສດຫຼາຍ,ການລ່ອງເຮືອຕາມແມ່ນ້ຳແລະອາຫານແຊບຂອງເມືອງນີ້ໄດ້ດູດດຶງນັກທ່ອງທ່ຽວຂອງແຫ່ງຕ່າງໆດ້ວຍສະເໜພິເສດຂອງຕົນ.ຂໍໃຫ້ທ່ານຫາໂອກາດມາທ່ຽວແດ່.
1 2
|
